309a6 /[ ]@##/ /rgya gar skad du/ pau sha ta bi d+hiH/ bod skad du/ gso sbyong gi cho ga /rje btsun ma la phyag 'tshal lo/ /bcom ldan 'das ma'i sku gzugs mdun du bzhugs la sems bskyed bya/ po ta la nas spyan drangs pa'i bcom ldan 'das ma
309a7 dang sku gzugs gnyis su med par bsam/yan lag smad lnga khrus byas la bcom ldan 'das ma 'khor dang bcas pa'i zhabs la gtugs pa'i phyag bya/ dngos sam yid kyis mchod pa 'bul/ bstod pa gang yang rung ba tshar gsum bsgrags/ /sku gsung thugs mnyes par bya ba'i
309b1 phyir/rtsa ba'i snying po brgya rtsa brgyad bgrang / sdig pa la sogs bshags pa'i yan lag gzhan yang byas la/ lus tsog tsog por 'dug la me tog dang bcas pa'i thal mo sbyar te/ cho ga 'di lan gsum brjod pas gso sbyong rang gis blangs par 'gyur te/ phyogs bcu na bzhugs
309b2 pa'i sangs rgyas dang byang chub sems dpa' thams cad dang /mgon po thugs rje chen po dang ldan pa 'phags pa spyan ras gzigs bdag la dgongs su gsol/ bcom ldan 'das ma sgrol ma bdag la dgongs su gsol/ ji ltar sngon gyi de bzhin gshegs pa dgra bcom pa yang dag par
309b3 rdzogs pa'i sangs rgyas rnams dang /sa chen po dang lam la gnas pa'i byang chub sems dpa' sems dpa' chen po rnams kyis sems can thams cad la phan par bya ba'i phyir dang / bde bar bya ba'i phyir dang / tshul khrims kyi phung po dang / ting nge 'dzin gyi phung po dang / shes rab kyi phung
309b4 po dang /rnam par grol ba'i phung po dang / rnam par grol ba'i ye shes gzigs pa'i phung po yongs su rdzogs par bya ba'i phyir gso sbyong nges par bya ste/ yang dag par blangs pa de bzhin du/ bdag ming 'di zhes bya bas kyang / dus da nas bzung nas gdugs rtse shar gyi bar du/
309b5 sems can thams cad la phan par bya ba'i phyir dang / bde bar bya ba'i phyir dang / tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po yongs su rdzogs par bya ba'i phyir gso
309b6 sbyong nges par bya ste/yang dag par blang bar bgyi'o/ /deng nas srog gcod mi bya zhing / /gzhan gyi nor yang blang mi bya/ /'khrig pa'i chos kyang mi spyad de/ /rdzun gyi tshig kyang mi smra'o/ /skyon ni mang po mnyam bsten pa'i/ /chang ni yongs su spang bar bya/ /khri stan mthon po
309b7 mi bya zhing //de bzhin dus ma yin pa'i zas/ /dri dang phreng ba dang ni rgyan/ /gar dang glu sogs spang bar bya/ /ji ltar dgra bcom rtag tu ni/ /srog gcod la sogs mi byed pa/ /de ltar srog gcod la sogs spong / /bla med byang chub thob par shog/ /sdug bsngal mang dkrugs sems
310a1 can rnams//srid pa'i mtsho las sgrol bar shog /ces brjod do/ /ba'i lci ba'i dkyil 'khor dbus su bcom ldan 'das ma la mchod cing smyung bar gnas pas bsgrub pa dang bstod pa la sogs pa byas na mtshams med pa lnga'i las byas pa yang nges par byang bar
310a2 'gyur ro//sku dngos su mthong ba la sogs pa'i yon tan mtha' med pa la sogs pa 'dzin par 'gyur ro/ /dus ni yar ngo'i tshes brgyad yin no/ /dkar gsum dang dus cung zad thung ba la sogs pa ci rigs pas kyang btub bo/ /gso sbyong rang gis blang ba'i cho ga rdzogs so// //