308b4 /[ ]@##/ /rgya gar skad du/ tA rA To ba bi d+hiH/ bod skad du/ sgrol ma'i khrus kyi cho ga /rje btsun ma sgrol ma la phyag 'tshal lo/ /khrus kyi cho ga la gsum ste/ sbyor ba dang / dngos gzhi dang / rjes so/ /dang po ni gnas yid dang
308b5 mthun par phyag dar la sogs pa byas te/bum pa mtshan nyid dang ldan par rdzas gzhan dang mthun par bsags te/ shel med du mi rung mchod pa rnams sta gon bya'o/ /dngos gzhi ni sngon du gsungs pa'i rim pa stong pa'i ngang las sems nyid tAM dkar por blta'o/ /de las 'od
308b6 'phros bsdus nas bdag nyid sgrol ma mdog dkar mo pad+ma dang zla ba la rdo rje skyil krung gis bzhugs pa/zhal gcig phyag gnyis mnyam gzhag gi steng na bdud rtsi'i bum pa bsnams pa/ rin po che sna tshogs kyi rgyan dang ldan pa 'od 'phro ba dang bcas pa'i sangs rgyas lnga'i dbu rgyan can du
308b7 bskyed par bya'o//bum pa yang mi dmigs pa las phyi bum pa la nang rin po che'i gzhal yas khang bcud bdud rtsi'i rgya mtsho'i dbus su pad+ma'i pa dra'i sdong po la rang 'dra ba'i dam tshig sems dpa' bskyed/ de'i mdun na las kyi khro bo bdud rtsi 'khyil pa dmar ser bzhengs pa/
309a1 zhal gcig phyag gnyis pa'i thal mo sbyar ba'i dbus na rin po che'i bum pa bdud rtsi 'bab pa bsnams pa/ zhi ma khro gtso mo la blta ba bsam mo/ de dag la ye shes pa gzhug dbang bskur rgyas gdab/ de nas rdo rje gzungs thag dang bcas pa bum pa'i steng du
309a2 bzhag rang dang bum pa'i lha gnyis ka'i thugs kar zla ba la sa bon dang bzlas pa'i sngags bsams te/rang gis gzungs thag bzung nas ngag tu/ oM tA re tut+tA re tu re a mr-i ta kuN+Da li ha na ha na/ da ha da ha/ pa tsa pa tsa/ sarba pA paM hUM phaT swA hA/ zhes brjod pas sngags gzungs thag la 'khril
309a3 nas bum pa'i lha gnyis po'i thugs kar phog de las 'od 'phros de bzhin gshegs pa'i thugs bskul/ye shes kyi bdud rtsi spyan drangs lha gnyis po'i bum pa la phog bdud rtsi lud 'og gi bdud rtsi dang dbyer med du bsam mo/ /de ltar gso sbyong la gnas pa dus ni tshes
309a4 brgyad nas pha rol gyi tshes brgyad kyi bar ram/grangs ni sum 'bum mo/ /rtags ni chu khol ba la sogs pa dang lha'i zhal mthong ba'o/ /rjes la ye shes pa gshegs te dam tshig pa rang la bsdus nas rang lha'i nga rgyal gyis rang gzhan chu des bkrus nas sdig pa la sogs
309a5 te mi mthun pa thams cad zhi bar 'gyur ro//sa phyogs kun du gtor na yang nad zhi bar 'gyur ro/ /phyugs la gtor na phyugs nad zhi bar 'gyur ro/ /me la sogs pa'i 'jigs pa la gtor na 'jigs pa thams cad spong ngo / /sgrol ma'i khrus kyi cho ga slob dpon chen po b+ha wa b+ha
Tas mdzad pa rdzogs so/