| བོད་ཡིག |
287a2 /[ ]@##/ /sgrol ma'i dkyil 'khor du 'jug pa'i cho ga mdor bsdus bzhugs// @##/ /bcom ldan 'das ma la phyag 'tshal lo/ /mdor bsdus pa la dga' rnams phyir/ /sdom tshig le'ur byas pa yin/ /phyogs rnams gtsang mnyen bde ba dang / /kun du
287a3 dri ngad ldang gyur pa//bde ba can gyi zhing khams ltar/ /sa gzhi byin gyis brlab par bgyi/ /phyi nang ma bsgribs gsal ba dang / /rin chen rnams las grub pa yi/ /thub pa'i dbang po sras bcas kyi/ /gzhal yas khang du byin brlab bo/ /bla ma dkyil 'khor lha tshogs dang / /phyogs
287a4 bcur bzhugs pa'i sangs rgyas sras//bka' sdod phyogs skyong ma lus pa/ /de ring spyan 'dren gshegs su gsol/ /gtsang zhing dri zhim bsil ba yi/ /dri chab bdud rtsi'i rgyun lta bus/ /rgyal ba sras bcas ma lus la/ /chu gsum gyis ni mnyes par bgyi'o/ /dus gsum
287a5 bzhugs pa'i bla ma lha//rin chen gsum ni nam mkha' la/ /til gyi gang bu ltar dmigs nas/ /sgo gsum gus pas phyag 'tshal lo/ /me tog la sogs nyer spyod dang / /rgyal srid bdun dang grub pa'i rdzas/ /mchod sprin nam mkha' gang dmigs te/ /'gro ba bsgral
287a6 phyir dbul bar bgyi'o//bdag dang sems can mkha' mnyam gyis/ /thog med dus nas da lta'i bar/ /ma lus sdig pa ci bgyis pa/ /shin tu 'gyod pas bshags par bgyi'o/ /mngon mtho nges legs rgyur gyur ba'i/ /skye bo'i dge ba gang bgyis dang / /'phags pa'i
287a7 tshogs kyis gang bgyis la//lhag par spro bas yi rang ngo / /sgo gsum nyams len mi dge bcom/ /ched du bya ba gzhan don brtson/ /lam bde tshegs chung 'jug pa zab/ /sdom pa gsum la gnas par bgyi'o/ /btang bar dka' ba'i lus 'di ni/ /mgon dang bde
287b1 gshegs sras bcas la//bran g.yog nyid du dbul lags kyis/ /deng nas khyed kyi 'bangs su mchi'o/ /rgyal srid bu dang chung ma dang / /'bru dang rta glang bran du bcas/ /sa gzhi gser sogs rin po che/ /gus pas thub mchog rnams la mchod/ /sbyin dang tshul khrims sgom pa
287b2 dang //thos bsam tshogs gnyis ci bsags pa/ /dus gsum bsdus pa'i dge ba gang / /thub pa chos kyi spyan la dbul/ /sgeg 'dzum ldem zhing brjid pa dang / /rngam zhing khros pa khro bo'i gzugs/ /sras bcas sku yi dkyil 'khor la/ /dad pas mig mi 'dzums
287b3 pas blta'o//sangs rgyas byang chub ma lus pa'i/ /tshe dang yon tan mthu stobs dang / /sku gsum mdzad pa ma lus la/ /rtag tu gus pas skyabs su mchi/ /bla ma rdo rje slob dpon dang / /yi dam dkyil 'khor lha tshogs te/ /sangs rgyas chos dang dge 'dun la/ /rtag tu
287b4 gus pas skyabs su mchi'o//rgyal ba byang chub mchog brnyes nas/ /cung zad snyoms par bzhugs pa la/ /tshangs pa lta bur gus pa yis/ /chos kyi 'khor lo bskor bar bskul/ /byang chub mdzad pa mthar phyin nas/ /bde gshegs mya ngan 'da' bzhed la/ /ji srid
287b5 'khor ba mtha' yod par//sems can don du bzhugs su gsol/ /ji ltar sngon gyi skyob pa yis/ /byang chub sems ni bskyed pa ltar/ /de bzhin bdag kyang sems can phyir/ /byang chub chen por sems bskyed do/ /rgyal sras 'jig rten skyong rnams la/ /sku gsum grub
287b6 dang rig pa 'dzin//las tshogs phrin las rnam dbye sogs/ /las bcol de ni grub par mdzod/ /'dir ni nyes pa gang bgyis pa/ /gang yang lus can skyabs gyur la/ /ma 'tshal ba rnams bshags par bgyi/ /gtso bos cis kyang bka' gnang 'tshal/ /'bras bu mchog dang thun mong ste/ /ma
287b7 nor tshig don shes rab dang //spobs pa mthu rtsal phun tshogs pa'i/ /dngos grub de dag gnang bar rigs/ /dus gsum bsags pa'i dge ba ni/ /tshogs gnyis bdud rtsi lta bu 'dis/ /sku gsum 'bras bu grub gyur nas/ /gzhan don 'bad med 'byung bar shog /dkyil 'khor du 'jug pa'i
cho ga mdor bsdus pa/