284b5 /[ ]@##/ /rgya gar skad du/ Ar+ya tA rASh+Ta b+ha ya tra ta nA ma sA d+ha naM/ bod skad du/ 'phags ma sgrol ma 'jigs pa brgyad las skyob pa zhes bya ba'i sgrub pa'i thabs/ rje btsun ma sgrol ma la phyag 'tshal lo/ /kun mkhyen rgyal ba'i bdag
284b6 po lhan cig skyes pa'i chos sku de bzhin du//longs spyod rdzogs dang sprul pa'i sku ste pad+ma'i 'dab ma bzhin du yangs pa'i spyan/ /rnal 'byor dag par rnam par thar gyur srid dang srid las bral ba'i sku gsung thugs chags pa/ /thabs dang shes rab gnyis med lha dang lha min mis mchod de
284b7 la phyag 'tshal te//skye 'jig rnam par spangs phyir chos nyid mi 'gyur yang dag nyid du dbyer med kyang / /'khrul bcas 'gro ba'i don phyir sku gsung thugs kyi phrin las khyad par gsang sngags lam/ /sgrib pa myur 'joms sna tshogs phyag rgya'i gzugs 'phros sangs rgyas thams cad skyed byed yum/ /
285a1 'jigs pa brgyad las sgrol ba 'di deng sgrub la dga' phyir dad pas brtsam par bya/ /dad ldan rab brtson dam tshig ldan/ /rje btsun sgrub la dga' ba yis/ /rnam par 'tshe med dben pa'i gnas/ /nyams dga' dngos grub 'byung gnas su/ /rten dang mchod rdzas sna
285a2 tshogs pa//bshams nas bde ba'i stan nyid la/ /rdzogs sangs rgyas kyi bzhugs tshul gyis/ /phyi nang khrus kyis dag byas te/ /de nas rang gi snying ga ru/ /nga ro dang po las byung ba'i/ /chu shel dbus su yi ge ni/ /sde tshan bzhi pa'i dang po la/ /lnga pa'i tha ma'i thig les brgyan/ /de yi 'od
285a3 kyis rje btsun dang //'phags pa'i tshogs rnams spyan drangs te/ /sangs rgyas kun gyi ye shes sku/ /gti mug ldongs pa'i sems can gyi/ /ma rig mun pa sel mdzad ma/ /bde gshegs sgrol ma phyag 'tshal lo/ /dri zhim me tog thams cad dang / /a ga ru sogs bdug spos
285a4 dang //rab tu mun sel sgron me dang / /ga pur la sogs dri yi mchog /gtsang sbyar bshos dang gzhan yang ni/ /sgra snyan la sogs mchod pa'i tshogs/ /thams cad dbul te sngags dang ni/ /phyag rgya'i rgyas kyang gdab par bya/ /'khor ba thog ma med bar du/ /sdig bgyis
285a5 gang lags ma lus pa//da lta nyid du bshags bgyis nas/ /slan chad nam yang mi bgyid do/ /rdzogs sangs rgyas sogs 'phags rnams dang / /'gro ba kun gyi dge ba ni/ /zag med zag dang bcas pa la/ /bsam pas rjes su yi rang ngo / /'gro mgon sprin bral nyi ma yi/ /
285a6 dkyil 'khor rgyas par gyur rnams la/ /'gro ba rnams la phan pa'i phyir/ /chos kyi 'khor lo bskor bar bskul/ /rgyal ba zag med dbyings nyid du/ /mya ngan 'das gzigs bzhed rnams la/ /ji srid 'khor ba gnas kyi bar/ /mya ngan mi 'da' bzhugs par gsol/ /don
285a7 dam rang bzhin mtshan ma med//rnam par mi rtog chos sku las/ /gzugs sku lta bu'i tshul 'chang ba'i/ /'gro mgon khyed la skyabs su mchi/ /ji ltar dus gsum mgon po rnams/ /byang chub mchog tu thugs bskyed ltar/ /bdag kyang 'gro rnams bsgral ba'i phyir/ /byang chub
285b1 mchog tu sems bskyed do//phyag 'tshal la sogs bgyis pa las/ /bdag gis bsod nams gang thob des/ /sems can ma lus sangs rgyas kyi/ /sa ni myur du thob par shog /'gro ba bde dang phrad la sogs/ /tshad med bzhi yang bsgom par bya/ /de nas 'phags rnams
285b2 gshegs byas la//brtan g.yo'i chos kun stong par bsgom/ /oM shU n+ya tA dz+nyA na badzra swa b+hA wa At+ma kou0f85haM/ de nas chu skyes steng du ni/ /chu shel de steng sa bon no/ /de yongs gyur las ut+pal/ /sa bon nyid kyis mtshan pa'o/ /de yi 'od kyis skye dgu rnams/ /sbyangs nas yongs gyur b
285b3 com ldan ma//zhal gcig phyag gnyis dUr ba'i mdog /bcu drug na tshod rgyan rnams rdzogs/ /mchog sbyin pa dang ut+pal/ /g.yas dang g.yon du shes bya ste/ /phyed krung gis bzhugs 'dzum pa'i bzhin/ /mtsho steng rin chen brag phug nang / /ltos 'gros zhabs brten bsgom
285b4 par bya//g.yas dang g.yon gyi dang po ni/ /maM dang praM las lha mo ni/ /'od zer can dang so so 'brang / /gser mdog zhal gcig phyag gnyis ma/ /rgyan mdzes g.yon na shing lo ni/ /mya ngan med dang rdo rje bsnams/ /g.yas pa 'dud pa'i tshul du'o/ /g.yas kyi 'og mar phag gdong
285b5 ma//pA la sha mdog rgyan gyis mdzes/ /chos 'chad pa yi phyag rgya can/ /g.yon gyi 'og mar khro gnyer ma/ /mig sman mdog can khro mo'i tshul/ /gri gug thod khrag bsnams pa'o/ /de dag rnams kyi phyogs mtshams ni/ /brgyad na 'jigs pa rnam pa brgyad/ /bgegs dang dgra dang
285b6 glang chen dang //me dang sbrul dang mi rgod dang / /lcags sgrog gis bcings chu rnams las/ /skyob byed sgrol ma brgyad 'phro ba/ /rnal 'byor pa yis bsgom par bya/ /de nas snying ga'i sa bon las/ /'od 'phros ye shes sems dpa' ni/ /snga ma'i tshul can spyan drangs la/ /mchod
285b7 nas yi ge bzhi po yis//gnyis su med par bstim par bya/ /yi ge gsum gyis gnas gsum du/ /byin gyis brlab bya de yi rjes/ /dbang bskur rigs kyi bdag po ni/ /don yod grub pas spyi gtsug brgyan/ /de nas sa bon las byung ba'i/ /'od kyi spro bsdu cung zad bya/ /skyo na gsang
286a1 sngags bzlas pa ni//yi ge bcu pa bgrang bar bya/ /oM tA re tut+tA re tu re swA hA/ 'bum phrag gsum mam yang na drug /'bum phrag bcu yis las rnams 'grub/ /gal te 'byung po rnams la ni/ /gtor ma sbyin na snod gtsang du/ /zan blugs cho gas
286a2 byin brlabs te//lag gnyis thal mo sbyar ba las/ /mdzub gnyis gung mo gnyis po la/ /legs bcang ba ni ut+pal/ /kha 'byed pa'i ni phyag rgya ste/ /gnas gsum dag tu gtugs byas nas/ /'byung po rnams la gtor ma sbyin/ /oM a kA ro mu khaM sarba d+ha rmA NAM Ad+ya
286a3 nut+pan+na twAta oM AHhUM phaT swA hA/las kyi yan lag thams cad ni/ /rgyas par rgyud las gsungs pa'i phyir/ /'di ru ma bkod de ru blta/ /rnal 'byor pa ni gang zhig gis/ /'di don nyams su len byed na/ /dngos dang dngos med zad gtso bo/ /thog ma tha ma med zhi ba/ /skye dang zag
286a4 pa rnam spangs pa//dpal ldan yum nyid thob 'gyur te/ /bum pa bzang sogs dngos grub dang / /gzhan yang gsad dang bskrad dang dbye/ /dgug dang zhi dang rgyas pa yi/ /las 'grub 'gyur ba smos ci dgos/ /de ltar stong dang snying rje'i bdag nyid srid pa gsum skyes zad
286a5 dngos shes dang ni//shes bya gnyis su med sku kun du bzang po spyod pa'i bdag nyid sna tshogs yum/ /bcom ldan 'das ma'i sgrub thabs rgyud bzhin legs bkod pa las bsod nams dri ma med/ /bdag gis gang thob des ni 'gro ba ma lus rtag bde mya ngan 'das thob shog /'phags pa
286a6 'jigs pa brgyad las skyob pa zhes bya ba'i sgrol ma'i sgrub thabs slob dpon chen po tsan+d+ra go mis mdzad pa rdzogs so// //rgya gar gyi mkhan po dI paM ka ra shrI dz+nyA na dang / bod kyi lo tsA ba tshul khrims rgyal bas bsgyur ba las/ slad kyi rgya gar gyi mkhan po byang chub sems dpa' dA na shI la dang /