CLOSE WINDOW

D3670
བོད་ཡིག

slob dpon tsan+d+ra go mis mdzad pa rdzogs so//[ ]@##/ /rgya gar skad du/ Ar+ya tA rA de bI sto tra puSh+pa mA li nA ma/ bod skad du/ 'phags ma lha mo sgrol ma la bstod pa me tog phreng ba zhes bya ba/ mgon po thugs rje chen po dang ldan pa 'phags pa spyan ras gzigs dbang phyug la phyag 'tshal lo//thugs rje'i spyan gyis 'gro la gzigs pa'i/ /zhabs kyi pad+mo la ni btud de/ /tshogs gnyis rdzogs par bya ba'i phyir du/ /lhag pa'i lha la bstod par bya'o/ /phyag 'tshal sgrol ma lha yi lha khyod/ /dngos grub ma lus kun gyi 'byung gnas//yid bzhin nor bu rin po che ltar/ /'dod pa'i 'bras bu ster bar mdzad ma/ /phyag 'tshal ngo mtshar khyad du 'phags pa'i/ /yon tan thams cad rdzogs pa'i sku la/ /ye shes lnga yi rang mdangs rgyas pas/ /thugs rje'i 'od zer phyogs bcur 'phro ma/ /phyag 'tshal chu bzhi'i pha rol legs gnas//las dang nyon mongs srid las rnam grol/ /sangs rgyas yon tan phyir mi ldog pa'i/ /sa lam ma lus mtha' ru phyin ma/ /phyag 'tshal srid pa'i dra ba 'joms mdzad/ /thugs kyi snying po yi ge bcu pas/ /zhi dang rgyas dang dbang dang mngon spyod//phrin las 'od kyis nam mkha' gang ma/ /phyag 'tshal 'gro ba'i skyabs mchog sgrol ma/ /bud med gzugs kyis 'gro ba 'dul mdzad/ /dpal ldan 'jig rten dbang phyug sras mo/ /'phags pa'i spyan chab las ni 'khrungs ma/ /phyag 'tshal 'gran zla med pa'i sku mchog /zag med bde rgyas zla ba'i gdan la/ /bzhugs pa'i zhabs kyi pad+mo la ni/ /lha dang lha min cod pan gtugs ma/ /phyag 'tshal che ba'i nang na che mchog /'byung po ro langs ma rungs tshogs 'joms/ /gzhan gyis mi thub drag rtsal chen mo/ /stobs chen pha rol gnon par mdzad ma//phyag 'tshal sgrol ma 'khor ba sgrol mdzad/ /bcom ldan 'das ma khyod kyi zhabs la/ /skyabs pa'i mi de mya ngan 'das thob/ /mchog gi don chen 'grub par mdzad ma/ /phyag 'tshal seng ldeng nags kyi sgrol ma/ /rigs drug bur 'dzin brtse ba'i thugs kyi/ / snying rje chen po'i gru gzings kyis ni/ /srid gsum 'khor ba'i mtsho las sgrol ma/ /phyag 'tshal phongs pa kun las skyob mdzad/ /'tsho bas mnar te mchu mgul skams nas/ /bkres pas khyod la gsol ba btab pas/ /longs spyod mi zad char rgyun 'bebs ma/ /phyag 'tshal dpa' mo rdo rje sgrol ma//'dzam bu chu bo'i gser gyi mdog can/ /rdo rje la sogs phyag mtshan brgyad kyis/ /phrin las rnams kyi 'gro don mdzad ma/ /phyag 'tshal skye 'gro rnams la dbang sgyur/ /'jig rten gsum na mthu rtsal ldan pa'i/ /dregs pas myos pa rnams kyi cod pan//khyod kyi zhabs kyi mthil gyis brdzis ma/ /phyag 'tshal thub dbang stobs bcu'i rtsal ldan/ /sku lnga'i rang bzhin khyab bdag chen mo/ /bsrung med gsum dang ma 'dres dran gsum/ /yongs su dag pa bzhi pa mnga' ma/ /phyag 'tshal srid pa'i 'ching ba las grol/ /ye shes sku la rdzu 'phrul thogs med//thabs dang shes rab mchog la mnga' brnyes/ /sdug bsngal 'khor ba'i dri ma dag ma/ /phyag 'tshal mthu stobs bdag mo'i snying po/ /yi ge bcu pa spyi bor btags nas/ /dpung tshogs sde bzhi'i nang du phyin pas/ /pha rol dmag gi g.yul ngo bzlog ma/ / phyag 'tshal mkhyen dang brtse ba'i bdag nyid/ /bsam gtan ting 'dzin rnam thar mang pos/ /brgyan pa'i gter mdzad dpal gyi be'ur/ /shes bya'i dkyil mtha' rtag tu chud ma/ /phyag 'tshal nyi ma 'bum gyi mdangs can/ /shes rab chen po'i 'od zer 'bar bas/ /khams gsum sems can rnams kyi rgyud la//ma rig sgo nga'i mun rum sel ma/ /phyag 'tshal ye shes lnga yi bdag nyid/ /dpal ldan dri ma med pa'i sku la/ /mtshan mchog sum cu rtsa gnyis kyis brgyan/ /dpe byad bzang po brgyad cus spras ma/ /phyag 'tshal khams gsum dbang du sdud ma/ /tshangs pa khyab 'jug ma hA de ba//lha chen rnams kyi dbu yi cod pan/ /khyod kyi zhabs la rab tu btud ma/ /phyag 'tshal 'jigs pa kun las skyob mdzad/ /me dang chu dang rgyal po'i chad pa/ /stag dang seng ge sbrul dang srin po/ /glang po che yi bred dngangs sel ma/ /phyag 'tshal byin rlabs rmad du gyur ma//'byung ba 'khrugs dang gdon gyis bskyed pa'i/ /srog 'phrog nad kyi bye brag ma lus/ /khyod la gsol btab gdung ba sel ma/ /phyag 'tshal btsun mo rin chen cha byad/ /smin ma'i bar nas mdzod spu 'od 'bar/ /spyan dkyus ut+pal 'dab 'dra'i 'dzum mdangs/ /thugs rje chags pas 'gro la gzigs ma//phyag 'tshal stong nyid snying rje'i lcags kyus/ /'khor ba'i 'dam nas 'gro ba 'dren mdzad/ /shul nor 'phrang la thugs rjes bzung nas/ /thar pa'i lam la khrid par mdzad pa/ /phyag 'tshal bdud bzhi 'joms par mdzad ma/ /sangs rgyas kun dngos rje btsun ma khyod/ / phung po lnga spangs lnga yi bdag nyid/ /ye shes lnga rdzogs nyon mongs spangs ma/ /phyag 'tshal dge legs gzi brjid chen mo/ /zhal bzangs bcu drug zla ba rgyas 'dra'i/ /'od kyis skye 'gro rnams kyi rgyud la/ /shes rab dpal dang blo gros spel ma/ /phyag 'tshal bud med sgyu 'phrul khyod la//mA ma kI dang spyan ma gos dkar/ /lha dang klu dang gnod sbyin rnams kyis/ /che ba'i che mchog rnams kyis bstod ma/ /phyag 'tshal hUM gi sbyor ba dang ldan/ /gnas gsum du ni de nyid bkod pas/ /nus pa'i rdzu 'phrul mtha' la rgyas nas/ /phrin las bzhi yi rtsal dang ldan ma//phyag 'tshal dge ba rgyas par mdzad ma/ /ji ltar nyi ma'i dkyil 'khor shar bas/ /mun pa rang sar dag pa bzhin du/ /khyod bsgoms sgrib pa spong bar byed ma/ /phyag 'tshal phrin las du ma'i bdag mo/ /khyod sku sna tshogs ngo bo shel bzhin/ /sku mdog phyag mtshan gcig tu ma nges//gang la nye bar tha dad 'char ma/ /phyag 'tshal don dam rgyal ba'i yum las/ /ma g.yos kun rdzob lha mo'i gzugs can/ /sku mdog sngo ljang gar gyi nyams dgus/ /bde gsal mi rtog pa yis 'gying ma/ /phyag 'tshal 'khor ba'i g.yul ngo bzlog ma/ /nga bdag dngos por zhen pa'i snying la//spros bral ye shes ral gri bsnun nas/ /gzung 'dzin 'khrul pa'i dpa' bo gsod ma/ /phyag 'tshal tshogs gnyis rdzogs pa'i dbu skra/ /mthon mthing lcang lo 'khyil pa'i dbus na/ /rdzogs pa'i sangs rgyas 'od dpag med las/ /thugs rje'i 'od zer phyogs bcur 'phro mdzad//gang gis me tog phreng ba'i bstod pa/ /klog gam kha don 'don par byed pa/ /de yis bsod nams dpag med 'thob cing / /sdig sgrib stobs chen ma lus dag 'gyur/ /gang zhig skye bo tha mal rnams kyis/ /'di 'don pa de dge sbyong du 'gyur/ / gang gA'i klung gi bye ma snyed kyi/ /sangs rgyas rnams kyis byin gyis rlob 'gyur/ /su yis blo la bstod pa 'di 'dzin/ /'dul khrims sdom pa dam tshig rnams kyi/ /nyes byas sbom pa rtsa ltung dri ma/ /ma lus dag nas dngos grub thob 'gyur/ /'di 'don blo yi pad+ma kha 'byed//rgol ba ngan pa'i lung rigs tshar gcod/ /rig pa'i gnas la shes rab chen po/ /zla ba yar ngo bzhin du 'phel 'gyur/ /e ma bstod pa'i rgyal po 'di ni/ /lan cig yid la dran pa tsam gyis/ /zhing mchog dam pa bde ba can der/ /the tshom med par nges par skye 'gyur/ /'gro ba'i skyabs mchog rje btsun ma la//bdag gis me tog phreng bas bstod pa'i/ /dge ba gru gzings lta bu des ni/ /srid gsum 'khor ba'i mtsho las sgrol 'gyur/ /me tog phreng ba'i bstod pa 'di ni/ /rje btsun ma la lnga brgya pa rnams kyi thams cad mkhyen pa'i khur che ba'i yon tan du ma dang ldan pa/