281b5 /dge ba gang bsags de yis ni/ /'jig rten bde ba can thob shog /rje btsun ma 'phags ma sgrol ma la bstod pa slob dpon tsan+d+ra go mis mdzad pa/ tshigs su bcad pa bcu gnyis pa rdzogs so//[ ]@##/ /rgya gar skad du/ Ar+ya tA rA sto traM b+hi sa karmA
281b6 sA d+ha nA ma/bod skad du/ 'phags ma sgrol ma'i bstod pa phrin las sgrub pa zhes bya ba/ bcom ldan 'das ma sgrol ma la phyag 'tshal lo/ /tAM yig ljang gu ut+pal las byung ba'i/ /sgrol ma sku mdog ljang gu zhal gcig phyag gnyis ma/ /phyag gnyis sku la rin chen sna tshogs spras/ /yi dam
281b7 sgrol ma lha la phyag 'tshal bstod//don grub la sogs rigs lngas dbu brgyan cing / /bcu drug lo lon 'dzum pa'i bzhin dang ldan/ /gzi brjid bzod dka' sna tshogs lhag par 'dud/ /yi dam sgrol ma lha la phyag 'tshal bstod/ /phyag g.yas mchog sbyin phyag g.yon ut+pal 'dzin/ /sna
282a1 tshogs pad+ma zla ba'i dkyil 'khor la//g.yas brkyang g.yon bskum tshul gyis rab tu bzhugs/ /yi dam sgrol ma lha la phyag 'tshal bstod/ /thugs rje'i spyan gyis 'gro la rtag tu gzigs/ /sku la 'jigs pa brgyad skyob sgrol ma 'phro/ /'khor ba'i sdug bsngal
282a2 kun las sgrol byed pa'i//yi dam sgrol ma lha la phyag 'tshal bstod/ /zhi dang rgyas dang dbang dang drag po dang / /las tshogs thams cad myur du grub mdzad ma/ /phrin las thams cad yongs su grub byed pa'i/ /yi dam sgrol ma lha la phyag 'tshal bstod/ /seng ge glang chen me sbrul chom
282a3 rkun dang //lcags sgrog chu dang bgegs dang 'jigs pa brgyad/ /'jigs pa kun las yongs su sgrol byed pa'i/ /yi dam sgrol ma lha la phyag 'tshal bstod/ /gdon dang rims dang smyo 'bog la sogs dang / /gnod byed la sogs dus min 'chi bas skrag /sdug bsngal thams cad rab
282a4 tu zhi byed pa'i//yi dam sgrol ma lha la phyag 'tshal bstod/ /skye bo sngon bsags las dang nyon mongs kyi/ /mtshams med lnga dang mi dge bcu sogs sdig /sdig pa'i las rnams bdag gis ci bsags pa/ /de dag thams cad ma lus byang bar shog /bdag ni da ltar skye ba 'di la yang / /
282a5 rmi ngan mtshan ngan 'chi ltas dus min skrag /bkra mi shis pa thams cad dag gyur nas/ /tshe dang bsod nams longs spyod rgyas par shog /bdag ni ma 'ongs skye ba thams cad du/ /yi dam sgrol ma rjes su dran gyur nas/ /mchog dang thun mong dngos grub la sogs pa/ /las tshogs
282a6 thams cad yid bzhin grub par shog /yi dam sgrol ma thugs rje che ldan pa/ /bdag gis rab tu brtse ba'i gdung sems kyis/ /bstod pa bgyis pa'i bsod nams gang bsags des/ /yi dam sgrol ma lha dang mi 'bral shog /'phags ma sgrol ma'i bstod pa phrin las thams cad
sgrub pa zhes bya ba/