CLOSE WINDOW

D3665
བོད་ཡིག

seng ldeng nags kyi sgrol ma'i sgrub thabs/ slob dpon 'phags pa klu sgrub kyis mdzad pa rdzogs so// //rgya gar gyi mkhan po dpal rnam par snang mdzad rdo rjes bsgyur cing zhus te gtan la phab pa'o//[ ]@##/ /rgya gar skad du/ sha taM aSh+Ta sA d+ha naM/ bod skad du/ sgrub thabs brgya dang brgyad pa/bcom ldan 'das 'od dpag tu med pa la phyag 'tshal lo/ /bla ma'i drin thob brtul zhugs ldan/ /bla med ye shes sgrub pa pos/ /ri bo dben zhing yid 'ong bar/ /rin chen sna tshogs kyis mdzes shing / /ljon shing mang pos rab tu gang / /skad snyan bya rnams sgra 'byin cing / /chu gtsang yan lag brgyad ldan 'bab//ri dwags 'tshe ba med pa'i gnas/ /dri zhim me tog gis bkram pa'i/ /shing tog la sogs 'bras bu mang / /lha klu la sogs glu len cing / /grub 'dzin kun gyis gnas bcas pa/ /phun sum tshogs pa'i gnas der ni/ /sngags pas kun la phan brtson pas/ / bde ba'i stan la bsdad nas ni/ /rang snying sa bon 'od zer gyis/ /'phags ma sgrol sogs spyan drangs te/ /mchod pa kun gyis rab mchod nas/ /bdun po rnam par dag par bya/ /de nas tshad med bzhi bsgoms pas/ /byang chub tu ni sems bskyed do/ /'gyur med phyin ci ma log pas/ /de dag 'phags pa'i spyod yul ni//stong pa nyid du rnam par bsgom/ /oM swa b+hA wa bi shud+d+haHsarba d+harmAHswa b+hA wa bi shud+d+hou0f85haM/ pad+ma zla bar yi ge tAM/ /de la 'jig rten gsum g.yo ba'i/ /sgrol ma zhal bzhi phyag brgyad pa/ /dmar ser bzang po'i zhabs kyis bzhugs/ /ser dang ljang gu dmar dang dkar/ / rtsa zhal g.yas g.yon rgyab rim bzhin/ /mchog sbyin nyi ma gdugs dang dung / /g.yas pa'i phyag na rim bzhin bsnams/ /ut+pal zhags pa phreng ba dang / /go khrab rnams ni g.yon na bsnams/ /rgyan rnams kun gyis yang dag rdzogs/ /ye shes drangs te gzhug par bya/ / oM AHhUM/ zhes pas sku gsung thugs byin brlab/ /dbang bskur rim gyis dbu brgyan bya/ /ye shes zla ba'i ting 'dzin sems/ /skyo bar gyur na bzlas pa bya/ /gshegs dang bsdu ba la sogs bya/ /'jig rten gsum po g.yo bar byed pa'i sgrol ma'i sgrub thabs so// //pad+ma zla ba'i gdan la ni oM las byung ba'i sgrol ma nyi ma'i mdog can/zhal gcig phyag gnyis pa/ phyag g.yas skyabs sbyin pa/ g.yon ut+pal nyi mas mtshan pa rol pa'i stabs kyis bzhugs pa/ rgyan thams cad dang yang dag par ldan pa'o/ /dge ba can zhes bya ba'i sgrol ma'i sgrub thabs so// //pad+ma dang zla ba'i gdan la hUM las byung ba'i sgrol ma/pad+ma dang kun da ltar dkar ba/ zla ba'i 'od mnga' ba/ zhal gcig phyag bzhi pa/ zla ba dang sna tshogs rdo rje g.yas gnyis na 'dzin pa/ ut+pal dang me'i 'khor lo g.yon na bsnams pa/ rgyan thams cad dang ldan pa/ rnam par snang mdzad kyi dbu rgyan dang ldan pa/skyil mo krung gis bzhugs pa/ sku thams cad las bdud rtsi 'dzag pa'o/ /'jig rten thams cad g.yo bar byed pa zhes bya ba'i sgrol ma'i sgrub thabs so// //pad+ma dang zla ba'i gdan la hrIHlas byung ba'i sgrol ma ser mo zhal gcig phyag gnyis ma/ g.yas g.yon gnyis kyis phreng ba dang /ut+pa la'i steng na po ti 'dzin pa'o/ /rgyan thams cad kyis brgyan pa rol pas bzhugs pa'o/ /snyan pa mo zhes bya ba'i sgrol ma'i sgrub thabs so// //pad+ma dang zla ba'i steng du a las byung ba'i sgrol ma dkar mo zhal gcig phyag gnyis pa/ g.yas na pad+ma dmar po/ /g.yon na ut+pa la sngon pos brgyan pa//spyan gsum pa rgyan thams cad kyis brgyan pa/ skyil mo krung gis bzhugs pa'o/ /dbyangs can ma zhes bya ba'i sgrol ma'i sgrub thabs so// //pad+ma dang nyi ma'i steng du ma las byung ba'i lha mo sku mdog ser mo zhal gcig phyag gnyis ma rdo rje dang ut+pal bsnams pa/rdo rje skyil mo krung gis bzhugs pa/ snang ba mtha' yas kyi dbu rgyan dang ldan par bsam mo/ /shes rab ma zhes bya ba'i sgrol ma'i sgrub thabs so// //pad+ma dang nyi ma'i gdan la b+hUM las byung ba'i lha mo zhal gcig phyag gnyis ma/ g.yas na rin po che dang me tog /g.yon na mchog sbyin pa/zhabs rol pas bzhugs pa'o/ /dpal mo zhes bya ba'i sgrol ma'i sgrub thabs so// //pad+ma dang zla ba'i gdan la tAM las byung ba'i lha mo sngon mo zhal gcig phyag bzhi ma/ dang po gnyis na mda' gzhu/ 'og ma gnyis na ut+pal dang ral gri bsnams pa/ rol pa'i zhabs kyis bzhugs pa'o//blo 'phel ma zhes bya ba'i sgrol ma'i sgrub thabs so// //pad+ma dang zla ba dang nyi ma'i steng du hUM las byung ba'i sgrol ma zhal gcig phyag gnyis ma/ nag mo khros ma spyan gsum ma/ zhal gdangs pa khro gnyer bsnyer ba ljags 'dril ba/ stag gi pags pa'i gos 'chang ba/ gri gug dang thod khrag bsnams pa/mi mgo lnga bcu'i do shal 'chang ba'o/ /gsod par byed pa'i sgrol ma'i sgrub thabs so// //pad+ma dang zla ba dang nyi ma'i gdan stengs su dzuM las yang dag par byung ba'i lha mo sku mdog ser mo/ zhal gcig phyag gnyis kyis shing thog dang mya ngan med pa'i shing lo bzung ba'o//rgyan sna tshogs kyis brgyan pa/ rdo rje skyil mo krung gis bzhugs pa'o/ /rgyas par byed pa'i sgrol ma'i sgrub thabs so// //pad+ma dang zla ba'i gdan la oM las byung ba'i lha mo zhal gcig phyag gnyis ma/ mdog ljang ser du ba ltar 'dug pa/ rdo rje dang dril bu 'dzin pa/ rgyan thams cad dang ldan pa/mche ba cung zad gtsigs pa'o/ /'dod gzugs can gyi sgrol ma zhes bya ba'i sgrub thabs so// //pad+ma dang zla ba'i gdan la hUM las byung ba'i lha mo/ dkar dmar mdog can zhal gcig phyag bzhi ma g.yas kyi dang po na skyabs sbyin pa/ g.yon mchog sbyin pa tha ma gnyis kyis ut+pal dang phreng ba 'dzin pa/zhabs rol pas bzhugs pa'o/ /phan par brtson pa'i sgrol ma'i sgrub thabs so// //pad+ma dang nyi ma'i steng du i las byung ba'i lha mo mdog mthing sngon/ zhal gsum phyag drug ma g.yas dmar ba g.yon sngo ba/ phyag dang po gnyis mda' gzhu 'gengs pa/ bar ma na glang po che dang /rgyal mtshan/ tha ma na ral gri dang zhags pa bsnams shing rol pas shing rta'i steng na bzhugs pa'o/ /g.yul las sgrol bar byed pa'i sgrol ma'i sgrub thabs so// //pad+ma dang zla ba'i steng du oM las lha mo dkar mo zhal gcig phyag gnyis ma/ rgyan thams cad kyis brgyan pa/g.yas na 'khor lo rtsibs brgyad pa/ g.yon na ba dan lce brgyad pa bsnams shing / 'gying ba'i tshul gyis bzhugs pa'o/ /rgyal ba mo zhes bya ba'i sgrol ma'i sgrub thabs so/ /pad+ma dang nyi ma'i gdan la a las byung ba'i lha mo gser gyi mdog can zhal gcig phyag bzhi ma g.yas dang pos skyabs sbyin pa 'og mas rdo rje/g.yon dang pos mchog sbyin pa 'og mas ut+pal dang po ti'o/ /zhabs rol pas bzhugs pa'o/ /rgyan thams cad dang yang dag par ldan pa'o/ /shes rab pha rol phyin ma zhes bya ba'i sgrol ma'i sgrub thabs so/ /pad+ma dang nyi ma'i gdan la taM las byung ba'i lha mo zhal gcig phyag gnyis ma/g.yas mchog sbyin pa g.yon ut+pal dang bcas pa'i skyabs sbyin pa/ mdog ljang gu'o/ /'phags ma sgrol ma'i zhes bya ba'i sgrol ma'i sgrub thabs so// //pad+ma dang nyi ma'i gdan steng na traM las byung ba'i lha mo zhal gcig phyag gnyis ma/mdog dkar mo g.yas klu shing gi me tog bsnams pa/ g.yon ba dan rin po ches mtshan pa 'bar ba/ na bza' dang rgyan sna tshogs mnga' ba/ rgyal po'i rol pas bzhugs pa'o/ /yid 'ong ma zhes bya ba'i sgrol ma'i sgrub thabs so// //pad+ma dang zla ba'i gdan la a las byung ba'i lha mo zhal gcig phyag bzhi ma/mdog ser mo/ rgyan thams cad kyis brgyan pa/ phyag dang po gnyis kyis rin po che dang ral gri/ 'og ma gnyis na rdza rnga brdung ba la brtson pa'o/ /zhabs rdo rje'i skyil krung gis bzhugs pa'o/ /rdza rnga can gyi sgrol ma'i sgrub thabs so// //pad+ma dang zla ba'i gdan la baM las byung ba'i lha mo mdog sngo ljang zhal gcig phyag bzhi ma/ dang po gnyis na dung dang rgyal mtshan/ tha ma gnyis na ral gri dang ut+pal sngon po bsnams pa'o/ /zhabs rol pas bzhugs pa'o/ /dung can ma zhes bya ba'i sgrol ma'i sgrub thabs so// //pad+ma dang zla ba'i gdan la hrIHlas byung ba'i lha mo mdog ser mo zhal bzhi pa g.yas sngo ba rgyab dkar ba g.yon dmar ba/phyag g.yas dang po na bum pa/ gnyis pa na bgrang phreng / gsum pa na gdugs/ bzhi pa na gaN+DI/ g.yon dang po na a mra'i 'bras bu/ gnyis pa na ut+pal/ gsum pa na lhung bzed/ bzhi pa na sdigs mdzub/ rgyan sna tshogs kyis brgyan pa zhabs rdo rje'i skyil mo krung gis bzhugs pa/ rgyas par byed pa'i sgrol ma'i sgrub thabs so// //pad+ma dang zla ba'i steng du hUM las byung ba'i lha mo zhal gcig phyag gnyis ma/ ral gri dang 'khor lo 'dzin pa/ rgyan thams cad kyis brgyan pa/ phyag rgya chen po rab tu 'grub par byed pa'i bdag nyid can zhal nas mi 'jigs pa sbyin par mdzad pa'o/ /tshig snyan ma zhes bya ba'i sgrol ma'i sgrub thabs so// //pad+ma dang zla ba'i gdan la oM las byung ba'i lha mo zhal lnga ma/ sku zla ba ltar dkar ba/ zhal lnga ku mu da dkar po ltar 'bar ba/ phyag bcu dang ldan pa/ phyag dang po gnyis kyis me long dang dung 'dzin pa/g.yas gnyis pa na rdo rje dang / gsum pa na ut+pal dkar po/ bzhi pa na mchog sbyin pa/ lnga pa na mda'o/ /g.yon gyi gnyis pa na mdung thung dang / gsum pa na 'khor lo/ bzhi pa na dril bu/ lnga pa na gzhu'o/ /rgyan thams cad kyis brgyan pa/zhabs gnyis rol pas bzhugs pa'o/ /zla ba'i mdog can zhes bya ba'i sgrol ma'i sgrub thabs so// //pad+ma dang zla ba'i gdan la a las byung ba'i lha mo zhal gcig phyag gnyis ma/ sku mdog dkar mo phyag gnyis kyis bum pa dang / mchog stsol ba'o/ /rgyan dang na bza' sna tshogs pa bsnams pa/zhabs gnyis skyil krung du bzhugs pa'o/ /dkar mo chen mo zhes bya ba'i sgrol ma'i sgrub thabs so// //pad+ma dang zla ba'i gdan gyi steng na so las byung ba'i lha mo zhal gcig phyag gnyis ma ser mo glang po che dang seng ge'i steng du rol pas bzhugs pa'o/ /phyag gnyis na rdo rjes mtshan pa'i ut+pa la ser po bsnams nas skyabs sbyin dang /mchog sbyin stsol bar mdzad pa/ rgyan thams cad kyis brgyan pa'o/ /mi pham ma zhes bya ba'i sgrol ma'i sgrub thabs so// //pad+ma dang zla ba'i gdan la gaM las byung ba'i lha mo mdog dmar zhing 'od 'phro ba/ zhal bzhi phyag brgyad ma/ g.yas dkar ba g.yon ser ba rgyab zhal nag pa/rgyan thams cad kyis brgyan pa/ phyag g.yas dang po na seng ge gnyis pa na rnga zlum gsum pa na dbyu gu/ bzhi pa na lcags kyu/ g.yon dang po na ut+pal/ gnyis pa na rtse gsum/ gsum pa na rgyal mtshan/ bzhi pa na ce spyang bsnams pa/ zhabs rol pas bzhugs pa'o//sgyu ma chen mo zhes bya ba'i sgrol ma'i sgrub thabs so// //pad+ma dang zla ba'i gdan la aHlas byung ba'i lha mo zhal gcig phyag gnyis ma/ mdog sngon mo spyan gsum pa/ cung zad khros pa/ rgyan thams cad kyis brgyan pa/ phyag g.yas pa na pi wang bsgreng ba/ g.yon du ut+pal sngon po'i nang du khang pa brtsegs pa 'dzin pa/zhabs rol pas bzhugs pa'o/ /stobs chen ma zhes bya ba'i sgrol ma'i sgrub thabs so// //pad+ma dang nyi ma'i steng du hUM las byung ba'i lha mo mdog sngon mo zhal gcig phyag gnyis ma/ rgyan thams cad kyis yang dag par brgyan pa/ phyag g.yas ral gri g.yon sdigs mdzub bsnams pa/zhabs phyed krung dang bcas pa'o/ /gtum mo chen mo zhes bya ba'i sgrol ma'i sgrub thabs so// //pad+ma dang zla ba'i steng du yaM las byung ba'i lha mo mdog dud kha zhal gcig phyag gnyis ma rgyan rnams kyis brgyan pa/ g.yas na tri shU la dang / g.yon na spu gri bsnams pa/zhabs skyil krung gis bzhugs pa'o/ /sdang ba thams cad rlag par byed pa zhes bya ba'i sgrol ma'i sgrub thabs so// //pad+ma dang zla ba'i steng du oM las byung ba'i lha mo sku mdog dkar mo zhal gcig phyag bzhi ma/ zhabs rol pas bzhugs pa/ rgyan kun dang ldan zhing mdzes pa/ phyag g.yas dang po skyabs sbyin/g.yon dang po me dpung 'dzin pa/ 'og ma gnyis kyis dbyug pa dang lcags kyu bsnams pa zhabs skyil krung du bzhugs pa/ rma bya'i khri la mdzes pas rol par mdzad pa'o/ /rab tu zhi ba zhes bya ba'i sgrol ma'i sgrub thabs so// //pad+ma dang nyi ma'i steng du/ b+h+rUM las byung ba'i lha mo zhal gcig phyag gnyis ma/mdog ser mo rgyan thams cad kyis yang dag par brgyan ma/ phyag g.yas na nyi ma dang dbang po/ g.yon na zla ba dang thag bzangs ris bsnams pa'o/ /zhabs rol pas bzhugs pa'o/ /rnam par rgyal ba zhes bya ba'i sgrol ma'i sgrub thabs so// //pad+ma dang nyi ma'i steng du hUM las byung ba'i lha mo zhal gsum phyag bzhi ma mdog dmar ser g.yas dmar ba g.yon ljang gu/phyag dang po gnyis kyis mchog sbyin dang ut+pal bum pas mtshan pa bsnams pa/ zhabs rol pas bzhugs pa/ sku la 'od 'phro ba/ 'og ma gnyis na rnga yab dang ting shags bsnams pa/ 'bar ba'i 'od mnga' ba'i sgrol ma'i sgrub thabs so// //pad+ma dang zla ba'i steng du a las byung ba'i lha mo mdog dmar mo zhal gcig phyag gnyis ma/ rgyan thams cad kyis brgyan pa/ phyag g.yas na mu tig gi phreng ba thugs kar 'dzin pa/ g.yon na ut+pa la'i sdong bu mchog sbyin dang bcas pa rgyan thams cad kyis brgyan pa/zhabs rol pas bzhugs pa'o/ /glog phreng ma zhes bya ba'i sgrol ma'i sgrub thabs so// //pad+ma dang zla ba'i steng du hUM las byung ba'i lha mo mdog dmar ser zhal gcig phyag gnyis ma/ g.yas mchog sbyin zhing g.yon pas rgyal mtshan rdo rje phyed pas mtshan pa bsnams pa/rgyan thams cad kyis brgyan pa/ zhabs rol pas bzhugs pa'o/ /rgyal mtshan can zhes bya ba'i sgrol ma'i sgrub thabs so// //pad+ma dang zla ba'i steng du a las byung ba'i lha mo mdog dmar mo zhal gcig phyag gnyis ma/ g.yas ral gri g.yon 'khor lo/ /rgyan thams cad kyis brgyan pa/zhabs rol pas bzhugs pa'o/ /ye shes can zhes bya ba'i sgrol ma'i sgrub thabs so// //pad+ma dang zla ba'i steng du taM las byung ba'i lha mo mdog ljang gu zhal gcig phyag bzhi ma rgyan thams cad kyis yang dag par brgyan pa/ g.yas dang po mchog sbyin/ g.yon dang po ut+pal 'og ma gnyis na mda' gzhu bsnams pa/zhabs skyil krung gis bzhugs pa'o/ /shes rab can zhes bya ba'i sgrol ma'i sgrub thabs so// //pad+ma dang zla ba'i gdan la yaM las byung ba'i lha mo mdog ljang gu zhal gcig phyag gnyis ma/ rgyan thams cad kyis yang dag par brgyan pa/ g.yas mchog sbyin zhing g.yon chang gis gang ba'i bum pa'o//zhabs rol pas bzhugs pa'o/ /myos par byed pa'i sgrol ma'i sgrub thabs so// //pad+ma dang zla ba'i gdan la raM las byung ba'i lha mo mdog dkar mo zhal gcig pa phyag gnyis ma/ khro mo'i cha lugs sbrul gyi rgyan can/ g.yas rdo rje g.yon sdigs mdzub kyis bsdigs pa/zhabs rol pas rgya mtsho'i dbus na bzhugs pa'o/ /rengs par byed pa'i sgrol ma'i sgrub thabs so// //pad+ma dang nyi ma'i steng du hUM las byung ba'i lha mo nag mo zhal gcig phyag gnyis ma/ g.yas rdo rje gri gug g.yon thod pa khrag gis gang ba/ glang chen gyi pags pa'o//phag gi zhal mnga' ba/ spyan gsum khro gnyer can sbrul gyis brgyan pa/ zhabs rol pas bzhugs pa'o/ /nag mo chen mo zhes bya ba'i sgrol ma'i sgrub thabs so// //pad+ma dang nyi ma'i gdan la hUM las byung ba'i lha mo zhal gcig phyag bzhi ma rgyan thams cad kyis brgyan pa/ g.yas bskum g.yon brkyang bas bzhugs pa/na bza' nag po gsol ba/ mdog dmar mo/ dbu skra gyen du brdzes pa/ phyag g.yas dang po na 'khor lo/ gnyis pa na ral gri/ g.yon gyi dang po na srid pa'i 'khor lo/ gnyis pa na sdigs mdzub bo/ /mtshan mo nag mo zhes bya ba'i sgrub thabs so// //pad+ma dang nyi ma'i steng du oM las byung ba'i lha mo sgrol ma mdog ljang gu zhal gcig phyag gnyis ma/ phyag g.yas na 'khor lo g.yon khu tshur sdigs mdzub dang bcas pa bsnams pa/ rgyan thams cad kyis brgyan pa/ zhabs rol pas bzhugs pa'o/ /srung bar byed pa'i sgrol ma'i sgrub thabs so// //pad+ma dang zla ba'i steng du oM las byung ba'i lha mo sku mdog sngo skya zhal gsum phyag drug pa/ g.yas pa rlung gi ba dan dang / ri dang rgya mtsho'i gling brgya dang / g.yon na myos byed kyis gang ba'i snod dang zhags pa dang / rnga bo che rnams rim bzhin du bsnams pa/ zhal g.yas dmar ba g.yon dkar po/rgyan thams cad kyis brgyan pa/ zhabs rol pas bzhugs pa'o/ /rmongs byed ma zhes bya ba'i sgrol ma'i sgrub thabs so// //pad+ma dang zla ba'i steng du traM las byung ba'i lha mo zhal gcig phyag gnyis ma/ g.yas rin po ches mtshan pa'i ut+pal ser po/ g.yon skyabs sbyin par mdzad pa'i phyag gis ut+pal sngon po po tis mtshan pa/mdog ser mo rgyan thams cad kyis brgyan pa/ zhabs rol pas bzhugs pa'o/ /zhi ba mo zhes bya ba'i sgrol ma'i sgrub thabs so// //pad+ma dang zla ba'i steng du a las byung ba'i lha mo mdog sngo ljang zhal gcig phyag gnyis ma/ g.yas ut+pal rdo rjes mtshan pa/g.yon chos 'chad pa'i phyag rgya can rgyan thams cad kyis brgyan pa/ zhabs rol pas bzhugs pa'o/ /mdzes ma chen mo zhes bya ba'i sgrol ma'i sgrub thabs so// //pad+ma dang nyi ma'i steng du oM las byung ba'i lha mo mdog ser mo zhal gcig phyag gnyis ma ut+pal sngon po nyi ma dang zla bas mtshan pa bsnams shing /g.yas mchog sbyin stsol ba'i phyag gis rin po che bsnams pa/ g.yon thugs kar skyabs sbyin pa/ rgyan thams cad kyis brgyan pa/ zhabs rol pas ngang mo'i khri la bzhugs pa'o/ /tshangs pa'i bu mo zhes bya ba'i sgrol ma'i sgrub thabs so// //pad+ma dang zla ba'i steng du oM las byung ba'i lha mo zhal bzhi phyag brgyad ma/mdog sngon mo zhal g.yas dkar ba/ rgyab gnag pa g.yon dmar ba rgyan thams cad kyis brgyan pa/ phyag dang po gnyis ut+pal po tis mtshan pa bsnams pa/ g.yas gnyis pa na gdugs/ gsum pa na mda'/ bzhi pa na dung / g.yon gnyis pa rgyal mtshan/gsum pa na gzhu/ bzhi pa na ril ba spyi blugs bsnams pa/ rgyan dang na bza' sna tshogs can/ zhabs rol pas khri snyan sa la'i pags pa'i gdan la bzhugs pa'o/ /rig byed ma zhes bya ba'i sgrol ma'i sgrub thabs so// //pad+ma dang nyi ma'i steng du taM las byung ba'i lha mo sku mdog ljang gu zhal gcig phyag gnyis ma rus pa'i rgyan dang ldan pa/phyag g.yas mchog sbyin g.yon pad+ma dmar po thugs kar bsnams pa'o/ /smad g.yogs ri dwags kyi pags pas byas pa/ zhabs rol pa dang brag phug tu bzhugs shing gsang ba'i drang srong dang bcas pa'o/ /gsang ba mo zhes bya ba'i sgrol ma'i sgrub thabs so// //pad+ma dang zla ba'i steng na maM las byung ba'i lha mo gser gyi mdog can zhal bzhi pa/ g.yas dkar ba rgyab sngo ba/ g.yon dmar ba/ zhabs rol pas bzhugs pa'o/ /phyag g.yas dang pos nor bus mtshan pa'i rgyal mtshan bsnams pa/ gnyis pa na 'khor lo/ gsum pa na pad+ma dmar po 'dab ma brgyad pa yu ba dang bcas pa/ bzhi pa na dung ngo / /g.yon dang po na bum pa/ gnyis pa na dpal gyi be'u/ gsum pa na nya/ bzhi pa na gdugs bsnams shing bkra shis par mdzad pa'o/ /rgyan dang na bza' sna tshogs pas bklubs pa'o/ /bkra shis don grub par byed pa'i sgrol ma'i sgrub thabs so// //pad+ma dang zla ba'i steng du oM las byung ba'i lha mo mdog dkar mo/ zhal gcig phyag gnyis ma/ phyag g.yas thugs kar phreng ba bsnams pa/ g.yon mchog sbyin zhing pad+ma dkar po bsnams pa/ rgyan thams cad kyis brgyan pa/ zhabs skyil krung du bzhugs pa'o//zhi ba chen mo zhes bya ba'i sgrol ma'i sgrub thabs so// //pad+ma dang nyi ma'i steng du swa las byung ba'i lha mo mdog dmar ser/ zhal bzhi phyag bcu yis g.yas na mdung rtse gsum pa/ rnga yab dang / dgra sta dang / me long dang / rdo rje'o/ /g.yon gyi rim pa bzhin du dril bu dang / ut+pa la dang / gtun shing dang / bum pa dang / 'khor lo'o/ /rgyan thams cad kyis brgyan pa'o/ /rol pas bzhugs pa'o/ /rig byed ma zhes bya ba'i sgrol ma'i sgrub thabs so// //pad+ma dang nyi ma'i steng du hUM las byung ba'i lha mo mdog ser mo zhal gcig phyag gnyis ma/ phyag g.yas g.yon thugs kar bkan te/byang chub mchog dang ldan pa la rdo rjes mtshan pa'o/ /rgyan thams cad kyis brgyan cing / zhabs skyil krung gis bum pa'i khri la bzhugs pa'o/ /yid mgyogs ma zhes bya ba'i sgrol ma'i sgrub thabs so// //pad+ma dang nyi ma'i steng du hUM las byung ba'i lha mo mdog dmar mo zhal gcig phyag gnyis ma/g.yas gri gug /g.yon ban+d+ha bsnams pas zhag dang khrag la dgyes pa/ stag gi g.yang gzhi gsol ba/ zhal 'dzum pa mdzad cing rkan sgra 'byin pa/ 'jig rten gsum g.yo bar mdzad pa/ zhabs g.yas brkyang bar mdzad pa'o/ /thod pa can zhes bya ba'i sgrol ma'i sgrub thabs so// //pad+ma dang zla ba'i steng du tAM las byung ba'i lha mo mdog sngon mo zhal gcig phyag gnyis ma phyag g.yas na bum pa/ g.yon na ce spyang bsnams pa'o/ /na bza' dkar po gsol ba/ zhabs sems dpa'i skyil krung gis bzhugs pa/ rin po che'i rgyan gyis brgyan pa'o//shugs can ma zhes bya ba'i sgrol ma'i sgrub thabs so// //pad+ma dang zla ba'i steng du a las byung ba'i lha mo mdog dkar mo zhal bzhi phyag brgyad ma/ phyag g.yas dang pos phreng ba bsnams pa/ gnyis pa na bdud rtsis gang ba'i bum pa/ gsum pa na srid pa'i phyag shing / bzhi pa na bum pa dang bcas pa'i mya ngan med pa'i shing /g.yon dang pos nyi zla/ gnyis pas ri rab/ gsum pas pad+ma'i nang nas byung ba'i skyes bu/ bzhi pa na chos 'chad pa'i phyag rgya'o/ /rgyan thams cad kyis brgyan pa'o/ /zhabs skyil krung gis bzhugs pa'o/ /tshangs pa mo zhes bya ba'i sgrol ma'i sgrub thabs so// // pad+ma dang nyi ma'i gdan la a las byung ba'i lha mo mdog ser mo zhal gcig phyag gnyis ma/ rgyan thams cad kyis brgyan pa/ na bza' ri dwags kyi pags pa'i smad g.yogs mnga' ba/ phyag g.yas pa brkyang nas pus mo la reg pa/ g.yon pa'ang de bzhin du mdzad pa/ ut+pal la dang ut+pal ral gris mtshan pa'o//zhabs rol bas seng ge'i gdan la bzhugs pa'o/ /bden par smra ba mo zhes bya ba'i sgrol ma'i sgrub thabs so// //pad+ma dang zla ba'i gdan gyi steng du oM las byung ba'i lha mo mdog ser mo zhal gcig phyag gnyis ma rgyan thams cad kyis brgyan pa/ g.yas na rtse gsum ba dan dang bcas pa bsnams pa/g.yon na ut+pal bum pas mtshan pa'o/ /zhabs rol pas bzhugs pa'o/ /pha rol las rgyal bar byed pa zhes bya ba'i sgrol ma'i sgrub thabs so// //pad+ma dang zla ba'i gdan la haM las byung ba'i sgrol ma mdog dkar dmar zhal gcig phyag gnyis ma rgyan thams cad kyis rab tu brgyan pa phyag g.yas ut+pal dang seng ge g.yon lcags kyu bsnams pa/zhabs rol pas bzhugs pa'o/ /ded dpon chen mo zhes bya ba'i sgrol ma'i sgrub thabs so// //pad+ma dang nyi ma'i steng du maM las skyes pa'i lha mo mdog dmar mo zhal gcig phyag bzhi ma/ g.yas pas lcags kyu dang zhags pa/ g.yon pas lcags sgrog dang dril bu'o//rgyan thams cad kyis brgyan pa/ phyag rgya chen po ut+pal la gnas pa'o/ /zhabs rol pas bzhugs pa'o/ /snying rje gnas par byed pa zhes bya ba'i sgrol ma'i sgrub thabs so// //pad+ma dang nyi ma'i steng du a las byung ba'i lha mo mdog ljang gu/ zhal gcig phyag gnyis pa g.yas ut+pal la rta mchog gis mtshan pa'o//g.yon pa na nor bu'i za ma tog bsnams pa/ skyil krung du bzhugs pa/ rgyan thams cad kyis brgyan pa'o/ /chud mi za bar byed pa zhes bya ba'i sgrol ma'i sgrub thabs so// //pad+ma dang zla ba'i steng du paM las byung ba'i lha mo mdog dkar dmar zhal gcig phyag gnyis pa/g.yas na ral gri bsnams pa/ g.yon na ut+pa la mar mes mtshan pa bsnams pa/ zhabs rol pas bzhugs pa'o/ /lam rab tu ston par byed pa'i sgrol ma zhes bya ba'i sgrol ma'i sgrub thabs so// //pad+ma dang zla ba'i gdan la bruM las byung ba'i lha mo mdog ser mo zhal gsum phyag bzhi g.yas sngo ba g.yon dmar ba/g.yas rin po che dang bcas pa'i mchog sbyin pa/ g.yon bum pa thugs kar 'dzin pa/ tha ma gnyis na mda' gzhu'o/ /rgyan thams cad kyis brgyan cing rol pas bzhugs pa'o/ /mchog ster bar byed pa zhes bya ba'i sgrol ma'i sgrub thabs so// //pad+ma dang zla ba'i steng du a las byung ba'i lha mo mdog dkar mo zhal gcig phyag gnyis ma/ phyag g.yas pa na bum pa/ g.yon pa na lde mig bsnams pa/ rgyan thams cad kyis brgyan pa/ zhabs rol pas bzhugs pa'o/ /dngos grub ster bar byed pa zhes bya ba'i sgrol ma'i sgrub thabs so// //pad+ma dang zla ba'i steng du a las byung ba'i lha mo mdog dmar mo zhal gcig phyag gnyis ma/ rgyan thams cad kyis brgyan pa/ g.yas bum pa la snying pos mtshan pa/ g.yon rin po ches mtshan pa'i khang pa bsnams pa zhabs rol pas bzhugs pa'o/ /dngos grub ston par byed pa zhes bya ba'i sgrol ma'i sgrub thabs so// //pad+ma dang zla ba'i gdan la trAM las byung ba'i lha mo zhal gcig phyag gnyis ma mdog dmar ser phyag g.yas rdo rje g.yon mya ngan med pa'i shing lo bsnams pa'o/ /rgyan dang na bza' bcas pa zhabs skyil krung du bzhugs pa/ lang tsho dang ldan pa'o/ /bud med gzugs can so so 'brang ma zhes bya ba'i sgrol ma'i sgrub thabs so// //pad+ma dang nyi ma'i steng du baM las byung ba'i lha mo dmar ser zhal gcig phyag gnyis ma/ g.yas mya ngan med pa'i shing la phyag gis 'khyud par brten pa'o/ /g.yon ut+pal dmar po kha bye ba'i nang du glang po che 'dzin pa/ rgyan dang na bza' dang bcas pa/ zhabs shing rta'i steng du bzhugs pa'o//dpag med gnon par byed pa'i 'od zer can zhes bya ba'i sgrol ma'i sgrub thabs so// //pad+ma dang zla ba'i steng du hUM las byung ba'i lha mo zhal gcig phyag gnyis ma mdog ser mo/ g.yas dgra sta dang g.yon zhags pa bsnams pa/ rgyan thams cad dang shing lo'i na bza' gyon pa/zhabs rol pas bzhugs pa'o/ /ri khrod ma zhes bya ba'i sgrol ma'i sgrub thabs so// //pad+ma dang zla ba'i steng du hrIHlas byung ba'i lha mo mdog dmar mo zhal gcig phyag gnyis ma/ g.yas pa gri gug /g.yon pa kha T+wAM ga dang thod pa'o/ /rgyan thams cad kyis brgyan pa na bza' dang bcas pa zhabs rol pas bzhugs pa'o//rnal 'byor ma zhes bya ba'i sgrol ma'i sgrub thabs so// //pad+ma dang zla ba'i steng du hrIHlas byung ba'i lha mo mdog dkar mo zhal gcig phyag gnyis ma/ g.yas na zhags pa/ g.yon na lcags kyu dang bum pa'o/ /rgyan dang na bza' ser mo bsnams shing rol pas bzhugs pa'o//grub ma zhes bya ba'i sgrol ma'i sgrub thabs so// //pad+ma dang zla ba'i steng du hUM las byung ba'i lha mo zhal gcig phyag gnyis ma/ g.yas ral gri dang g.yon sdig mdzub/ zhags pa dang bcas pa'o/ /rgyan dang na bza' dang bcas pa/ zhabs phyed krung du bzhugs pa'o/ / gtum mo zhes bya ba'i sgrol ma'i sgrub thabs so// //pad+ma dang zla ba'i steng du hrIHlas byung ba'i lha mo mdog dkar mo/ zhal gcig phyag gnyis pa g.yas dpag bsam gyi shing dang / g.yon bdud rtsis gang ba'i bum pa bsnams pa/ zhabs rol pas bzhugs pa/ rgyan dang na bza' dang bcas pa'o//bdud rtsi mo zhes bya ba'i sgrol ma'i sgrub thabs so// //pad+ma dang zla ba'i steng du muM las byung ba'i lha mo mdog dmar mo zhal gcig phyag gnyis ma/ g.yas na sangs rgyas kyis sprul pa'i gzhal yas khang bsnams pa/ g.yon na ut+pal sngon po bsnams pa/ rgyan dang na bza' dang ldan pa zhabs rol pas bzhugs pa'o//skal ba sbyin pa zhes bya ba'i sgrol ma'i sgrub thabs so// //pad+ma dang zla ba'i gdan la oM las byung ba'i lha mo zhal gcig phyag gnyis ma/ phyag g.yas na rin po che/ g.yon na ut+pal sngon po bsnams pa/ rgyan dang na bza' dang bcas pa zhabs rol pa dang bcas pas bzhugs pa'o//skal bzang ma zhes bya ba'i sgrol ma'i sgrub thabs so// //pad+ma dang nyi ma la swa las byung ba'i lha mo mdog dkar mo zhal gcig phyag gnyis ma/ phyag g.yas na ri dwags ru ru'i ri mo can bsnams pa/ g.yon na ut+pa la sngon po bsnams pa/ rgyan dang na bza' dang bcas pa zhabs rol pa dang bcas pas rma bya dang /cang shes [(]gyi [,]kyi [)]khri la bzhugs pa'o/ /mdzes par byed pa'i sgrol ma'i sgrub thabs so// //pad+ma dang zla ba'i gdan la taM las byung ba'i lha mo mdog ljang gu zhal gcig phyag gnyis ma g.yas mchog sbyin/ g.yon na ut+pal bsnams pa/ rgyan dang na bza' dang bcas pa/zhabs phyed krung du bzhugs pa'o/ /'dod pa grub par byed pa zhes bya ba'i sgrol ma'i sgrub thabs so// //pad+ma dang nyi ma'i steng du a las byung ba'i lha mo mdog dmar ser zhal gcig phyag gnyis ma/ g.yas rin po che'i mdzod nas/ g.yon lcags kyus 'dren par mdzad ma/ zhal rnam par rgyas pa/ rgyan thams cad kyis brgyan pa/ zhabs rol pas bzhugs par bsgom par bya'o/ /dngos grub thams cad ster bar byed pa zhes bya ba'i sgrol ma'i sgrub thabs so// //pad+ma dang zla ba'i gdan la hUM las byung ba'i lha mo dud ka zhal gcig phyag gnyis ma phyag g.yas na bya khwa ta bsnams shing / g.yon na dbyug tho bsnams pa/rgyan rnams kun rdzogs pa/ zhabs kyis ri ma d+ha ra brdzi zhing zhabs rol pas bzhugs pa'o/ /mthar byed ma zhes bya ba'i sgrol ma'i sgrub thabs so// //pad+ma dang nyi ma'i steng du hUM las byung ba'i lha mo nag mo/ zhal gcig phyag gnyis ma/ g.yas g.yon gnyis be con dang sdigs mdzub 'dzin par mdzad ma/rgyan thams cad kyis brgyan cing zhabs rol pas glang po che la bzhugs pa'o/ /drag cing khro ba'i dbang du gyur pas zhal gdangs pa 'jigs su rung bar blta'o/ /skrag par byed pa zhes bya ba'i sgrol ma'i sgrub thabs so// //pad+ma dang zla ba'i steng du taM las byung ba'i lha mo mdog ljang gu zhal gcig phyag bzhi ma g.yas gnyis na mchog sbyin dang bgrang phreng /g.yon gnyis na glegs bam dang / ut+pal bsnams pa rgyan thams cad kyis brgyan pa/ sems dpa'i skyil krung du bzhugs pa'o/ /rab tu sdud par byed pa zhes bya ba'i sgrol ma'i sgrub thabs so// //pad+ma dang nyi ma'i steng du hUM las byung ba'i lha mo mdog nag mo/zhal gcig phyag gnyis ma g.yas gri gug g.yon zhags pa bsnams pa 'jigs par byed pa skra dang smin ma dmar ser mche ba cung zad gtsigs pa zhal 'dzum pa dang bcas shing khro mo'i lus can zhabs rol pas bzhugs pa'o/ /'jigs par byed pa zhes bya ba'i sgrol ma'i sgrub thabs so// //pad+ma dang zla ba'i steng du hrIHlas byung ba'i lha mo mdog dkar mo zhal gcig phyag bzhi ma/ g.yas g.yon gyi dang po gnyis kyis nyi ma dang ut+pal dmar po kha bye ba/ tha ma gnyis na mda' gzhu bsnams pa/ rgyan thams cad kyis brgyan pa/ zhabs rol pas bzhugs pa'o/ /dran byed ma zhes bya ba'i sgrol ma'i sgrub thabs so// //pad+ma dang zla ba'i gdan la a las byung ba'i lha mo mdog ser mo zhal gcig phyag gnyis ma/ g.yas na rtse gsum g.yon na ril ba bsnams pa/ rgyan thams cad kyis brgyan cing / mya ngan med pa'i shing la brten pa/ rol pa'i zhabs kyis bzhugs pa'o/ / brtul zhugs chen mo zhes bya ba'i sgrol ma'i sgrub thabs so// //pad+ma dang zla ba'i gdan la oM las byung ba'i lha mo mdog dkar mo zhal gcig phyag gnyis ma/ rgyan thams cad kyis brgyan pa/ g.yas na nor bu rin po che/ g.yon na bum pa bsnams pa/ byang chub kyi shing la rgyab brten pa/ zhabs rol pas bzhugs pa'o//phan par brtson pa zhes bya ba'i sgrol ma'i sgrub thabs so// //pad+ma dang nyi ma'i steng du maM las byung ba'i lha mo mdog ljang gu zhal gcig phyag bzhi ma/ rgyan thams cad kyis brgyan pa/ phyag g.yas kyi dang pos skyabs sbyin pa/ 'og ma mda'/ g.yon dang po ut+pal/ 'og mas gzhu bsnams pa/zhabs rol pas bzhugs pa'o/ /skyob par byed pa zhes bya ba'i sgrol ma'i sgrub thabs so// //pad+ma dang zla ba'i gdan la taM las byung ba'i lha mo mdog sngon mo zhal gcig phyag gnyis ma/ g.yas na po ti dang / ut+pal dang bcas pa/ g.yon skyabs sbyin dang ut+pal dang bcas pa'o/ / rgyan thams cad kyis brgyan cing zhabs skyil krung dang bcas pa'o/ /gus byed ma zhes bya ba'i sgrol ma'i sgrub thabs so// //pad+ma dang zla ba'i gdan la g+haM las byung ba'i lha mo mdog ser mo zhal gcig phyag gnyis ma/ g.yas kyis skyabs sbyin zhing / g.yon na ut+pala'i steng na snyan par smra ba'i sgra dang bcas pa bsnams pa/kr-iSh+Na sa ra'i pags pa phrag pa la bkal ba'o/ /bde ba mo zhes bya ba'i sgrol ma'i sgrub thabs so// //pad+ma dang nyi ma'i gdan la hrIHlas byung ba'i lha mo mdog dmar mo zhal gcig phyag gnyis ma/ rgyan thams cad kyis brgyan pa/ phyag g.yas na ral gri /g.yon na seng ge kha nang du blta ba'o//zhabs rol pas bzhugs pa'o/ /ngag gi dbang phyug ma zhes bya ba'i sgrol ma'i sgrub thabs so// //pad+ma dang zla ba'i gdan la taM las byung ba'i lha mo zhal gcig phyag gnyis ma/ phyag g.yas a shwa ka'i sdong po la 'khyud pa/ g.yon na bum pa bsnams pa/rgyan thams cad kyis brgyan pa/ zhabs rol pas bzhugs pa'o/ /zhi bar byed pa zhes bya ba'i sgrol ma'i sgrub thabs so// //pad+ma dang zla ba'i gdan la hUM las byung ba'i lha mo sngo ljang zhal gsum phyag drug ma g.yas dkar g.yon dmar ba/ g.yas g.yon gyi dang po gnyis kyis ral gri dang po ti/ bar ma gnyis ting nge 'dzin du bsnol ba/tha ma gnyis na mda' gzhu'o/ /rgyan thams cad kyis brgyan pa/ zhabs rol pas bzhugs pa'o/ /zhi zhing phra ba zhes bya ba'i sgrol ma'i sgrub thabs so// //pad+ma dang zla ba'i steng du oM las byung ba'i lha mo mdog dkar mo zhal gcig phyag gnyis ma/ g.yas 'khor lo g.yon ting nge 'dzin du bzhugs pa'o/ / rgyan thams cad kyis brgyan pa/ zhabs rdo rje skyil krung du bzhugs pa'o/ /rtag pa ma zhes bya ba'i sgrol ma'i sgrub thabs so// //pad+ma dang zla ba'i steng du saM las byung ba'i lha mo mdog ser mo zhal gcig phyag gnyis ma/ g.yas rdo rje rgya gram/ g.yon ne'u le'i rkyal bu bsnams pa/ rgyan thams cad kyis brgyan pa/ zhabs rol pas bzhugs pa'o/ /kun 'gro ma zhes bya ba'i sgrol ma'i sgrub thabs so// //pad+ma dang zla ba'i gdan la hrIHlas byung ba'i lha mo mdog dmar mo zhal gcig phyag gnyis ma/ g.yas rin po che g.yon dar 'phan lce gnyis pa bsnams pa/ rgyan thams cad kyis brgyan pa/ zhabs g.yon brkyang bas bzhugs pa'o//rjes 'gro ma zhes bya ba'i sgrol ma'i sgrub thabs so// //pad+ma dang zla ba'i steng du taM las byung ba'i lha mo mdog ser mo zhal gcig phyag gnyis ma/ g.yas na gsil byed bsnams pa/ g.yon na pad+ma la gnas pa'i rgya gram bsnams pa/ rgyan thams cad kyis brgyan pa/ zhabs rol bas bzhugs pa'o//don kun grub par byed pa zhes bya ba'i sgrol ma'i sgrub thabs so// //pad+ma dang zla ba'i gdan la hUM las byung ba'i lha mo mdog dkar mo zhal gcig phyag gnyis ma/ g.yas bum pa g.yon lcags kyu bsnams pa'o/ /rgyan thams cad kyis brgyan pa/ zhabs rol pas bzhugs pa'o//bzang po ma zhes bya ba'i sgrol ma'i sgrub thabs so// //pad+ma dang zla ba'i gdan la a las byung ba'i lha mo rgyan thams cad dang ldan ma zhal gcig phyag gnyis ma g.yas na mya ngan med pa'i shing / g.yon mchog sbyin no/ /mdog ser mo zhabs skyil krung du bzhugs pa'o/ /gsang byed ma zhes bya ba'i sgrol ma'i sgrub thabs so// //pad+ma dang zla ba'i gdan la swa las byung ba'i lha mo mdog ljang gu zhal gcig phyag gnyis ma g.yas na rin po che brtsigs pa bsnams pa/ g.yon ut+pal mchog sbyin dang bcas pa'o/ /rgyan thams cad kyis brgyan pa/ zhabs rol pas bzhugs pa'o//gso byed ma zhes bya ba'i sgrol ma'i sgrub thabs so// //pad+ma dang zla ba'i gdan la tsuM las byung ba'i lha mo mdog ser mo zhal gcig phyag gnyis ma/ g.yas rin po che dang bcas pa'i mchog sbyin/ g.yon rin po ches gang ba'i nor bu'i rkyal pa bsnams pa/ zhabs rol pas bzhugs pa'o/ / nor ster ma zhes bya ba'i sgrol ma'i sgrub thabs so// //pad+ma dang zla ba'i gdan la hUM las byung ba'i lha mo mdog sngon mo zhal gcig phyag gnyis ma rgyan thams cad kyis brgyan pa/ g.yas dang po skyabs sbyin pa/ g.yon chos 'chad pa'i phyag rgya can zhabs rol pas bzhugs pa'o/ /mi 'jigs pa zhes bya ba'i sgrol ma'i sgrub thabs so// //pad+ma dang zla ba'i gdan la baM las byung ba'i lha mo mdog sngon mo zhal gcig phyag gnyis ma/ g.yas na ut+pal sngon po/ g.yon shel gyi phreng ba bsnams pa/ rgyan thams cad kyis brgyan pa/ zhabs rol pas bzhugs pa'o/ /bsod nams can zhes bya ba'i sgrol ma'i sgrub thabs so// //pad+ma dang zla ba'i gdan la taM las byung ba'i lha mo mdog ser mo zhal gcig phyag bzhi pa/ rgyan thams cad kyis brgyan pa/ phyag g.yas g.yon dang po gnyis kyis spyi bor rab tu dga' ba'i phyag rgya bcings pa/ g.yas kyi 'og ma na ral gri /g.yon gyi 'og ma na shing mya ngan med pa'i yal ga bzung ba'o//gai ta ma zhes bya ba'i sgrol ma'i sgrub thabs so// //pad+ma dang zla ba'i gdan la hri las byung ba'i lha mo mdog dkar mo zhal gcig phyag gnyis ma/ g.yas ril ba spyi blugs dang bcas pa'i mchog sbyin pa/ g.yon ut+pal sngon po dang bcas pa'i skyabs sbyin pa/ rgyan thams cad dang ldan pa'i na bza' bsnams pa'o//zhabs rol pas bzhugs pa'o/ /spyan ras gzigs dbang phyug las skyes pa zhes bya ba'i sgrol ma'i sgrub thabs so// //pad+ma dang zla ba'i gdan la hUM las byung ba'i lha mo mdog dkar mo/ g.yas na phreng ba dang dpal be'u/g.yon pad+ma dang bum pa bsnams pa/ zhal gcig phyag gnyis pa rgyan thams cad kyis brgyan pa/ zhabs rol pas bum pa'i steng na bzhugs pa'o/ /mi 'jigs pa sred len ma zhes bya ba'i sgrol ma'i sgrub thabs so// //pad+ma dang zla ba'i gdan la a las byung ba'i lha mo mdog ljang gu zhal gcig phyag gnyis ma/g.yas na 'bras kyi snye ma/ g.yon na me long phreng ba dang bcas pa bsnams pa'o/ /rgyan thams cad kyis brgyan pa/ zhabs rol pas bzhugs pa'o/ /dka' thub chen mo zhes bya ba'i sgrol ma'i sgrub thabs so// //pad+ma dang zla ba'i gdan la taM las byung ba'i lha mo mdog ljang gu zhal gcig phyag gnyis ma g.yas skyabs sbyin g.yon ut+pal bsnams pa/rgyan thams cad kyis brgyan cing zhabs rol pas bzhugs pa/ rkun po dang chom rkun las rgyal ba zhes bya ba'i sgrol ma'i sgrub thabs so// //pad+ma dang zla ba'i gdan la dzaM las byung ba'i lha mo mdog ljang gu zhal gcig phyag gnyis pa/g.yas na rma bya'i sgro bsnams pa/ g.yon skyabs sbyin pa'i phyag gis ut+pal bsnams pa/ rgyan thams cad kyis brgyan pa/ zhabs rol pas bzhugs pa'o/ /sbrul las skyob par byed pa zhes bya ba'i sgrol ma'i sgrub thabs so// //pad+ma dang zla ba'i steng du hUM las byung ba'i lha mo mdog ljang gu zhal gcig phyag gnyis ma g.yas skyabs sbyin pa/g.yon ut+pal dang bcas pa'i skyabs sbyin pa/ rgyan thams cad kyis brgyan pa/ zhabs rol pas bzhugs pa'o/ /seng ge'i 'jigs pa las skyob par byed pa zhes bya ba'i sgrol ma'i sgrub thabs so// //pad+ma dang zla ba'i steng du a las byung ba'i lha mo mdog ljang gu zhal gcig phyag gnyis ma/rgyan thams cad dang ldan pa phyag g.yas na zla ba bsnams shing skyabs sbyin par mdzad pa/ g.yon ut+pal bsnams shing skyabs sbyin par mdzad pa/ zhabs rol pas me'i sa bon las gzhal bar mdzad pa'o/ /me las skyob par byed pa zhes bya ba'i sgrol ma'i sgrub thabs so// //pad+ma dang zla ba'i steng du oM las byung ba'i lha mo mdog ljang gu zhal gcig phyag gnyis ma/ rgyan thams cad dang ldan pa/ phyag g.yas skyabs sbyin pa/ g.yon ut+pal dang bcas pa'i skyabs sbyin pa/ zhabs rol ba dang bcas pas glang po che mnan pa'o//glang po che las skyob pa zhes bya ba'i sgrol ma'i sgrub thabs so// //pad+ma dang zla ba'i steng du hUM las byung ba'i lha mo mdog dkar ljang zhal gcig phyag gnyis pa/ g.yas skyabs sbyin pa'i phyag rgyas srin lag mthe bong gis mnan pa'o/ /g.yon ut+pal dang bcas pa'i skyabs sbyin pa'o/ / rgyan thams cad kyis brgyan cing zhabs rol bas stag la bcibs pa'o/ /stag las skyob pa zhes bya ba'i sgrol ma'i sgrub thabs so// //pad+ma dang zla ba'i gdan la laM las byung ba'i lha mo mdog sngo ljang / zhal gcig phyag gnyis pa g.yas skyabs sbyin zhing / g.yon ut+pal thugs kar skyabs sbyin dang bcas pas bzung ba'o//rgyan thams cad kyis brgyan cing zhabs rol bas chu'i steng du bzhugs pa'o/ /chu las skyob par byed pa zhes bya ba'i sgrol ma'i sgrub thabs so// //pad+ma dang zla ba dang nyi ma'i steng du hriHlas byung ba'i lha mo mdog dmar mo zhal gcig phyag gnyis ma/ rgyan thams cad dang ldan pa/ g.yas skyabs sbyin pa/g.yon ut+pal la'i steng du lcags kyus mtshan pa bsnams pa'o/ /zhabs rol pas mi'i dbang po mnan pa'o/ /rang gi lus kyi 'od zer dmar pos de'i lus bkang la rang gi gnas su bzhag go/ /zhi mdzad ma zhes bya ba'i sgrol ma'i sgrub thabs so// //de nas thub pa'i lha mo zhes bya ba'i sgrol ma ni/sngar bstan pa'i cho ga las bdud rtsi'i dkyil 'khor du sa bon lnga pa'i sde tshan gyi dang po la dang po gnyis pas mnan la zla tshes phyed pa'i thig les brgyan pa'o/ /de las grub pa'i sgrol ma bsgom par bya'o/ /mchog tu rnam par mdzes ma/ zhal gcig pa yid du 'ong ba mo ljang gu phyag gnyis ma/g.yas mchog sbyin pa g.yon ut+pal 'dzin pa'o/ /pad+ma dang zla ba la gnas pa rgyan thams cad kyis brgyan par bsam mo/ /lag pa gnyis thal mo sbyar la mdzub mo gnyis kyis gung mo'i sen mo bkab la srin lag nang du bcug ste mthe bong mnan pa ni ut+pal kha bye ba'i phyag rgya'o/ /oM tA re tut+tA re tu re swA hA/de nas snying ga'i sa bon las 'od zer 'phros pas dzaHdang hUM la sogs pas ye shes kyi dkyil 'khor spyan drangs la gzhug cing dbang du bya'o/ /gnas gsum la ni rdo rje gsum/ /byin gyis brlabs la sku la sogs/ /'khor lo pad+ma rdo rje dang / /oM AHhUM las rtag pa dang //'od dpag med dang mi bskyod pa/ /de nas thugs ka'i sa bon las/ /'od 'phros ye shes sems dpa' ni/ /snga ma'i tshul can spyan drangs te/ /dbang bskur rigs kyi bdag po ni/ 'od dpag med kyis spyi bor brgyan/ /de nas sa bon las byung ba'i/ /'od kyi lha yi spro bsdu las/ /skyo na thugs ka'i sa bon las//'od 'phros snod bcud ma lus zhu/ /bdag kyang sa bon de dag las/ /shin tu phra bar bsam mi khyab/ /rnam par mi rtog de dmigs shing / /nam mkha'i dkyil ltar rab dben pa/ /bde bar gshegs pa kun gyi gnas/ /de nas skyo na bzlas pa ni/ /'bum phrag bzhi'am 'on te drug /'bum phrag bcu yis las rnams 'grub/ /rnal 'byor pa ni gang zhig gis/ /'di don nyams su gang len pa/ /thog ma tha ma med zhi ba'i/ sgrol ma yum mchog nyid gyur nas/ /dngos grub gnyis sogs 'thob 'gyur te/ /yon tan dpag med 'byung bar gsungs//de ltar stong dang snying rje'i bdag nyid srid pa gsum skyes zad nges shes dang ni/ /shes bya gnyis su med sku kun du bzang po'i spyod pa'i bdag nyid sna tshogs yum/ /bcom ldan 'das ma'i sgrub thabs rgyud 'dzin legs bkod pa las bsod nams dri ma med/ /bdag gis gang thob des ni 'gro ba ma lus rtag bde mya ngan 'das thob shog /lha mo sgrol ma'i sgrub thabs brgya rtsa brgyad pa zhes bya ba/ slob dpon chen po tsan+d+ra go mis mdzad pa rdzogs so// //rgya gar gyi mkhan po dI paM kA ra shrI dz+nyA na dang / lo tsA ba dge slong tshul khrims rgyal bas bsgyur ba'o/ /slad kyis rgya gar gyi paN+Di ta dA na shI la dang /