261b2 gnubs lo tsA bas dag par bcos so/ /oM mu ni mu ni sma ra swA hA/ /[ ]@##/ /rgya gar skad du/ shrI a dzi tA nA tha sA d+ha naM/ bod skad du/ dpal mi pham mgon po'i sgrub thabs zhes bya ba/ 'phags pa byams pa la phyag 'tshal lo/ /sa bcu'i dbang phyug
261b3 'jig rten mgon//byams chen mi pham mgon po la/ /phyag 'tshal nas ni rang dran phyir/ /de yi sgrub thabs mdor bsdus bya/ /dang por re zhig sngags pas yid dang rjes su mthun pa'i gnas su 'dug ste/ tshangs par spyod pa dang / tshangs pa'i gnas pas legs par gnas par byas la/
261b4 chos thams cad stong pa nyid du bsgom mo/ /de'i ngang la pad+ma dang zla ba'i steng du bdag nyid yi ge maiM gser gyi mdog can bltas la/ 'od zer spro ba dang bsdu ba sngon du song bas byang chub kyi klu shing gi bum pas mtshan par bsam mo/ /de yang snga ma ltar sbyar te sangs rgyas kyi zhing yongs su sbyangs pas
261b5 'phags pa byams pa'i skur nye bar blta'o//de la 'phags pa byams pa gser btso ma'i mdog can/ khru brgyad cu'i tshad mnga' ba mtshan bzang po yongs su dag pas brgyan pa/ brtson pa'i cha byad 'gying bag phun sum tshogs pa dang ldan pa/ phyag g.yas chos 'chad dang / g.yon klu shing
261b6 rgyas pa'i sdong bu ril bas mtshan pa 'dzin pa/sku blta bas chog mi shes shing rang bzhin gyi 'od kyi dkyil 'khor rnam par 'phro ba ral pa'i cod pan can mdzes pa la/ mchod rten gyis ni gtsug tor spras/ /tshangs skud dang ni phreng bas brgyan/ /snying gar pags pa bsnams pa'o/ /de
261b7 rjes mgon po nyid bskul ba//dga' ldan nas ni ye shes dgug /dzaHhUM baM hoH'i rig pa yis/ /dam tshig la ni bstim par bya/ /de nas mchod sogs cho ga bzhin/ /byams la snying rje chen po can/ /grub pa'i gsang sngags bzlas par bya/ /'bum phrag bcus ni bsnyen pa
262a1 'grub//dngos dang rmi lam dag mthong la/ /dga' ldan gzhal med bgrod pa dang / /de yi phyag mtshan gnyis mthong ngam/ /mi pham rgyal tshab mthong gyur pa/ /de tshe de yi dri ma dag /chu bos bros nas zos pa yi/ /ljon shing bzhin du 'bad med par/ /tshe 'di
262a2 nyid la zad par byed//oM maiM mai tri mai tri yai swA hA/ /sgrub po gang zhig 'phags pa la/ /dad pa mang dang 'gro la brtse/ /rtag tu smon lam yang ston pa/ /de dag rje btsun mdun du skye/ /dpal mi pham mgon po'i sgrub thabs/ slob dpon ni ri ti pas mdzad pa/ gnubs lo tsA ba
byams pa'i dpal gyis bsgyur ba'o/