259a6 /[# ]@##/ /yig brgya'i cho ga bzhugs// //oM badzra satwa sa ma ya/ ma nu pA la ya badzra satwa twe no pa tiSh+Tha/ dr-i D+ho me b+ha ba/ su to Sh+yo me b+ha ba/ su to Sh+yo me b+ha ba/ a nu rak+to me b+ha ba/ su poSh+yo me b+ha ba/ sarba sid+d+hi m+me pra yats+tsha/ sarba karma
259a7 su tsa me/tsit+taM shre yaHku ru hUM/ /ha ha ha ha hoH b+ha ga bAn sarba ta thA ga ta/ badzra mA me muny+tsa/ badzrI b+ha ba/ ma hA sa ma ya satwa AHswA hA/ oM ha phaT/ stong dang lha bskyed spyan drang dang / /gdan bzhir byin brlabs dbang bskur ba'o/ /zhes gzhan nas bshad do/ /gsang sngags dang rig sngags thams cad
259b1 kyi bdag po phyag na rdo rje la phyag 'tshal lo//rig sngags brgya pa'i cho ga mdor bsdus pa bshad par bya'o/ /gang zhig sems can don mdzad dang / /sangs rgyas sras rnams thob bya'i phyir/ /byang chub tu ni sems bskyed nas/ /bdag gis rig sngags bsgrub par bya'o/ /sdom pa gsum la
259b2 gnas pa dang //shes bzhin dran par ldan pa dang / /'phags pa'i nor bdun ldan pa dang / /sngags kyi rgyud sde bzhi shes pas/ /phyag rgya bzhi ldan snying rje can/ /thabs shes yo byad tshogs pas bsgrub/ /shes rab che ba/ stong pa nyid kyi don shes pa/ gcam phyar can ma yin pa/
259b3 rig sngags bzlas pa'i tshe smra ba ma yin pa/ me'i las la mkhas pa/ de lta bus bsgrub par bya'o/ /de lta bu la sbyin par bya'o/ /gzhan la ni ma yin no/ /de la cho ga 'di'i thabs ni/ de la bum pa shin tu dkar ba/ gtsang ba/ cho ga thams cad tshogs pa ba'i rnam lnga'i dkyil 'khor
259b4 shin tu gtsang ba dri'i thig le nyer gcig ga pur gyis byug pa byas la/rig sngags 'di brgya rtsa brgyad yid la ma yengs par brjod nas khrus byas sam brjod na tshe zad pa dang tshe nyams pa dang / phun sum tshogs pa thams cad nyams pa dang / bdag la mi dang mi ma yin pa thams cad bsam pa zhig par
259b5 'gyur ro//sngon gyi las kyi sgrib pa yang ma lus par zad par 'gyur ro/ /bum pa'i thabs so/ /zhi ba la ni mngar gsum dang 'o ma'o/ /rgyas pa la ni zas mchog gi gong bu dang yungs kar ro/ /dbang la ni yungs mar dang 'bras rnam pa sna tshogs dang nim pa'i lo ma'o/ /drag po la ni sha dang khrag dang
259b6 dug dang /ske tshe dang til mar ram tshil gzhag go/ /rig sngags brgya rtsa brgyad pa gsum mam/ bdun pa gsum brjod par bya'o/ /rig sngags re re zhing rdzas re re dbul bar bya'o/ /zhi ba la ni mthar swA hA brjod par bya'o/ /rgyas pa la oM/ dbang la hoH/ drag po la phaT/ rig sngags
259b7 'di yis swA hA la sogs pa mi brjod pa ni phrin las rnam bzhi'i spyi las pa'o//til gyi sbyin sreg byas pas mtshams med pa lnga nas nyes pa phra mo yan chad 'byang bar 'gyur ro/ /de la rig sngags lan re zhing rdzas lan re dbul bar bya'o/ /de la grangs ni brgya rtsa brgyad pa gsum dbul bar bya'o/ /
260a1 tha na rig sngags gcig tsam til gcig tsam thab tu dor na yang sdig pa 'byang bar 'gyur na mang ba rnams lta ci smos/ sdig pa 'byang ba'i dbang du byas pa'o/ /de la ro bsreg pa ni dong gi nang du chos kyi 'khor lo bri bar bya'o/ /chos kyi yi ge rnams kyang bri bar bya'o/ /shing brtsigs
260a2 pa thogs gsum dang ldan par byas la/steng khang la skar khung byas/ ro kha nub phyogs su bstan la bzhag go/ /ro'i snying gar 'khor lo rtsibs bcu drug pa/ ras sam gro ga'am shing shun la bris te/ dgab par bya'o/ /'khor lo la chos kyi yi ge dgod pa ni chos kyi 'khor lo'o/ /de'i dbus kyi
260a3 lte ba nas gzungs thag bsgril ba drangs la bsngo ba mkhan gyis gzung ste/chos kyi phyag rgya rig sngags 'di brjod par bya'o/ /'di'i bsam pa ni rig sngags 'di brjod pas chos kyi yi ge rnams gsal bar 'gyur ro/ /chos kyi yi ge gsal bas dbus kyi yi ge oM gsal bar 'gyur ro/ /oM ye
260a4 shes kyi me byung bas phung po tshig pas ye shes lnga'i 'od zer 'phros pas/de bzhin gshegs pa thams cad la mchod pa ni/ rgyud las ji skad gsungs pa bzhin mchod par bya'o/ /sems can rnams la bsngo ba ni/ dbang po lnga'i longs spyod du 'dod pa lnga'i longs spyod char bzhin 'bab par
260a5 dmigs te/de nas sngags mkhan gyis rdzas re re la rig sngags lan re re brjod pas brgya rtsa brgyad pa gsum dbul bar bya'o/ /sreg rdzas ni yam shing 'o ma can dang / mar dang til la sogs pa dbul bar bya'o/ /mtshan brgya rtsa brgyad pa'i bstod pa bya'o/ /bkra shis par bya ba'i phyir gong du
260a6 bstan pa'i phrin las rnam pa bzhi char bya'o//de nas bsngo ba mkhan gyis tshe thal ba dang / sems can gyi las gsum pa bla na med pa'i byang chub tu bsngo bar bya'o/ /de la chos kyi 'khor lo bskor ba ni/ bsngo ba mkhan gyis bskor ba dang / sngags mkhan gyis ro'i dbus su bskor ba phrin las rnam bzhi'i don
260a7 du bskor ba ni/chos kyi 'khor lo rnam pa gsum du bskor ba'o/ /lan bcu gnyis su bskor ba ni/ rdo rje sems dpa' nas rdo rje khu tshur du bskor ba ni zhi ba'o/ /rdo rje rin chen nas rdo rje legs par bskor ba ni rgyas pa'o/ /rdo rje chos nas rdo rje bzhad pa la bskor ba ni dbang ngo / /rdo rje las nas rdo rje smra ba la
thug pa ni drag pa'o/