252b6 @##/ /rgya gar skad du/ kai ba la nai rAt+m+ya sA d+ha naM/ bod skad du/ bdag med ma rkyang pa'i sgrub thabs/ bdag med ma la phyag 'tshal lo/ /sngon du gsungs pa'i cho gas stong pa nyid du bsgoms pa'i rjes la zla ba'i dkyil 'khor la aM yig sngon po'i sa bon dang gri gug spro ba la sogs
252b7 pa sngon du 'gro zhing yongs su gyur pa las ro'i steng du rang gi snying gar zla ba la gnas pa'i skyil krung phyed pa'i gar stabs kyis bzhugs pa'i bdag med ma sku mdog nag mo zhal gcig ma/dbu skra dmar ser gyen du brdzes pa/ mi bskyod pas dbu brgyan pa/ zhal mche ba gtsigs shing ljags bskyod pa
253a1 phyag g.yas na gri gug /g.yon na thod pa bsnams pa/ spyan gsum dmar zhing zlum pa/ phyag rgya lngas rnam par brgyan pa/ de'i mgo dang mgrin pa dang snying ga rnams su oM AHhUM zhes pa'i yi ge rnams so/ /snying gar zla ba la gri gug gi yu bar zla ba la aM yig bltas te
sngags 'di bzlas par bya'o/