CLOSE WINDOW

D3638
བོད་ཡིག

/rus pa'i rgyan gyis mdzes byas shing / /thod pa lnga yis dbu la brgyan/ /sangs rgyas nyid der bsgom par bya/ /'gro ba'i bdud rnams 'joms byed pa/ /oM hUM phaT swA hA zhes pa 'di mdor bsdus pa'i phyag gnyis pa'i he ru ka'i sgrub thabs rdzogs so//[ ]@##/ /rgya gar skad du/ dI b+hu dza he badzra sA d+ha naM/ bod skad du/ dgyes pa'i rdo rje phyag gnyis pa'i sgrub thabs/ bcom ldan 'das dgyes pa'i rdo rje la phyag 'tshal lo/ /'jig rten gsum bdag he ru ka /dpal mgon bla ma la phyag 'tshal/ /de yi sgrub thabs cho ga ni/ /shAn+ti pas gsungs rnam gsal las/ /dpa' bo zhal gcig phyag gnyis pa//bdag med ma yis mgul nas 'khyud/ /'khor lo la sogs rgyan dang ldan/ /spyan gsum zhabs ni gnyis pas mdzes/ /'dir rgyud las bsgom pa khong du chud par bya ste/ rnal 'byor pa snga bar mal nas langs te rang gi snying gar nyi ma la gnas pa'i hUM yig bltas la/ de'i 'od zer gyis he ru ka gsal zhing gdan drangs nas me tog la sogs pa nye bar spyod pa rnam pa lngas yang dag par mchod nas mdun du sdig pa bshags pa dang / bsod nams la rjes su yi rang ba dang / gsum la skyabs su 'gro ba dang / byang chub chen por sems bskyed pa dang / sems can rnams lha'i bde ba la nye bar longs spyod pa la rnam par bsdu ba'i byams pa dang /thams cad sdug bsngal gyis 'joms pa'i rnam pa'i snying rje dang / de la bde ba rgyun mi 'chad par nges pa'i rnam pa'i dga' ba dang / nyon mongs pa dang nye ba'i nyon mongs pa gzung ba dang 'dzin pa la sogs pa'i yid med par byed pa'i mtshan nyid btang snyoms rnams kyang bsgom par bya'o//de nas chos kyi bdag la sogs pa'i rnam par rtog pa'i dri ma spangs te/ gzugs ni ston ka'i dri ma med pa'i nyi ma gung gi nam mkha' lta bu gnyis su med pa'i ye shes dang ro gcig pa'i sku stong pa nyid bsgom par bya'o/ /oM shU n+ya tA dz+nyA na badzra sA b+hA wa At+ma kou0f85haM/zhes pas byin gyis brlab par bya'o/ /de nas rnam par sad nas nam mkha'i phyogs su nyi ma la gnas pa'i hUM yig bltas la de yongs su gyur pa las rdo rje'i lte ba lta gnas pa'i hUM yig blta bar bya'o/ /de las byung ba'i 'od zer rnams kyis dpal he ru ka'i skus 'gro ba thams cad kyi don mdzad cing /de la de bzhin du rab tu zhugs te/ de yongs su gyur pa las dpal he ru ka sna tshogs pad+ma dang ro'i steng na nyi ma'i dkyil 'khor la bzhugs pa/ phyag gnyis pa/ spyan gsum pa/ phyag g.yas kyis rdo rje/ g.yon pas rdo rjes mtshan pa'i thod pa bsnams pa/ gar gyi nyams dang bcas pa/ stag gi pags pa'i sham thabs can/ /dbu la mi bskyod bdag nyid ni/ /mi mgo las byas 'khor lo bsnams/ /'od dpag med pa'i bdag nyid snyan/ /mi yi rus pa'i rna rgyan no/ /rin chen 'byung ldan bdag nyid mgul/ /mgul rgyan dang ni yang dag ldan//lag gdub rnam par snang mdzad dag /don yod grub pa'i bdag nyid kyis/ /rked pa la ni rgyan du mdzad/ /skra yi mchod phyir thogs dang ni/ /rkang gdub kyis kyang yang dag brgyan/ /dbu skra dmar ser gyen du brdzes pa/ zhal gcig pa/ phyag gnyis pa/ gri gug dang / thod pa bsnams pa'i bdag med mas yang dag par 'khyud pa de lta bur gyur pa'i bdag nyid bsgom par bya'o/ /de nas 'di'i rna ba la bdag med ma/ mig la gti mug rdo rje can/ /sna la sbas pa'i gau rI/ /lce la chu yi rnal 'byor ma/ /lus kyi dbang po la rdo rje mkha' 'gro ma/yid la bdag med ma rnams lhag par mos par bya'o/ /de la mgo bor chu skyes 'dab ma sum cu so gnyis kyi steng du haM yig mgo thur du bstan pa'i rnam pa/ mgrin par chu skyes 'dab ma bcu drug pa'i steng du oM yig mgo steng du bstan pa/ snying gar chu skyes 'dab ma brgyad pa'i steng du hUM yig mgo thur du bstan pa/lte bar chu skyes 'dab ma drug cu rtsa bzhi'i steng du a yig mgo steng du bstan pa bsam par bya'o/ /de nas dam tshig sems dpa' dang 'dra ba'i ye shes sems dpa' gdan drang bar bya ste/ dzaHhUM baM hoHzhes pa'i sngags 'dis dgug pa dang / gzhug pa dang bcing pa dang / dbang du byas te chu dang 'o ma bzhin du ro gcig par bya'o/ /de'i rjes la rang gi snying gar nyi ma dang rdo rje'i lte ba la gnas pa'i hUM yig las 'od zer byung ste/ 'od des de bzhin gshegs pa thams cad kyi ngo bo he ru ka gdan drangs te mchod nas/ a b+hi Shiny+tsa tu mAM sarba ta thA ga ta zhes pas dbang zhu bar bya'o//de rnams kyis bdud rtsi lngas gang ba'i rin po che'i bum pa rnams kyis bdag nyid dbang bskur te mgon po mi bskyod pas dbu brgyan pa bsam par bya'o/ /rnal 'byor pa'i tshogs de thams cad rang rang gi byang chub kyi sems la sogs pa'i khu bas mchod par bya'o/ /zhal ni mche gtsigs 'jigs chen po//sngags kyi me tog phreng bas brgyan/ /sha chen rnams ni rol mdzad pa'i/ /he ru ka dpal bdag phyag 'tshal/ /zhes pa 'dis bstod par bya'o/ /de nas nam mkha'i hUM yig yongs su gyur pa las rdo rje de'i 'og tu AHyig yongs su gyur pa las pad+ma'i snod/ de'i dbus su oM yig gis mtshan pa'i go ku da ha na dang /ma mu shu bi ra la sogs pa'i dam tshig gi rdzas rnams ni rdo rje dang pad+ma yang dag par sbyor bas bsregs shing 'bar bas de'i khu bar byas te/ de bzhin gshegs pa thams cad kyi tshul ji lta ba'i ye shes nyi ma'i 'od dang ye shes kyi sa bon gyi 'od zer rnams kyis de bzhin gshegs pa thams cad kyi ye shes kyi bdud rtsi bkug nas dngos po de rnams kyis lhan cig byas te/oM AHhUM zhes pa'i yi ge gsum gyis byin gyis brlabs la hUM yig dkar po las skyes pa'i rdo rje'i rang bzhin gyi ljags su byas te bdag nyid des tshim par bya'o//de nas snying gar nyi ma dang rdo rje'i lte ba la gnas pa'i hUM yig gis yang dag par bskor bar bzhugs pa'o/ /oM trai lo kyA k+She pa hUM hUM phaT phaT swA hA zhes pa'i yi ge bcu gnyis kyi sngags kyi phreng ba rab tu gsal zhing 'bar bzhin pa yid kyis mngon par bris te/ go rims bzhin du brjod par gyur pas dben par bzlas par bya'o//nyi ma'i gung thun la skad cig gis dpal he ru ka'i skur bdag nyid bsams te/ de nas mig la sogs pa'i rnam par dag pas 'khor lo bzhi bsgoms nas mchod pa dang bstod pa dang bdud rtsi myang ba dang / bzlas pa la sogs pa bya'o//'jig rten gsum bskyod dpa' bo yi/ /sgrub thabs mchog ni byas pa yis/ /bsod nams gang bsags de yis ni/ /'gro kun rdo rje 'dzin par shog /dgyes pa'i rdo rje phyag gnyis pa'i sgrub thabs rdzogs so// //tA ra shrIs mdzad zer// //