249b7 @##/ /rgya gar skad du/ big+h+nAn+ta ka sA d+ha naM/ bod skad du/ bgegs mthar byed kyi sgrub thabs/ bcom ldan 'das bgegs mthar byed la phyag 'tshal lo/ /dang por re zhig sgrub pa pos stan bde ba la nye bar 'dug ste/ aM yig dmar po las skyes pa'i nyi ma'i
250a1 dkyil 'khor rang gi snying gar bsgom par bya'o//de'i steng du hUM yig nag po bkod nas/ hUM yig las skyes pa'i 'od zer gyis bgegs mthar byed dang / bla ma dang / sangs rgyas dang / byang chub sems dpa' rnams dmigs nas me tog la sogs pa rnams kyis yang
250a2 dag par mchod nas phyag 'tshal te/gsum la skyabs su 'gro ba la sogs pa byas nas/ stong pa nyid du bsgom par bya ste/ oM shU n+ya tA dz+nyA na badzra swa b+hA ba At+ma kou0f85haM/ zhes pas so/ /de'i rjes la aM yig dmar po las skyes pa'i nyi ma'i dkyil 'khor gyi steng du hUM yig /de yongs su gyur pa las rdo rje hUM y
250a3 ig gis byin gyis brlab par bsgom par bya'o//hUM yig gi 'od zer gyis bskul nas de bzhin gshegs pa thams cad rab tu gzhug pa sngon du 'gro bas/ de thams cad yongs su gyur pa las/ bgegs mthar byed bsgom par bya'o/ /zhabs g.yon brkyang gis bzhugs pa'i bdag nyid zhal
250a4 gcig pa/phyag gnyis pa/ sku mdog mthing ga /phyag g.yon pas sdigs mdzub dang / zhags pa/ phyag g.yas pa rdo rje 'phyar ba/ 'jigs par byed pa/ dbu skra dmar ser gyen du brdzes pa'o/ /de nas bcom ldan 'das kyi thugs kar nyi ma'i dkyil 'khor la hUM yig gis byin
250a5 gyis brlabs pa'i rdo rje'o//de las byung ba'i bgegs mthar byed spro ba dang bsdu ba'i tshul gyis chu skyes 'dab ma sna tshogs kyi steng du nyi ma la gnas pa bsgom par bya'o/ /dam tshig la sogs pa'i cho ga sngon du 'gro bas so/ /'di gnyis dang gsum dang bzhi'i thun mtshams su bsgom par
250a6 bya'o//oM AHbi g+h+nAn+ta kr-i ta hUM/ bgegs mtharabyed kyi sgrub thabs rdzogs so// //oM in+d+ra ya hrIH/ a mA ya Sh+T+r-IH wa ru NA ya bi/ ku be+e rA ya kr-i/ I shwa rA ya ta/ ag+na ye A/ nair+r-i ta ye na/ wA ya we na/ tsan+d+rA ya hUM/ ar+k+kA ya hUM/ brah+ma NA ya phaT/ ba su d+hA rA ya phaT/ be+e ma
tsi tra ye swA/