| བོད་ཡིག |
248b7 /bzlas pa'i sngags ni/ oM hrIHSh+T+r-IHbi kr-i tA na na hUM hUM phaT phaT swA hA/ gshin rje mthar byed kyi sgrub thabs rdzogs so//[ ]@##/ /rgya gar skad du/ ya mAn+ta ka sA d+ha naM/ bod skad du/ gshin rje mthar byed kyi sgrub thabs/ dpal gshin rje mthar byed la phyag 'tshal
249a1 lo//sgom pa pos dang por zhal bsang ba la sogs pa bya ste/ rang gi snying gar a yig las skyes pa'i zla ba la yaM yig nag po bsgom par bya'o/ /de'i 'od zer gyis bla ma dang / sangs rgyas rnams gdan drangs nas yang dag par mchod cing sdig pa bshags
249a2 pa la sogs pa bya'o//de nas yaM yig tsam las rnal 'byor pas bdag nyid stong pa nyid mngon du bya zhing byin gyis brlab par yang bya ste/ smon lam rjes su dran par bya'o/ /de'i rjes su raM yig las byung ba'i nyi ma la hUM yig las byung ba'i rdo rje tho ba/ rang gi sa bon gyis mtshan pa rnam par bsgom
249a3 par bya'o//de las skyes pa'i rdo rje'i sa gzhi dang / rdo rje'i ra ba dang / rdo rje'i gur bsgom par bya'o/ /de'i dbus su zla ba'i dkyil 'khor la dbyangs yig nyis 'gyur gyi rang bzhin skyes bu chen po'i mtshan sum cu rtsa gnyis kyis mtshan pa/ shes rab kyi rang bzhin yang dag par blta'o/ /de'i
249a4 steng du dpe byad bzang po brgyad cu'i rnam par dag pa de la/Da D+ha ya ra la wa bzhi nyis 'gyur dang bcas pa dang / ka la sogs pa'i gsal byed nyis 'gyur yongs su rdzogs pa las/ gzhan yang zla ba'i dkyil 'khor la thabs kyi ngo bo mtha' yas pa 'bar ba 'phro zhing bsam par bya'o/ /de nas
249a5 de gnyis yongs su rdzogs pa las nyi ma'i dkyil 'khor la hUM mthing ga dang /yaM las yang dag par byung ba'i char sprin nag po gsar pa'i kha dog can gsus pa che ba/ smin ma dang sma ra dmar ser gyen du brdzes pa/ mche ba gtsigs pa/ thung zhing rgyas la ma he la bzhugs pa/
249a6 stag gi pags pa'i sham thabs bsnams pa/ ri dwags bdag po'i pags pas stod g.yogs byas pa/ shin tu 'jigs par byed pa/ rang gi sku'i 'od zer gyis khro bo lnga 'phro bzhin pa sprul nas/ gdengs ka'i rgyal pos brgyan pa/ khrag 'dzag pa'i mgo bo brgya'i phyed kyi phreng ba
249a7 bsnams pa/phyag drug pa g.yas kyi phyag rnams kyis tho ba dang / ral gri dang / rdo rje bsnams pa/ g.yon gyi phyag gsum gyis sdigs mdzub dang bcas pa'i zhags pa bsnams pa'o/ /zhal drug pa dang po khro zhal dang / mthing ga dang / dkar po dang / ser po dang / dmar po dang /
249b1 nag po rnams gzhan rnams su zhal gyi rim pas so/ /zhal thams cad ni zlum zhing dmar ba'i spyan gsum pa'o/ /zhabs drug pa/ zhabs gnyis g.yon brkyang mdzad cing yang zhabs gnyis gar stabs mdzad pa/ zhabs gzhan gnyis sems dpa'i skyil krung mdzad pa/ nyi ma 'bar ba'i
249b2 dbus su bzhugs shing bgegs rnams 'joms par mdzad pa/thod pa brgyad kyis legs par brgyan cing shin tu 'jigs pa'i mgo bo'i phreng ba can no/ /de'i rjes la k+ShiM dzaM khaM/ laM skaM saM gi sa bon rnams las byung ba'i sa'i snying po dang / phyag na rdo rje dang / nam mkha'i snying po dang / 'jig rten
249b3 dbang phyug dang /sgrib pa rnam par sel ba dang / kun du bzang po zhes pa rnams mig dang / rna ba dang / sna dang / lce dang / nu ma dag dang / lte ba zhes pa rnams kyi 'khor lo dang / rdo rje dang / rin po che dang / chu skyes dang / mda' dang / rdo rje rnams phyag g.yas pa rnams kyis bsnams pa/
249b4 phyag g.yon pa rnams kyis sdigs mdzub kyi phyag rgya mdzad pa/ dkar po dang / nag po dang / ser po dang / dmar po dang / ljang gu dang / dkar po rnams su bzhugs pa/ de'i rjes su mgo bo dang / mgrin pa dang / snying ga ste/ sku dang gsung dang / thugs rnams su gnas pa'i zla ba'i dkyil 'khor
249b5 la bzhugs pa/oM AHhUM zhes pa las byung ba kha dog dkar po dang / dmar po dang / nag po dang / rdo rje dang / chu skyes dang / rdo rje rnams phyag g.yas pa rnams kyis sdigs mdzub kyi phyag rgya mdzad pa'o/ /de nas snying ga'i sa bon gyi 'od zer rnams kyis ye shes sems dpa' gdan
249b6 drangs nas ro gcig tu bsgoms te/mi bskyod pas dbu brgyan pa'i bdag nyid yun ring du bsgom par bya'o/ /de la sngags ni 'di'o/ /oM hrIHSh+T+r-IHbi kr-i tA na na hUM hUM phaT phaT swA hA/ de nas gshegs su gsol nas ldang bar bya'o zhes pa ni gshin rje mthar byed kyi sgrub thabs rdzogs so// //