CLOSE WINDOW

D3630
བོད་ཡིག

gshin rje gshed nag po'i sgrub thabs rdzogs so//[ ]@##/ /rgya gar skad du/ kriSh+Na ya mA ri sA d+ha naM/ bod skad du/ gshin rje dgra nag po'i sgrub thabs/ bcom ldan 'das gshin rje gshed la phyag 'tshal lo/ /dpa' bo thod pa'i phreng ba can//sbrul sogs rgyan gyis rngam byas pa'i/ /gshin rje gshed mgon phyag 'tshal nas/ /de yi sgrub thabs bri bar bya/ /bde ba'i stan la yang dag 'dug /snying gar nyi ma hUM yig dgod/ /der skyes mchod pa'i khyad par gyis/ /gus pas khyab bdag yang dag mchod/ / de yi mdun du phyogs byas te/ /sdig pa bshags pa la sogs bya/ /'gro kun rang bzhin med par ni/ /skad cig gis bltas de nyid las/ /snying ga'i sa bon rtags las byung / /zhabs kyi chu skyes g.yon brkyang ba/ /khro gnyer bsdus shing zhal 'jigs la/ /sma ra smin ma dbu skra ser/ / zhal gsum ljags ni bskyod pa yis/ /'jigs byed mche ba gtsigs pa can/ /spyan ni dmar zhing gsus chen la/ /sprin nag gsar pa'i 'od zer can/ /nyi ma'i dkyil 'khor la gnas shing / /ma he yi ni mtshan la bzhugs/ /stag gi sham thabs mi'u thung / /nga rgyal thams cad 'joms mdzad pa//nyi ma'i 'od zer gzi mdangs che/ /sa steng ma lus kun du mchod/ /'bar zhing 'bar ba'i phreng ba rno/ /dus mtha' yi ni me dang mtshungs/ /rdo rje ral gri gtun shing drag /ro langs sta re zhags pa bsnams/ /phyag g.yas dang ni g.yon pa yi//drug po rnams su mdzes par bsnams/ /khro bcas 'jigs byed shin tu drag /gshin rje mthar byed bdud 'joms pa/ /hUM yig gis gang mgrin bsams nas/ /'dir ni de yi nga rgyal bya/ /snying gar nyi rdor snying 'od kyis/ /gshin rje sdang ba bza' bar bya/ /mdun phyogs de nas mchod nas ni//rang dang rnam pa gcig byas te/ /dzaHhUM baM hoHsa bon bzhis/ /yang dag dgug dang gzhug pa dang / /bcing dang mnyes pas bdag mchod cing / /bsam gtan gyis ni mchod byas nas/ /yang dag bstod nas sngags bzlas bya/ /dge ba yongs su bsngo bya zhing / / langs nas lha yi rnal 'byor gyis/ /brtse ba gcig pu'i yid kyis spyad/ /de bzhin nyi ma so sor bya/ /dngos grub thob pa'i mtshan ma 'byung / /'dod pa'i dngos grub bsgrub bya ba/ /las mchog rab tu brkyang na yang / /las kyi rjes su 'brangs ba'i tshul/ /mangs pas kho bos ma bshad do/ /bla ma'i man ngag de yang ni//rgyud las mngon 'dod bsgrub par bya/ /mkhas pas 'khor lo gzhan rnams kyang / /kun nas 'bad pas shes par bya/ /gtor ma nyer spyod rnal 'byor gyis/ /thun mtshams bzhi ru cho ga bya/ /bzlas pa'i sngags ni/ oM hrIHSh+T+r-IHbi kr-i tA na na hUM hUM phaT phaT swA hA/