| བོད་ཡིག |
246a7 /'phags pa gshin rje gshed dmar po'i sgrub thabs rdzogs so//[ ]@##/ /rgya gar skad du/ /kr-iSh+Na ya mA ri sA d+ha naM/ bod skad du/ gshin rje gshed nag po'i sgrub thabs/ bcom ldan 'das gshin rje'i dgra la phyag 'tshal lo/ /dang por re
246b1 zhig sgrub pa pas stan bde ba la nye bar 'dug ste/aM yig dmar po las skyes pa'i nyi ma'i dkyil 'khor rang gi snying gar bsgom par bya'o/ /de'i steng du hUM yig mthing nag bkod la hUM yig mthing nag gi 'od zer gyis gshin rje mthar byed la sogs pa'i bla ma dang / sangs rgyas dang /
246b2 byang chub sems dpa' rnams dmigs la me tog la sogs pa rnams kyis yang dag par mchod cing phyag 'tshal nas gsum la skyabs su 'gro ba la sogs pa byas te/ stong pa nyid du bsgom par bya'o/ /oM shU n+ya tA dz+nyA na badzra swa b+hA ba At+ma kou0f85haM/ de'i rjes la aM yig dmar po las skyes pa'i nyi ma'i
246b3 dkyil 'khor la hUM yig de yongs su gyur pa las rdo rjes mtshan pa'i dbyug pa nag po hUM yig gis byin gyis brlabs pa bsgom par bya'o//hUM yig gi 'od zer gyis bskul nas de bzhin gshegs pa thams cad rab tu gzhug pa sngon du 'gro bas so/ /de thams cad yongs su gyur pa las
246b4 gshin rje mthar byed bsam par bya'o//zhabs g.yon brkyang gis bzhugs pa/ zhal gcig pa/ phyag gnyis pa/ sku mdog mthing nag /phyag g.yas kyis rdo rjes mtshan pa'i dbyug pa mthing nag bsnams pa/ phyag g.yon pa sdigs mdzub mdzad pa/ de lta bur gyur pa'i gshin rje
246b5 gshed spro ba dang bsdu ba'i tshul gyis sna tshogs chu skyes kyi steng du nyi ma la bzhugs pa ma he'i steng du bsgom par bya'o//de nas bcom ldan 'das kyi thugs kar nyi ma'i dkyil 'khor la hUM yig yongs su gyur pa las/ hUM yig gis byin gyis brlabs pa'i dbyug pa mthing nag las hUM yig gi
246b6 'od zer gyis 'gro ba rnams snang bar byas te/slar yang de la de bzhin du rab tu gzhug par bya'o/ /rim pa 'di nyid ji srid 'dod kyi bar du spro ba dang bsdu bar bya'o/ /dam tshig la sogs pa'i cho ga sngon du 'gro bas so/ /de bzhin du gnyis gsum bzhi'i thun mtshams su bsgom par bya'o/ /