242b2 @##/ /rgya gar skad du/ sap+ta sha ti ka kalpok+ta ha ya gr-I ba sA d+ha naM/ bod skad du/ rtog pa bdun brgya pa las gsungs pa'i rta mgrin gyi sgrub thabs/ dpal rta mgrin la phyag 'tshal lo/ /dngos po thams cad rang bzhin gyis mi gnas pa zhes pa ni bde bar gshegs
242b3 pa rnams kyi dgongs par rig par byas nas/de nas ri rab yan lag brgyad pa rin po che sna bdun gyi rang bzhin la de'i dbus su dpag tshad stong gi tshad kyi gdan la nye bar 'dug ste/ dkon mchog gsum la skyabs su 'gro ba la sogs pa sngon du 'gro bas lus dang ngag dang
242b4 yid byin gyis brlabs la/de yis de bzhin du nam mkha' khyab pa'i nyi ma'i dkyil 'khor la mngon par khyab par sprul nas/ de la de bzhin du hUM yig 'bar ba las 'od zer gyi rnam par bsam zhing / de nas lus ngag yid thams cad rdo rje rnams kyis phyag 'tshal bas oM AH
242b5 hUM zhes pa 'dis phyogs bcu'i mthar thug pa'i 'jig rten gyi khams na bzhugs pa'i sangs rgyas dang byang chub sems dpa' rnams gdan drangs nas ye shes kyi rnam pas rab tu zhugs te/slar yang hUM yig gnyis pas rta mgrin yang dag par bskul zhing gdan drangs nas rab tu
242b6 zhugs te hUM yig gsum pas bdag nyid de bzhin du rta mgrin bzhin du rdo rje'i rang bzhin gyi bdag nyid can sku mdog dmar po 'jigs su rung ba spyan gsum pa/drag po sma ra dmar ser can/ gsus pa che ba/ zhal mche ba gtsigs pa/ thod pa'i phreng ba can/ ral pa'i cod pan can/
242b7 'od dpag tu med pas dbu brgyan pa/ zhal gnyis pa sngo zhing 'jigs su rung ba'i hI hI'i sgra sgrogs shing tshangs pa'i sgo nga'i rtse mo nas rnam par gnon pa/ gnyis pas srid pa la sogs pa'i mthar thug pa la'o/ /klu brgyad kyis brgyan pa/ mi'u thung gi rnam pa can/ stag gi pags
243a1 pa'i sham thabs can/sbrul gyi rgyan gyis brgyan pa/ lha dang lha ma yin mtha' dag la bsdigs par mdzad pa/ rdo rje dang dbyug pa bsnams pa/ rta mgrin las kha dog sna tshogs pa'i 'od zer spro ba dang bsdu ba bsam par bya'o/ /sngags ni oM ha ya gr-I ba
243a2 hrIHhUM phaT swA hA zhes te/bcom ldan 'das 'di'i mthus yid bzhin gyi nor bu dang / bum pa bzang po dang / dpag bsam gyi shing dang / bcud dang / bcud kyis len la sogs pa'i dngos grub rnams bsgrubs pas mngon du 'gyur ro zhes rtog pa bdun brgya pa las gsungs
243a3 so//cis kyang bcom ldan 'das kyi bzlas pa 'bum phrag gsum byas pas 'khor los sgyur ba dang rgyal srid gnyis mngon du 'gyur ro/ /lha'i bu mo dpag tu med pa'i 'khor gyis bskor zhing rig 'dzin ma mdun du byas te/ de la bde ba'i 'bras bu nyams su myong zhing gnas
243a4 so//lha'i dbang pos gdugs 'dzin par 'gyur ro/ /tshangs pa'i sngags pa dang / thag bzangs ris kyi dmag dpon dang / 'phrog byed dang / so sor 'phrog byed dang / lha rnams mtha' dag stobs med par 'gyur ro/ /gcer bu pa'i slob dpon bde byed dang mtha'
243a5 dag gi yon tan rnams nye bar ston par byed do//ji srid bcom ldan 'das kyis byams pa mngon par ma rtogs pa de srid du gnas so/ /mngon par rtogs nas bla na med pa yang dag par rdzogs pa'i byang chub tu lung ston par 'gyur ro/ /rtog pa bdun brgya pa las gsungs pa'i rta mgrin gyi sgrub
thabs rdzogs so/