242a5 @##/ /rgya gar skad du/ ha ya gr-I ba sA d+ha naM/ bod skad du/ rta mgrin gyi sgrub thabs/ dpal rta mgrin la phyag 'tshal lo/ /sngon du gsungs pa'i cho gas sna tshogs chu skyes dang nyi ma la haM yig dmar po'i ye shes rdzogs pa las rta mgrin sku mdog dmar po zhal
242a6 gsum pa phyag brgyad pa/zhal so so ba la spyan gsum pa sngon po dang dkar po ni g.yas dang g.yon gyi zhal lo/ /sbrul gyis brgyan pa zhabs rol pa'i stabs kyis bzhugs shing / khro bo'i lta stangs kyis gzigs pa/ zhal dang po bzhad pa zhal g.yas pas ljags
242a7 bsgril ba/zhal g.yon pa'i mche ba dag gis ma mchu bsdams pa'o/ /stag gi pags pa'i sham thabs can no/ /rdo rje dang dbyug pa dang mchog sbyin gyi phyag rgya dang / mda' 'phyar ba ni g.yas kyi phyag bzhi na'o/ /sdigs mdzub dang rang gi nu ma bzung ba dang / pad+ma dang /
242b1 gzhu 'phyar ba ni g.yon gyi phyag bzhi na'o/ /mi bskyod pas dbu brgyan par bsam par bya'o zhes pa ni rta mchog gi ye shes rdo rje zhes bya ba'i ting nge 'dzin no/ /bzlas pa'i sngags ni/ oM haM ha ya grI ba swA hA/ rta mgrin gyi sgrub thabs/ slob dpon tsan+d+ra go mis mdzad pa rdzogs so// //