241b6 /[ ]@##/ /rgya gar skad du/ d+hA ra dA na dzaM b+ha lo pa de sha /bod skad du/ dzaM b+ha la la chu dbul ba'i man ngag /dpal ldan dzaM b+ha la la phyag 'tshal lo/ /ming med kyi rtse mo la dzaM yig ser po bsams la/ phyag rgya la sogs
241b7 pas snod la dzaM b+ha la bsgoms nas/ming med kyi rtsa ba la chu rgyun lag pa'i bar du lhung bas/ de'i dbu la de bzhin du 'bab cing dzaM yig brgya rtsa brgyad bzlas la bsgom par bya'o/ /dzaM b+ha la la chu dbul ba'i man ngag go/ /lag pa g.yas pa la bruM dang po'i lnga pa'i sa
242a1 bon yongs su gyur pa las de bzhin gshegs pa lnga bsams nas/de la yang zla ba dang lhan cig khu bar byas te/ mdun du dzaM las byung ba'i dzaM b+ha la rab tu grags pa bskyed nas/ sngon du gsungs pa'i khu bas de'i spyi bor chu dang lhan cig brgya rtsa brgyad mdzub
242a2 mo brkyang ba'i bar du'o//khu tshur phyed bcings pa'i lag pas chu khyor ba nas ltung bas ma lus pa'i phun sum tshogs par 'gyur ro/ /dzaM b+ha la'i man ngag go/ /rgyal ba rnam par snang mdzad zhes grags rin chen 'byung ldan dang / /de bzhin 'od dpag med dang don yod grub pa mi bskyod grags/ /
242a3 'di rnams sku mdog dkar ser dmar dang ljang gu sngon po rnams/ /byang chub mchog dang mchog sbyin bsam gtan mi 'jigs sa gnon phyag /de bzhin gshegs pa rnams kyi sa bon ni/ /b+h+rUM AM dzrIM khaM hUM zhes so/ /zla ba lag pa g.yas gnas pa'i/ /yi ge lnga las byung ba yi/ /
242a4 de bzhin gshegs pa lnga bsams nas/ /khu ba'i gzugs su rnam par bsgom/ /dzaM las byung ba'i dzaM b+ha la/ /bsams nas chu khyor gus pas dbul/ /de yi sngags ni bzlas pa yi/ /brgya rtsa brgyad ni dbul bar bya/ /dzaM b+ha la la chu dbul ba'i man ngag rdzogs so// //