239a3 de la rab tu bcug cing dbang bskur nas/ rdo rje'i chu khyor ba brgya rtsa brgyad blud par bya'o/ /oM dzaM b+ha la dza len+d+ra ye swA hA/ zhes pa ni sngags so/ /bar gyi man ngag dzaM b+ha la'i sgrub thabs rdzogs so//[ ]@##/ /rgya gar skad du/ saM k+Ship+ta shrI
239a4 dzaM b+ha la sA d+ha naM/bod skad du/ dpal dzaM b+ha la'i sgrub thabs mdor bsdus pa/ dpal ldan dzaM b+ha la la phyag 'tshal lo/ /sngon du gsungs pa'i cho gas snying gar zla ba'i dbus su dzaM yig ser po las dpal dzaM b+ha la sku mdog ser po phyag gnyis pa/ phyag g.yas na bI dza pU ra ka dang /
239a5 g.yon na ne+e'u le rin po che'i char 'bebs bzhin pa bsnams pa/ sangs rgyas lnga'i cod pan can/ zhabs gnyis kyis dung gi mgo dang pad+ma'i mgo'i gter chen po dag mnan pa/ ut+pa la sngon po'i phreng ba can rgyan thams cad kyis brgyan pa'i dzam+b+ha la'i skur rang nyid bsgom par bya'o/ /rang gi khyim du
239a6 yang rin po che sna tshogs pa'i char 'bab bzhin pa rab tu 'jug pa'i bdag nyid bsam par bya'o//de nas lag pa gnyis khu tshur bcings te/ gung mo dag gi dbus ma'i tshigs gsum pa bkug pa ni dzaM b+ha la'i phyag rgya'o/ /oM dzaM b+ha la dza len+d+ra ye swA hA/ sngags 'dis rje btsun la chu khyor ba
239a7 brgya rtsa brgyad dbul bar bya'o//phyi nas mchod nas sngags bzlas par bya'o/ /dngos grub ni sbyin bdag chen por 'gyur te the tshom med do/ /dpal dzaM b+ha la'i sgrub thabs mdor bsdus pa rdzogs so// //slob dpon chen po tsan+d+ra go mis mdzad pa'o// //