234b1 /[ ]@##/ /rgya gar skad du/ /shrI badzra bA rA hI kAlpa sarba ar+tha sA d+ha naM/ bod skad du/ dpal rdo rje phag mo'i rtog pa don thams cad sgrub pa/ bcom ldan 'das ma 'phags ma rdo rje phag mo la phyag 'tshal lo/ /de nas bcom ldan 'das ma
234b2 gsang ba'i dbang phyug ma lha mo rnams dang bcas pa rnams kyi bdag mo chen mo cher gsang ba chen mo sgyu ma chen mo dbang phyug chen mo 'jig rten gsum po bsdu ba dang slar yang 'jig rten gsum du spro bar bya ba ni/'di ni gsang ba pa rnams yum/ /sgyu ma chen mor rnam par grags/ /'jig
234b3 rten gsum po skrag mdzad pa'i//rig sngags 'di thob dbang phyug che/ /gang gis rnam par shes tsam gyis/ /sgrub byed dbang phyug rig sngags kyis/ /lha yi tshogs rnams kun bcas dang / /gnod sbyin lha min mi dang ni/ /rig 'dzin sha za srin po dang / /ltos 'gro mi 'am cir
234b4 bcas rnams//dbang du 'gugs byed 'byung rnams ni/ /chu skyes thang las skyes rnams kyang / /ngo mtshar cher byed rig sngags la/ /mig 'phrul ltar byed de bzhin du/ /rmongs dang rengs byed de bzhin du/ /rnam par zhe sdang skrod sogs dang / /dbang du 'gugs byed rmugs pa dang / /
234b5 dpag med ngo mtshar rnam pa rnams/ /rig sngags bklags pas 'grub 'gyur te/ /sgrub pa po yi ngag kyang 'grub/ /de la bzlas med brtul zhugs med/ /smyung gnas cho gas bsgrub mi dgos/ /lha mos bden pa dag la gsungs/ /nyon mongs med par dngos grub 'gyur/ /
234b6 khyod kyi sngags ni sgyu ma che/ /'jig rten gsum po thams cad sgrub/ /rnal 'byor chen por rab bshad bya/ /lha mo yi ge'i phreng ba yis/ /oM na mo b+ha ga ba ti badzra bA rA hI baM/ Ar+ya pa rA dzi te/ trai lokya mA te ma hA bi d+ye shwa ri/ sarba b+hU ta b+ha yA ba he ma hA badzre/ badzres ne/ a dzi te/ a pa rA
234b7 dzi te/ba sh+yaM ka ri ne tra b+h+ra ma Ni/ bi Sha Ni/ sho Sha Ni/ ro Sha Ni/ kro d+he ka rA li ni/ trA sa ni/ mA ra Ni/ prA b+he da ni/ a pa ra dza ye/ bi dza ye/ dzaM b+ha ni s+t+waM b+ha ni/ mo ha ni/ badzra bA rA hI/ ma hA yo gi nI kA me shwa rI kha ge/ tad+ya thA pro taM ge pro taM ge /ha na ha na/ prA NA na kiM ki ni/ khiM khi ni/ d+hu na d+hu na badzra haste/ sho Sha ya
235a1 sho Sha ya kha T+wAM ga ka pA la d+hA ri Ni/ma hA bi si ta mAM sA sha ni/ mA nu Sha an+ta prA bri te/ sAn+ni d+h+yaMn ra si ra mA lA gre thi ta d+hA ri Ni/ suM b+ha ni suM b+he/ ha na ha na/ praNI/ sarba pA shU ba nA/ ma hA mAM sa ts+tshe da ni/ kro d+ha mUr+t+te/ daM Sh+T+rA ka rA li ni ma hA mu dre/ shri'i he ru ka de ba s+yA gra ma hi Shi/ sa ha sra shi re/
235a2 sa ha sra ba ha be/ sha ta sa ha sra a na ne/ dz+wa li ta te dzaM se/ dz+wa la mu khi piM ga la lo tsa ne/ badzra shA rI re/ badzra A sa ni/ mi li te/ he he/ ha ha/ hUM hUM/ kha kha/ d+hu d+hu/ d+hu ru d+hu ru/ mu ru mu ru/ muny+tsa muny+tsa a dwai te ma hA yo gi ni/ pa Thi ta sid+d+he/ dreM d+haM dreM d+haM/ graM graM/ he he/ hA hA/ b+hI me/ ha sa ha sa/
235a3 bi re/ hA hA/ ho ho/ hUM hUM/ trai lo kya bi nA sha ni/ sha ta sa ha sra ko Ti ta thA ga ta pa ri bA re hUM hUM phaT siM ha rU pe/ kha ga dzaM rU pe gaH/ trai lokya u da re/ sa mu dra me kha le/ gra sa gra sa hUM hUM phaT/ bI ra a dwai te hUM hUM/ hAHhAH/ ma hA bi shu mo ha ni/ ma hA yo ge shwa ri twaM/ DA ki nI lo kA nAM ban+d+ha ni sat+yaH/ pra t+ya ya kA ri
235a4 Ni hUM hUM phaT/b+hU ta trA sa ni/ ma hA bI re/ pa ra ma sid+d+he/ yo gi shwa ri phaT/ hUM hUM phaT/ hUM hUM hUM phaT swA hA/ 'di ni bcom ldan 'das ma sgyu ma chen mo bklags pas 'grub pa'i sgrub thabs so/ /zla ba gzas bzung ba'am/ nyi ma gzas bzung ba mthong nas lan nyi shu rtsa gcig bklag
235a5 par bya'o//de nas dngos grub tu 'gyur ro/ /ji srid bklags pa de srid du bud med stong phrag gcig gi rjes su 'jug par 'gyur ro/ /lhan cig brjod pas dbang du 'gyur ro/ /khro ba'i sems kyis snying por byed pas skrod pa dang rnam par zhe sdang ba dang rengs par yang byed do/ /dbang du bya bar
235a6 'dod pas me tog la yongs su bzlas nas nam mkha' la 'phangs na/tshangs pa la sogs pa mthong bar byed do/ /dur khrod kyi sol ba la lan cig bzlas nas khyim dang grong dang grong khyer du 'phangs na sreg par mthong bar byed do/ /rma bya'i sgro la lan cig bzlas nas nam mkha' la bskor na slar
235a7 yang zhi bar byed do//ka ra la lan cig bzlas nas phyogs bzhir gtor na dpung tshogs yan lag bzhir mthong bar byed do/ /rma bya'i sgros phyir bzlog nas bskor na slar yang med par byed par 'gyur ro/ /da ni sgyu ma chen mo'i dur khrod brjod par bya ste/ shar phyogs kyi cha la dkyil 'khor
235b1 gyi sgrub pa po rjes su 'dzin pa zhes bya ba'i dur khrod do//byang du gnyis su med par byed pa'o/ /nub tu khro bo'i gdong ngo / /lho ru mun pa mi bzad pa'o/ /me ru 'jigs pa chen po'o/ /bden bral du rnal 'byor mang po'i 'dus pa chen po'o/ /rlung du seng ge'i sgra phaT chen po
235b2 sgrogs pa'o//dbang ldan du chu skyes sa bon zhes bya ba'i dur khrod rnams so/ /'di rnams su ji lta ba bzhin du sbyor bas lus dang yan lag sreg pa dang / phyed sreg pa dang lus nyams pa dang / lus phyed nyams pa 'jigs pa'i rnam pa 'jigs par byed pa dang / /mdung gis phug pa'i ro
235b3 bcings pa dang /skya snar dang / kaM ko la li dang / a mra dang / shi ri Sha dang / u dum+WA ra dang / a shwad+thA dang / nA ga ge sar gyi shing rnams so/ /go rims bzhin du ma he dang byi la dang / dom dang stag dang / bya rgod dang phag dang / sha za'i gdong pa can rdzu 'phrul chen po'i gnod sbyin
235b4 rnams so//kun nas dur khrod brgyad du ce spyang dang bya rgod dang 'ug pa dang bya rog dang ro langs la sogs pa zhes so lha mo sgyu ma chen mo'i dur khrod do// //rdo rje phag mo la phyag 'tshal lo/ /oM hrIHg+ha Ta ya g+ha Ta ya sarba duSh+TAM hUM phaT swA hA/ gtor ma phul nas bsam gtan bya'o/ /
235b5 lte ba'i dbus su raM yig yongs su gyur pa las me'i dkyil 'khor gru gsum/ de'i dbus su pad+ma dmar po 'dab ma bzhi pa/ de'i steng du hrIHyig bskal pa'i me bzhin du rab tu 'bar bzhin pa/ de yongs su gyur pa las bdag nyid rdo rje phag mo sku mdog dmar mo'o/ /'dab ma bzhi la
235b6 bdud rtsi lngas gang ba'i pad+ma'i snod bsam par bya'o//yi dwags kyi gdan la g.yas brkyang gi stabs kyis bzhugs pa/ gcer bu skra gyen du brdzes pa thod pa'i dbu rgyan can/ phyag rgya lnga dang ldan pa/ phyag bzhi pa'i g.yas na rdo rje dang lcags kyu ba bsnams pa/ g.yon na kha T+wAM
235b7 ga dang thod pa dang sdigs mdzub kyi zhags pa bsnams pa/zhal gcig pa spyan gsum pa/ khro gnyer bsdus shing zhal gtsigs pa'o/ /rdo rje rta rna ma dang shin tu 'jigs byed ma dang / lto chen ma dang / ljags bskyod ma rnams bsgom par bya'o/ /oM badzra bA rA hI A be sha ya
236a1 sarba duSh+TAM hriM swA hA/nye ba'i snying po'o/ /oM hrI hUM hrIM hrIM snying po'o/ /'bum bzlas par bya'o/ /'dir ting nge 'dzin du gyur pas 'grub par the tshom med do/ /oM a hrIHhUM haM haHsngags 'dis sha chen phye mar byas nas ri mo'i mdun du spos dbul bar bya'o/ /nyin re
236a2 bzhin ji srid du lan nyi shu rtsa gcig gis 'grub ste gzhan du ma yin no//oM hUM hUM haM haHhaHhriM hriM pheM pheM pheM phaT ka raM zhes mtshan mo gtor ma dbul nas bdud thams cad zhi bar bya ba'i phyir mtshan mo gtor ma dang yo byad lnga sbyin par bya'o/ /gang 'ga' zhig tu smra bar yang mi bya ste/ rdo rje rnal 'byor
mas 'dir byin gyis rlob par the tshom med do/