233b4 /[ ]@##/ /rgya gar skad du/ badzra bA rA h+yA ba sh+ya bi d+hiH/ bod skad du/ rdo rje phag mo'i dbang du bya ba'i cho ga /rdo rje phag mo la phyag 'tshal lo/ /sems can rnams dbang du bya ba 'phags pa'i bden pa bzhi la gzhug nas dbang gi cho ga brjod par bya ste/ de nas
233b5 sngon du gsungs pa'i rim pas bcom ldan 'das ma mchog tu dmar ba rdzogs par bskyed nas sa bon dang mtshan ma yongs su gyur pa las sku mdog dmar mo rnam par bsgoms nas yang dag par mchod pa dang bstod pa bya'o//mi bskyod rdo rje zhes bya ba la sogs pa tshigs su bcad pa rnams kyis de
233b6 nyid gsum dbul bar bya'o//kha thur du bstan pa'i thod pa gsum gyi steng du a yig dmar po las byung ba'i pad+ma'i snod du dam tshig bcu dang dbyangs yig bcu drug la sogs pa gsal byed sum cu rtsa bzhis byin gyis brlabs par bltas la/ 'og tu yaM dang raM yig yongs su gyur pa
233b7 las rlung dang me'i dkyil 'khor dag gis 'bar ba dang bsreg pa dag byas nas nye bar yang dag par bkod pa'i sa bon gyi 'od zer gyis bskul nas de bzhin gshegs pa'i tshogs rnams gdan drangs nas de la nang du byas te/dbyangs yig dang po las skyes pa'i zla ba'i dkyil 'khor gyi steng
234a1 du hUM yig las skyes pa zla ba la gnas pa des byin gyis brlabs pa'i rdo rje dkar po rtse lnga pa 'phro bzhin pa'i 'od zer gyi dra bas rdo rje 'dzin pa nyid kyang zla ba'i rdo rje la gzhug par bya'o//nye bar smin pa dang the tshom la sogs pa'i skyon du gyur na de'i steng du oM yig
234a2 bsams nas de'i 'od zer gyis de bzhin gshegs pa rnams bdud rtsi'i gzugs su gyur nas 'jig rten gyi khams sna tshogs pa na gnas pa'i bdud rtsi rnams kyang de la rab tu zhugs shing oM yig kyang zhugs te/ji lta ba bzhin yongs su grub pa'i bdud rtsir bltas nas lan gsum de nyid
234a3 gsum gyis brlabs nas cho ga bzhin du bdud rtsi myang ba la sogs pa bya'o//ji srid 'dod kyi bar bsgoms nas rang gi ming gi yi ge yongs su gyur pa las bsgrub bya mdun du 'khor bar bltas shing de la sngags kyi phreng ba las byung ba'i 'od zer rnams kyis de la bkug nas de la mang du
234a4 bsgom par bya ste/de'i sems kyi rnam pa yongs su gyur pa las kun nas dmar ba'i zla ba'i dkyil 'khor gyi rnam par bsam par bya'o/ /sngags kyi phreng ba las lha mo sku mdog dmar mo phyag g.yon pas hrIHyig gi zhags pa bsnams pa/ phyag g.yas pas ut+pa la
234a5 dmar po kha bye ba rdo rje'i lcags kyu lta bu bsnams pa bsgrub bya'i mdun du 'gro bar bltas te/oM AHhrIH/ a mu ka s+ya tsit+ta mA kaR+Sha ya hUM dzaHzhes pas de la rnal 'byor pas bka' bsgo bar bya'o/ /de nas lha mo de cho ga bzhin du rab tu gzhug par bya bas zhags pas yang dag
234a6 par bcings shing lcags kyus bskul zhing ji lta ba bzhin du bkug nas rang gi sems la rab tu gzhug par bya'o//lha mo ni sngags kyi nang du blta bar bya'o/ /de nas de skra grol zhing rnam par myos shing 'dod pas myos par 'dod pas gcig pu dbang du gyur te lag pa thal mo sbyar nas sgrub pa po la gdong
234a7 mngon par phyogs te mngag gzhug byed par 'gyur ro//rdo rje phag mo'i sgrub thabs rdzogs so// //phyogs kyi gos can skra grol ba'i rdo rje phag mo lte ba'i phyogs su gri gug dang thod pa bsnams shing gar mdzad pa bsgoms na dbang du byed par 'gyur ro zhes so/ /rdo rje phag mo'i
dbang du bya ba'i cho ga'o/