CLOSE WINDOW

D3608
བོད་ཡིག

@##/ /rgya gar skad du/ pradz+nyA lo ka sA d+ha naM bi d+hiH/ bod skad du/ shes rab kyi snang ba sgrub pa'i cho ga /rdo rje phag mo la phyag 'tshal lo/ /blo ngan bsreg mkhas smra ba ngan pa'i phyogs 'jig cing / /dug 'joms skye bo'i tshogs rnams thar la bde bar skyong / /rab zhi bde ba 'phel mdzad rdo rje phag mo la//kaM kas byin ni phyag 'tshal lha mo'i tshogs pa bri/ /de la mtshan mo nam phyed kyi thun gyi lhag ma la cho ga bzhin du langs nas dur khrod la sogs pa yid dang mthun pa'i gnas 'ga' zhig tu tsan+dan bzang po la sogs pas byugs te me tog sna tshogs pas gcal du bkram pas nye bar mdzes pa la/mngon sum du ro'i gdan nam/ yang na ji lta ba'i stan bde ba la nye bar 'dug ste/ byams pa la sogs pa bsgom pa sngon du 'gro bas rang gi snying gar a yig las skyes pa'i nyi ma'i dkyil 'khor la hrIHyig dkar po las skyes pa'i 'od zer gyi dra bas rab tu gsal bar mdzad nas/rdo rje phag mo la sogs pa'i bla ma dang rnal 'byor ma rnams dang / byang chub sems dpa' dang de bzhin gshegs pa rnams ji lta ba bzhin du mdun du mngon sum du yang dag par bltas nas snying ga'i sa bon las byung ba'i rab tu gtum mo dang /drag mig ma dang / 'od ldan ma dang / sna chen ma dang / dpa' bo'i blo gros ma dang / mi'u thung ma dang / lang+ka'i dbang phyug ma dang / shing grib ma ste/ thugs kyi 'khor lo'i lha mo brgyad po rnams dang / sa srung ma dang / 'jigs byed chen mo dang /rlung shugs ma dang / chang 'thung ma dang / lha mo sngo bsangs ma dang / shin tu bzang mo dang / rta rna ma dang / bya gdong ma ste gsung gi 'khor lo'i lha mo brgyad po rnams dang / 'khor lo'i shugs can ma dang / dum skyes ma dang / chang 'tshong ma dang / 'khor lo'i go cha ma dang /shin tu dpa' mo dang / stobs chen ma dang / 'khor los sgyur ma dang / brtson 'grus chen mo ste/ sku'i 'khor lo'i lha mo brgyad po rnams te/ nag po dang dmar po dang dkar po'i kha dog rnams so/ /mi bskyod pa dang / 'od dpag med dang rnam par snang mdzad rnams kyis dbu brgyan pa zla ba'i gdan la bzhugs pa/spyan gsum pa/ phyag rgya lngas brgyan pa/ rdo rje dang / pad+ma dang / 'khor lo dang thod pa'i phreng ba dang / zur phud gsum gyis dbu brgyan pa/ gri gug dang thod pa dang kha T+wAM ga dang / lag pa'i 'dab mas mchod pa thogs pa rnams kyis mchod yon la sogs pa sngon du 'gro bas mchod nas phyag 'tshal ba dang /sdig pa bshags pa dang / phyin chad mi byed pa'i sdom pa dang / bsod nams la rjes su yi rang ba dang / gsum la skyabs su 'gro ba dang / byang chub tu sems bskyed pa dang / lam la brten pa dang / bdag nyid dbul ba dang /bskul ma 'debs pa dang / gsol ba 'debs pa rnams cho ga bzhin du bsgrubs nas bsod nams yongs su bsngo bar bya'o/ /stong pa nyid kyi ye shes bsgrubs la spyi bor thal mo yang dag par sbyar nas tshigs su bcad pa brjod pa sngon du 'gro bas de bzhin gshegs pa rnams la bskul ma gdab par bya'o//de la tshigs su bcad pa 'di'o/ /oM de bzhin gshegs pa kun gyis sngags/ /sems can kun gyi dngos grub kun/ /phun sum tshogs pa kun 'byung bar/ /de bzhin gshegs rnams bzhugs su gsol/ /oM swa b+hA wa shud+d+haHsarba d+harmAHswa b+hA wa shud+d+hou0f85haM zhes so//de'i rjes la mchod par bya ba dang / mchod pa dang mchod par byed pa po'i chos thams cad kyang stong pa nyid dang mtshan ma med pa dang / smon pa med pa'i rnam pas rmi lam gyi rkyen bzhin du bdag nyid so sor rig pas lhag par grol bar bya'o//snying ga'i sngags kyi 'od zer gyi dra bas rang bzhin med par bya'o/ /oM shU n+ya tA dz+nyA na badzra swa b+hA wa At+ma kou0f85haM zhes pa'i nga rgyal bya'o/ /de nas rang gi sems paM yig dmar po'i tshul gyis yongs su gyur pa las pad+ma dmar po'i steng du aM yig las skyes pa'i nyi m a'i dkyil 'khor la hUM yig dkar po las nyi ma dang /zla ba la gnas pa'i hrIHdkar pos byin gyis brlabs pa'i rdo rje rtse lnga pa dmar po bsgom par bya'o/ /spro ba dang bsdu ba sngon du 'gro zhing de yongs su gyur pa las bdag nyid rdo rje phag mo bcu drug gi rnam pa ston ka'i zla ba ltar dkar ba la spyan gsum dmar zhing zlum pa/cung zad mche ba gtsigs pa'i zhal mnga' ba/ sna tshogs pa'i me tog gis rnam par mdzes pa/ dbu skra grol ba phyed bcings bas rnam par mdzes pa/ rdo rje nag po'i phreng ba gnyis kyi dbus su thod pa'i phreng ba dang zur phud gsum bcings pa/'khor lo dang rna rgyan dang mgul rgyan dang lag gdub dang ska rags kyis brgyan pa/ 'gying bzhin pa'i ba dan gsum 'bar ba/ phyag g.yas kyi 'dab ma na gnas pa/ sngon du gsungs pa'i rdo rjes skyes bu'i mi shes pa'i 'jigs pa rnam par 'joms pa/ phyag g.yon pa na dbyug pa dkar po steng gi rtse mo na rdo rje rtse mo lnga pa/'og tu mi mgo skam po dang mgo bo rlon pa dang sna tshogs rdo rje gser gyi bum pa'i rtsa ba las byung ba sgra dang bcas pa'i dril bu g.yer ka phra mos brgyan pa ba dan sna tshogs pas rnam par mdzes pa'i dbyug pa dpung pa la reg pa'i kha T+wAM ga dang bdud bzhi'i khrag gis gang ba'i pad+ma'i snod bsnams pa/khrag 'dzag bzhin pa'i mgo bo rlon pa lnga bcu'i phreng ba mgul du 'phyang ba/ pad+ma dmar po'i steng du nyi ma la gnas pa'i shes pa med pa'i skyes bu zhabs g.yas brkyang gis bzhugs pa/ gcer bu rab tu gtum pa nyi ma'i 'od lta bu rab tu 'phro ba'i ba spu'i phreng ba can/gzugs brnyan dang mtshungs pa/ sgeg pa la sogs pa'i nyams dgu dang ldan pa/ sprul pa sna tshogs pas phyogs bcur 'gro ba'i don mdzad pa/ gzhan nyi ma la gnas pa'i hrIHyig gis byin gyis brlabs pa/ nyi ma la gnas pa'i rdo rje snying po la bdag nyid rdo rje phag mor bsgom par bya'o//de las snying ga'i sa bon gyi 'od kyi dra bas sems can thams cad de'i gzugs su gyur par bskyed nas bdag la rab tu zhugs te/ bdag nyid bcom ldan 'das ma rdo rje phag mo'o zhes pa'i nga rgyal bskyed par bya'o//de'i rjes la rang gi lte bar sna tshogs pad+ma la nyi ma dkar dmar la hrIHyig dkar por bltas la/ de la sngags ni phreng ba'i rnam pa dkar po 'khor lo 'khor bzhin pa bzhin du sbyor bas zhal gyi sgo nas 'thon te/ sangs rgyas kyi yon tan gyi tshogs dang / nor bu dang / sngags dang /sman dang / zla ba dang / skar ma dang / ri mo dang / bstan bcos dang / sgyu rtsal la sogs pa'i mthu rnams bkug nas lte ba'i bu ga nas rab tu zhugs te/ rang dang gzhan gyi mi shes pa thams cad bsreg par bdag nyid bsgom par bya'o/ /de nas snying ga'i sa bon gyi 'od zer gyis yang dag par bskul nas nam mkha' la bzhugs pa'i ye shes pa'i lha mo mdun du bltas nas/sngon du gsungs pa'i lha mo'i tshogs rnams kyis mchod yon la sogs pa sngon du 'gro bas mchod nas phaiM yig gi sngags brjod pa sngon du 'gro bas 'bar ba'i phyag rgya dpral bar bcings te/ g.yon du 'khor bzhin pas spyan drang bar bya'o/ /de dag gcig tu gyur pas bsgom zhing sngags kyis nga rgyal bya'o/ /de la sngags ni 'di'o/ /oM yog shud+d+haHsarba d+harmA yo ga shud+d+hou0f85haM/ de la de'i sa bon gyis yang dag par bskul nas nam mkha' la bzhugs pa'i mi bskyod pa la sogs pa'i de bzhin gshegs pa rnams gdan drangs te/de rnams kyis bdud rtsi lngar gyur pa'i de bzhin gshegs pa lnga'i bdag nyid kyi bum pa rnams dang / der sprul pa sna tshogs pa'i rol mo dang rnga dang dung dang rdza rnga dang 'khar rnga dang pi wang dang gling bu dang glu dbyangs rnams dang / lha dang lha ma yin rnams kyang ca co'i dpung gnyen rnams dang /gur gum dang ga bur dang gla rtsi dang dri bzangs me tog gi char 'bab pa dang / ji ltar bltams pa tsam gyis ni/ /de bzhin gshegs rnams khrus gsol ba/ /lha yi chu ni dag pa yis/ /de bzhin bdag kyang khrus bya'o/ /zhes pa'i tshigs su bcad pa brjod pas bdag nyid la dbang bskur bar bya'o//oM sarba ta thA ga ta a b+hi She ka ta sa ma ya shri ye hUM zhes pa 'dis byin gyis brlab cing sna tshogs pad+ma dang nyi ma la bzhugs pa'i mi bskyod pa dbu la bzhugs par bsam par bya'o/ /de nas de'i sprul pa rab tu gtum mo la sogs pa'i lha mo rnams kyis de la sprul pa rnam pa sna tshogs pa'i mchod pa rnams kyis mngon par mchod nas 'chad par 'gyur ba'i rim pas bdud rtsi myang ba la sogs pa byas nas ji srid 'dod kyi bar du bsam gtan byas nas spro ba dang bsdu ba la sogs pa sngon du 'gro bas myur ba la sogs pa'i nyes pa dang bral bas sngags bzlas par bya'o//de la sngags ni 'di'o/ /hri'iHgang gi tshe ldang bar 'dod na de'i sngags kyi phreng ba lte ba la gnas pa'i hrIHyig la bsgom par bya'o/ /mchod pa la sogs pa sngon du 'gro bas smon lam btab ste yongs su bsngo ba byas nas yi ge brgya pa lan gsum brjod de lha mo'i nga rgyal gyis bya ba bya'o//chos thams cad kyang de la gnyis su med par blta zhing spyod lam ci bde bar bya'o/ /de la yi ge brgya pa'i sngags ni 'di lta ste/ oM AH/ oM badzra satwa sa ma ya/ ma nu pA la ya badzra satwa twe no pa tiSh+Tha dr-i D+ho me b+ha wa su to Sh+yo me b+ha ba su po Sh+yo me b+ha ba a nu rak+to me b+ha ba/ sarba sid+d+hiM me pra yats+tsha sarba karma su tsa me tsit+taM shre yaHku ru hUM ha ha ha ha hoH/b+ha ga bAn sarba ta thA ga ta badzra mA me muny+tsa badzrI b+ha wa ma hA sa ma ya satwa AHhUM zhes so/ /thun mtshams rnams su yang skad cig gis lha mo'i rnam pa mngon du byas te mchod pa la sogs pa sngon du 'gro bas ji srid 'dod kyi bar du bsgoms te sngon bzhin du sngags bzlas nas sngon ma bzhin du thams cad bya'o//mtshan phyed kyi thun mtshams su yang thams cad byas nas nyal ba'i dus su spyi bor bla ma dang sangs rgyas dang byang chub sems dpa' rnams bzhugs par bltas nas yang dag par mchod par bya'o//yan lag brgyad kyis phyag byas te nyal ba na seng ge'i nyal stabs kyis nyal bar bya'o/ /de nas snga dro'i thun la lha mos gnyid rab tu bslang nas sngon bzhin du thams cad bya'o zhes so/ /yang na gang zhig rim pa 'dis sa phyogs 'ga' zhig tu ro'i gdan la skyil krung gis stan bde ba la nye bar 'dug ste/sems can thams cad la snying rjes dmigs nas/ sdig pa bshags pa nas brtsams te ji srid byang chub tu sems bskyed pa'i bar du sngon du 'gro bas AHyig yongs su gyur pa las rang gi lce pad+ma'i rnam pa la hrIHyig 'bar zhing 'od gsal ba ji srid 'dod par bsgoms shing brtan par byas nas brgya phyed kyi phreng ba'i rdog po srad bu la brgyus nas thun gsum mam thun bzhir rnal 'byor pas bzlas par bya'o//gnyid log pa na sngon gyi cho ga bzhin du nyal bar bya'o/ /de bzhin du bzlas pa dang bsgom pa cho ga bzhin du rjes su gnang bas 'jig rten pa'i chos brgyad las nges par grol nas dad pa dang dam tshig dang sdom pa la gnas shing brtse ba dang ldan pas dge ba'i bshes gnyen la gus par byas nas/de'i phyi nas rnal 'byor pas 'bum phrag bdun bzlas pas bstan bcos dang sgyu rtsal gyi chos thams cad la rang gis mngon par shes par 'gyur ro//shes rab dang ldan pa dang dpa' ba dang / 'jigs pa med pa dang / 'khor gyis zil gyis mi non par 'gyur ro/ /rgol ba por yang 'gyur ro/ /rims dang ngan thabs dang / dug dang mkha' 'gro ma la sogs pa rnams kyis bar du gcod par mi 'gyur ro/ /gang zos pa de thams cad kyang bdud rtsir 'gyur ro//'di'i sngags bzlas pas dngos grub tu 'gyur ro/ /'di'i sngags kyis thod le kor la mngon par bsngags nas gang gi lag tu byin na blun po yang snyan ngag mkhan du 'gyur ro/ /de'i dri tsam gyis kyang sbrul la sogs pa rnams nye nus pa ma yin no/ /'di rnams kyi bar du gcod pas bar chad byed pa rnams dang gzhan rnams kyi yang thams cad la phan par byed nus par 'gyur ro//bdag gis mang po smos pas ci zhig bya ste/ bems po'i blo yang bstan bcos la nyon mongs par bya mi dgos te/ mi g.yo ba'i sems kyis so/ /sngags 'di 'bum phrag gnyis bzlas na 'dis shes rab kyi snang ba sgrub par byed do//'dir yang gang zhig rnams kyis sems brtan par gyur pas yon tan mtha' yas pa gsungs pa dang ldan par 'gyur ro/ /de rnams kyis shin tu mchog gi dngos grub tu 'gyur ro zhes so/ /shes rab kyi snang ba sgrub pa'i cho ga rdzogs so/