229a2 bcom ldan 'das ma'i bris sku bkram nas mchod pa chen po byas te bsgoms nas nyal bar bya'o/ /de nas bcom ldan 'das ma'i dngos grub tu 'gyur ro/ /nor rgyun ma'i sgrub thabs rdzogs so//[ ]@##/ /rgya gar skad du/ ba su d+hA rA sA d+ha naM/ bod skad du/
229a3 nor rgyun ma'i sgrub thabs/ nor rgyun ma la phyag 'tshal lo/ /sngon du gsungs pa'i cho gas 'dir baM yig ser po yongs su gyur pa las sku mdog ser mo zhal gcig phyag gnyis pa lang tsho gzhon zhing rgyan dang na bzas rnam par brgyan pa 'bras kyi snye ma dang rin po che'i char
229a4 'bab bzhin pa'i bum pa phyag g.yon na bsnams na/phyag g.yas pa mchog sbyin mdzad pa/ dpag tu med pa'i grogs mo'i 'khor gyis bskor ba/ sna tshogs pad+ma dang zla ba'i gdan la bzhugs pa/ rin chen 'byung ldan gyis dbu brgyan pa/ rang gi snying ga'i sa bon las skad
229a5 cig gis bskyed nas phyag rgya bcing bar bya ste/lag pa gnyis khu tshur byas nas/ gung mo'i tshigs gsum pa bcag pa ni nor rgyun ma'i phyag rgya'o/ /de nas oM ba su d+hA rA rat+na ni d+hA na k+She tre swA hA/ zhes pa'i sngags bzlas par bya'o/ /nor rgyun ma'i sgrub thabs rdzogs so// //