CLOSE WINDOW

D3600
བོད་ཡིག

@##/ /rgya gar skad du/ d+h+wa dzA gra kai yu rA sA d+ha naM/ bod skad du/ rgyal mtshan gyi rtse mo'i dpung rgyan gyi sgrub thabs/ rgyal mtshan rtse mo'i dpung rgyan la phyag 'tshal lo/ /ngan song 'jigs pa kun 'joms pa'i/ /rgyal mtshan rtse mo'i dpung rgyan 'dud/ /de yi sgrub thabs dngos grub phyir//bdag gis dad pas bri bar bya/ /dang por re zhig sngags pas zhal bsang ba la sogs pa byas nas yid dang mthun pa'i gnas su stan bde ba la nye bar 'dug ste/ mkhas pas byams pa la sogs pa'i yid dag pas sbyin pa'i pha rol tu phyin pa'i mchog bdud rnams 'joms shing g.yul las sgrol bar byed pa bsgom par bya'o//oM tsan+d+rArka bi mA le swA hA zhes pa'i sngags brjod nas rang gi snying gar a yig yongs su gyur pa las zla ba dang nyi ma yang dag par sbyor ba'i steng du d+haM yig ser po'i 'od zer gyis nam mkha'i phyogs su sangs rgyas dang byang chub sems dpa' rnams bltas nas/yid kyis rang bzhin gyi me tog la sogs pas yang dag par mchod nas gsum la skyabs su 'gro ba'i tshigs su bcad pa brjod par bya'o/ /de'i rjes la oM swa b+ha wa shud+d+hAHsarba d+harmAHswa b+hA wa shud+d+hou0f85haM z hes pa'i sngags brjod nas skad cig gis stong pa nyid du bsgom par bya'o//de nas oM shU n+ya tA dz+nyA na badzra swa b+hA wa At+ma kou0f85haM zhes pas nga rgyal bskyed nas sems can rnams gdon pa'i bsam pas gzugs brnyan bzhin du zla ba dang nyi ma yang dag par sbyor ba'i steng du d+h+waM yig ser po'i ' od zer gyis mtha' yas pa'i sems can rnams la/sangs rgyas dang byang chub sems dpa'i skus brgyan cing / de'i snying gar rab tu zhugs nas slar log ste/ 'od zer gyi tshogs pas sa bon la rab tu zhugs par bsgom par bya'o/ /de thams cad yongs su gyur pa las g.yul las sgrol bar byed pa'i lha mo sku mdog ser mo yid du 'ong ba zhal pa phyag bzhi pa khro zhing zhabs g.yon brkyang ba lto ba 'phyang ba/spyan gsum pa/ dmar la zlum zhing mdzes pa/ na bza' sngon po mnabs pa/ ral gri dang / 'khor lo phyag g.yas na bsnams pa/ g.yon pa dag gis sdigs mdzub dang bcas pa'i zhags pa nag po dang /rdo rjes mtshan pa'i gtun shing dkar po bsnams pa/ sku'i phyogs g.yon du rtse gsum la 'khyud pa'o/ /zhal dang po ni ser po'o/ /g.yon pa ni dmar po'o/ /cig shos ni dkar po'o/ /steng du 'jigs shing du ba'i mdog lta bu'o//ral pa dmar ser gyen du brdzes shing bcings pa/ thod pa lngas brgyan pa/ pad+ma dang nyi ma'i dbus su bzhugs shing brtan pa bsgom par bya'o/ /de bzhin du dam tshig sems dpa' bskyed nas nyi ma la gnas pa'i snying ga'i sa bon gyi 'od zer gyis ye shes sems dpa' gdan drangs te yang dag par mchod par bya'o//dzaHhUM baM hoHzhes pa 'di rnams kyi yi ges dgug pa dang / gzhug pa dang / bcing ba dang dbang du bya'o/ /de nas de bzhin gshegs pa rnams la gsol ba gdab par bya ste/ de bzhin gshegs pa thams cad kyis bdag la dbang bskur du gsol zhes so//de nas mi bskyod pa la sogs pa'i de bzhin gshegs pa rnams kyis rang gi thugs ka nas rnam par 'phros pa'i bdud rtsi lngas yongs su gang ba'i gser gyi bum pas phyag nas dbang bskur bzhin pa'i bdag nyid du bsgom par bya'o//de la dbang bskur ba'i tshigs su bcad pa 'di'o/ /dbang bskur ba ni rdo rje che/ /khams gsum kun gyis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /oM sarba ta thA ga ta a b+hi She ka ta sa ma ya shri ye AHhUM swA hA/ de nas rab tu gang zhing yongs su gyur pa las mi bskyod pas dbu brgyan par bskyed la/ sngags bzlas nas rtag tu bde ba'i tshig gis mchog ster bar 'gyur ro/ /oM b+ha ga ba tI d+h+wa dzA gra kai yU re pa ra sai n+ya bi d+h+waM sa na ka ri swa sai n+ya pa ri pa la ni/ u pa kA mu khi kha kha khA hi khA hi par sai n+ya a nan+da mu khe na a nan+da b+hu dze na pra ha ra pra ha ra hUM hUM phaT phaT swA hA/snying po'i sngags so/ /oM sarba gra ha na k+She tra d+h+ya mi ka ra Ni swA hA nye ba'i snying po'o/ /phreng sngags ni gzungs las blta bar bya'o/ /langs pa'i dus su/ khyod kyis sems can don kun mdzad/ /ji ltar rjes 'jug dngos grub stsol//sangs rgyas yul du gshegs nas kyang / /slar yang 'dir ni byon par zhu/ /zhes pa'i sngags 'dis gshegs nas gnas par bya'o zhes so// //rgyal mtshan rtse mo'i dpung rgyan gyi sgrub thabs rdzogs so// //paN+Di ta chos kyi 'byung gnas blo gros zhabs kyis mdzad pa'o/