| བོད་ཡིག |
224b7 dbu skra ser skya gyen du 'khyil par bsams la/ oM badzra shr-i khaM le hUM phaT swA hA/ zhes pa'i sngags bzlas par bya'o/ /'di ni man ngag gi rim pa'i nang nas 'byung ba'i rdo rje lcags sgrog gi sgrub thabs rdzogs so//[ ]@##/ /rgya gar skad du/
225a1 badzra shr-i khaM lA sA d+ha na u pa yi ka/ /bod skad du/ rdo rje lcags sgrog gi sgrub thabs kyi cho ga /'phags ma rdo rje lcags sgrog ma la phyag 'tshal lo/ /dang por re zhig sngags pas stan bde ba la nye bar 'dug ste/ chos thams cad stong pa nyid do zhes de bzhin du brjod nas/
225a2 gzhan gang zhig rnams kyang 'dis chos rnams stong pa nyid kyi mthar blta zhing phun sum tshogs par bskyed nas/ dkon mchog gsum la skyabs su 'gro ba la sogs pa bya'o/ /de nas ji srid sems can dang sems can gyis bsdus pa rnams yang dag par blangs nas
225a3 bdag gis thams cad mkhyen pa'i ye shes la dgod par bya'o zhes so//de nas snying gar sna tshogs chu skyes/ de'i steng du nyi ma'i dkyil 'khor/ de nas hUM yig las skyes pa'i rdo rje lcags sgrog ma'i bdag nyid 'ching ba thams cad gcod pa/ gdug pa'i sems can
225a4 rnams 'dul ba/sku mdog ljang gu zhal gsum pa/ spyan gsum gsum pa g.yas pa'i zhal ser skya la spyan ser skya/ zhal g.yon pa khro gnyer can/ dmar po mche ba gtsigs pa'o/ /zhal dang po cung zad bzhad pa'o/ /phyag brgyad pa g.yas kyi dang pos mi 'jigs pa sbyin pa/
225a5 gnyis pa na rdo rje/ gsum pa na rdo rje lcags sgrog /bzhi pa na mda'/ g.yon gyi phyag dang po na thod pa khrag gis yongs su gang ba/ gnyis pa na sdigs mdzub/ gsum pa na zhags pa/ bzhi pa na gzhu'o/ /sangs rgyas kyi sprin tshogs 'phro ba shin tu rol pa'i stabs
225a6 kyis bzhugs pa/byi la'i pags pa'i stod g.yogs byas pa'i rdo rje lcags sgrog ma bsgom par bya'o/ /skad cig gis byang chub kyang thob na dngos grub gzhan smos ci dgos/ oM badzra shr-i khaM le hUM phaT swA hA zhes so/ /rdo rje lcags sgrog gi sgrub thabs kyi cho ga rdzogs so// //