217b5 oM ma Ni d+ha ri badzri Ni ma hA pra ti sA re hUM hUM phaT phaT swA hA/ so so 'brang ma'i sgrub thabs rdzogs so//[ ]@##/ /rgya gar skad du/ Ar+ya ma hA mA yu rI sA d+ha naM/ bod skad du/ 'phags ma rma bya chen mo'i sgrub thabs/ 'phags ma rma bya chen mo la phyag 'tshal lo/ /sngon
217b6 du gsungs pa'i cho ga 'dis sna tshogs pad+ma dang zla ba la maM yig ljang gu las skyes pa'i rma bya chen mo sku mdog ljang gu zhal gsum pa/phyag drug pa/ zhal so so la spyan gsum pa/ nag po dang / dkar po dag ni g.yas dang / g.yon gyi zhal lo/ /phyag g.yas pa gsum
217b7 gyis go rims ji lta ba bzhin du rma bya'i mjug sgro dang /mda' dang / mchog sbyin gyi phyag rgya'o/ /de bzhin du phyag g.yon pa gsum na rin po che'i chun po dang / gzhu dang pang na gnas pa'i bum pa'o/ /rgyan sna tshogs kyis brgyan pa/ lang tsho gzhon zhing sgeg pa'i nyams dang
218a1 ldan pa/zla ba'i gdan la zla ba'i 'od zer dang ldan zhing skyil krung phyed pas bzhugs pa don yod grub pa'i dbu rgyan can du bdag nyid bsgom par bya'o/ /de nas de'i spyi bo dang / mgrin pa dang / snying ga dang lte ba la gnas pa'i zla ba rnams la go rims bzhin du
oM AHmAM hUM zhes pa'i yi ge bzhi po rnam par bsgoms nas spro ba dang bsdu ba byas te/