CLOSE WINDOW

D3585
བོད་ཡིག

yi ge brgya pa'o/ /langs pa'i dus su dam tshig la mchod pa la sogs pa byas nas bzod par gsol bar bya'o/ /so so 'brang ma chen mo'i sgrub thabs rdzogs so//[ ]@##/ /rgya gar skad du/ pra ti sA re sA d+ha naM/ bod skad du/ so so 'brang ma'i sgrub thabs/ 'phags ma so so 'brang ma la phyag 'tshal lo//skye bo thams cad la yang byams pa ste skye ba dang rga ba dang na ba dang 'chi ba'i zug rngus mnar zhing myos pa rnams la snying rje dang dga' ba dang btang snyoms kyi blor byas nas man ngag 'di las sgyu ma dang rmi lam dang mtshungs pas shin tu mchog tu ma lus pa rnams stong pa nyid du rnam par bltas nas 'gro ba rnams kyi rnam par shes pa dang lus gcig tu sngags pas mdun du rnam par bsgoms te/de nas de rnams kyi yang a yig dkar po la ri bong 'dzin pa'i gzugs su gyur nas/ ser po'i rnam pa'i praM yig tu byas te/ rang gi sa bon gyi 'od zer gyis phyogs so so nas khams gsum yang snang bar mdzad par bsams nas sna tshogs chu skyes kyi ze'u 'bru la rnam par dngas pa'i zla ba'i gdan la bzhugs pa/kun nas ser zhing ser ba dang / kun nas dkar zhing dkar ba dang / dmar ba'i zhal gsum la spyan gsum gsum gyis spras pa/ rin po che'i rang bzhin gyi cod pan can/na bza' sna tshogs pa mnabs pa/ 'od kyi dkyil 'khor dmar po can zhabs rol pa'i stabs kyis bzhugs pa/ dkar 'dzin zung ldan pa la gos kyis stod g.yogs su byas pa/ ral gri dang / 'khor lo dang / mda' dang / rtse gsum pa dang / dgra sta dang / dpal gyi zhags pa dang / rdo rje dang / gzhu rnams phyag gi 'dab ma rnams kyis bsnams pa'i so so 'brang mar sgrub po rang nyid du gyur nas oM AHhUM zhes pa'i yi ge rnams gsal zhing blo dang ldan pa lus kyi ri bong dang rang gi mthar bltas te zla ba la son pa dkar po dang / ser po dang / sngon po'i bdag nyid rnams so/ / zla ba la mdzes pa'i nu ma zung gi dbus su gcig tu gyur pa'i praM yig las skyes pa'i 'od zer rdzogs pas rang gi lus yongs su gang bar bsams nas rang gi lha mo'i tshogs de bzhin du yang spro ba dang bsdu ba'i tshogs yang dag par bskyed nas/ gang gi tshe ngal na de'i tshe mu tig gi phreng ba bzhin du brtan zhing 'od zer shin tu rgya chen po rab tu 'bar bas rang gi snying gar zla ba'i steng du mtshungs pa med par bsams nas bzlas par bya'o//'di bzhin du rtag tu gus pa dang bcas shing 'jam pa dus mang po dang bcas pa ma yin par bsam pa rnam par dag pas so/ /de la sngags kyi rgyal po 'di'o/ /