215b6 'phags ma gzhan gyis mi thub ma gdugs dkar mo can gyi sgrub thabs rdzogs so//[ ]@##/ /rgya gar skad du/ badzra tsartsi ka sA d+ha naM/ bod skad du/ rdo rje tsartsi ka'i sgrub thabs/ rdo rje tsartsi ka la phyag 'tshal lo/ /sngon du gsungs pa'i cho ga 'dis stong pa nyid du bsgoms pa'i rjes la chu skyes 'dab ma brgyad
215b7 pa'i steng du nyi ma la gnas pa'i hUM yig las skyes pa'i rdo rje'i lte ba las tsaM yig gnas par bsams nas de yongs su gyur pa las rdo rje tsartsi ka zhal gcig pa spyan gsum pa/skyil krung phyed pa'i gar stabs kyis ro'i gdan la bzhugs pa/ sku lus rid cing mche ba gtsigs pa 'jigs pa mi mgo'i phreng
216a1 ba'i rgyan gyis mgul ba'i phyogs rnam par brgyan pa/phyag rgya lnga'i rgyan gyis brgyan cing mi bskyod pa'i cod pan can/ stag gi pags pa'i sham thabs mnabs pa/ skra grol ba/ phyag drug pa/ g.yas na rdo rje dang / ral gri dang / 'khor lo bsnams pa/ g.yon na thod pa dang / nor bu dang /
216a2 chu skyes bsnams pa/ sku mdog dkar mo'o/ /las kyi rjes su 'brang ba'i gzugs kha dog dkar po la sogs pa dang ldan par bsgoms nas/ rang gi snying ga'i tsaM yig gi ye shes kyi 'khor lo spyan drangs shing mdun du yang dag par bzhugs nas/ mchod pa la sogs pa byas te rab tu bcug nas/ de nas
sngags bzlas par bya ste/