212b5 /[ ]@##/ /rgya gar skad du/ ku ru kul+le sA d+ha naM/ bod skad du/ ku ru kul+le'i sgrub thabs/ 'phags ma ku ru kul+le la phyag 'tshal lo/ /mdor bsdus pa'i sgrol ma las byung ba'i ku ru kul+ler bdag nyid bsam par bya'o/ /rang gi chos
212b6 'byung du bsgrub bya bltas la rang gi snying gar gnas pa'i ye shes kyi 'od zer gyis de la dbang bskur bas yongs su dag cing thal mo yang dag par sbyor bas dbang du gyur te/kun nas dmar ba'i sku mdog tu bsgom par bya'o zhes pa ni dbang du bya ba'o/ /gang zhig dran pa tsam gyis ni/ /lha dang
212b7 lha min mir bcas pa//myur du mngag gzhug byed 'gyur ba/ /ku ru kul+ler phyag 'tshal lo/ /dang por sngags pas zhal bsang ba la sogs pa byas te/ stan bde ba la 'dug nas/ rang gi snying gar a yig las skyes pa'i zla ba la gnas pa'i hrIHyig gi 'od zer gyis bkug
213a1 pa'i lha mo ku ru kul+le'i snying gar sa bon las byung ba'i mchod pa'i khyad par rnams kyis yang dag par mchod par bya ste/phyag 'tshal ba dang / sdig pa bshags pa dang / bsod nams la rjes su yi rang ba dang / de'i dge ba yongs su bsngo ba dang / gsum la
213a2 skyabs su 'gro ba dang /byang chub tu sems bskyed pa dang / tshad med pa'i gnas bzhi bsgom par yang byas nas stong pa nyid bsgom pa dang byin gyis brlab pa yang bya'o/ /snying ga'i sa bon las skyes pa'i ut+pa la dmar po a yig las skyes pa'i zla ba'i dkyil 'khor la rnam par bsgom
213a3 par bya'o//de thams cad yongs su gyur pa las bcom ldan 'das ma sku mdog dmar mo pad+ma dmar po dang zla ba'i gdan la bzhugs pa/ rgyan dmar po dang ldan pa/ phyag bzhi pa g.yas pas mi 'jigs pa sbyin pa/ gzhan gyis mda' bkang ba 'dzin pa/ g.yon gyi gcig gis rin
213a4 po che dang gzhu 'dzin pa'o//'od dpag tu med pas dbu brgyan pa ku ru kul+le'i ri'i phug na bzhugs pa/ sgeg pa'i nyams 'bar ba/ lang tsho gzhon pa'i ku ru kul+le bsgom par bya'o/ /ji srid mi ngal gyi bar du'o/ /ngal bar gyur na sngags bzlas par bya'o/ /de la sngags ni 'di lta ste/
213a5 oM ku ru kul+le hrIHswA hA/ bsgrub bya dbang du bya bar 'dod pas mya ngan med pa'i shing dmar po'i 'og tu sin+d+hu ra'i maN+Dal byas nas/ de la me tog dmar pos lha mo yang dag par mchod cing bdag nyid gos dmar po gyon te/ bsgrub bya rkang pas gnon cing gos med pa/ myos shing skra grol ba
snying gar ut+pa la dmar po'i tshogs kyis 'bugs pa bzhin du sngags bzlas par bya'o/