202b7 @##/ /rgya gar skad du/ Sha Ta b+hu dza ku ru kul+le sA d+ha naM/ bod skad du/ rigs byed ma phyag drug ma'i sgrub thabs/ /ku ru kul+le la phyag 'tshal lo/ /dang por sngags pas stan bde ba la 'dug ste/ rang gi snying ga'i sa bon gyi 'od zer gyis bcom ldan 'das ma dang sangs rgyas
203a1 dang byang chub sems dpa' rnams gdan drangs nas mchod pa dang /skyabs su 'gro ba la sogs pa bya'o/ /de nas stong pa nyid du mos pa bya zhing / sngags kyis byin gyis brlabs la/ oM yig las byung ba'i zla ba'i dkyil 'khor la raM yig 'od zer gyi phreng ba dang
203a2 bcas pa rnam par bsam zhing de yongs su gyur pa las bcom ldan 'das ma rigs byed ma blta bar bya'o//pad+ma dmar po 'dab ma brgyad pa dang nyi ma'i gdan la rdo rje skyil krung gis nye bar bzhugs pa/ phyag drug pa/ g.yas dang g.yon gyi phyag dang po gnyis kyis 'jig rten gsum las rnam par
203a3 rgyal ba'i phyag rgya 'dzin pa/gnyis pa'i g.yas pa dang / g.yon pa dag gis lcags kyu dang / ut+pal la dmar po bsnams pa'o/ /phyag lhag ma gnyis kyis mda' dang gzhu rna ba'i rtsar 'gengs pa/ na bza' dmar po mnabs pa/ de bzhin gshegs pa lngas dbu brgyan pa/
203a4 bsgrub bya'i snying gar ut+pal dmar po'i ze'u 'bru la zla ba'i dkyil 'khor la raM yig kha dog dmar po rnam par bsgoms te/ rlung gi dkyil 'khor la gnas shing de'i snying gar lcags kyus phug ste bkug nas snying gar zhugs shing ut+pal dmar po'i mde'u can gyi mdas bsgrub bya yang
203a5 nas yang du 'gugs shing sngags bzlas par bya'o//de la yang sngags 'di'o/ /oM ku ru kul+le hrIHche ge mo bdag gi dbang du gyis shig hoHswA hA/ de nas de la bsgrub bya mos pa'i dbang du byas nas rkang pa'i drung du lhung bar blta zhing bskul bar bya'o/ /de lta bus brgya byin yang
dbang du byed do/