200b4 bye bas dud 'gro dang gnod sbyin la sogs pa dang / 'bum phrag bdun gyis lha ma yin rnams kyang ngo / /kye'i rdo rje'i rim pa'i ku ru kul+le'i sgrub thabs rdzogs so//[ ]@##/ /rgya gar skad du/ ku ru kul+le sA d+ha naM shrI he badzra tan+t+rod Di taM/ bod skad du/ rigs byed ma'i
200b5 sgrub thabs kye'i rdo rje'i rgyud las bton pa/ku ru kul+le la phyag 'tshal lo/ /dang por rab sad snum zhing nyi ma'i 'od zer mi bzad dpal gyi snang ba yang dag 'phro ba can/ /'dod chags rdo rje'i 'od zer chen po 'phro zhing kun nas chags pa'i dbu skra dmar ser gyen brdzes pa/ /gang gis rtse
200b6 gcig rnam par bsams nas sum cu'i grong khyer lha mo'i lag pas yang dag 'khyud thob pa//'gro ba rnams ni mtshungs pa med par dbang du mdzad pa sman rnams grub pa de la phyag 'tshal nas/ /dur khrod dang ni khyim dang ri brag sa phug ri ljongs shing drung dang ni yang na rang khyim mam/ /sa
200b7 phyogs bar du gcod pa bral ba'i gnas ni 'ga' zhig tu yang bde ba'i stan la nye bar 'dug /dpal ldan kye yi rdo rje'i rim pas srid pa gsum po yongs gyur pa las zag med ye shes sku/ /bsgom bya ut+pal dmar po'i 'od kyis snang mdzad 'gro rnams srid dang myang 'das sgyu ma bzhin
201a1 du bsam//dang por sems can rnams la byams shing phan pa bu bzhin shin tu mnyes gshin gzugs ni rnam par bsam/ /sems can thams cad bu gcig na ba bzhin du rtogs pa'i rjes su brtse ba gang zhig bsgom par bya/ /de rnams thar par mthong zhing
201a2 phun tshogs kyis gang shin tu dga' bar gyur pa gzhan don gcig pu'i gzugs//phan dang mi phan blo gros dri ma sems can kun la stong pa nyid du btang snyoms bsgom par bya/ /de nas thams cad rdzogs nas rang snying sgra ni brtag cing nyi ma la gnas hrIHyig dmar po yi/ /'od zer
201a3 rab tu 'phro bas bla ma dang ni bde gshegs sras bcas sangs rgyas rnams ni spyan drangs nas//'khor ba'i skye gnas gang rnams su ni las kyi sgrib pa gang zhig bgyis dang bgyid du stsal pa dang / /rjes su yi rang rnams ni rab tu bshags bgyi gzhan yang dge ba rnams la de bzhin rjes yi
201a4 rang //de rjes rnam pa kun bral bcom ldan 'das ma bla ma dam pa'i bka' yis de bzhin shes gyur nas/ /bsgom par bya ba de yi mdun du dpe med lhan cig skyes pa rgyal ba rnams kyi chos kyi sku/ /de ni thams cad mkhyen pa de bzhin srid pa gsum po rnams ni ma lus snang bar mdzad
201a5 pa'i sku//phyogs rnams thams cad pha rol phyin pa mchog rnams yongs gyur mi shes de nyid de la de bzhin du/ /nub par gyur cing de la rnal 'byor pas ni smon lam las 'khrungs chos kyi sku nyid gyur pa ste/ /ngo bo nyid las skyes shing longs spyod rdzogs sku rang gi 'od zer gcig
201a6 'phro nyi ma'i dkyil 'khor la//de la hUM yig sngon po'i 'od zer de nas shes shing sna tshogs rdo rje de yi bdag nyid la/ /rab gur rnams mchog gi stobs can bdud kyi dpa' bo chen po rnams kyis dbye bar mi nus pa/ /phyi nas chu skyes dmar po'i steng du nyi ma'i 'od zer dang ni mtshungs pa'i sgra yi
201a7 thig le dang //hrIHyig las ni byung ba'i ut+pa la dmar po'i steng du rnam par 'phro ba'i nyi ma'i dkyil 'khor la/ /de la mdun du khams gsum 'khor ba yi/ /nyi ma dmar chen 'bar ba la ni hrIH/ /lha mo'i mdun du shin tu 'bar ba yi/ /dpal kyi me yis bdud tshogs bsreg
201b1 mdzad pa//dang po'i ji bzhin shin tu gsal ba yi/ /pad+ma dmar po rab gsal snying po 'bar/ /dmar ser skra brdzes nu ma sku smad dag /rgyas shing phyag rgyas rab sgeg nyams can ma/ /spyan gsum dmar zhing g.yon du gzigs la chags/ /zhal ni mche ba gtsigs shing 'od kyis
201b2 reg /zhal ni rab sgrogs ljags kyi rtse mo ni/ /gyen du bskyod cing 'od zer 'bar ba can/ /sna tshogs me ni 'phro zhing 'od zer 'bar ba'i ro ni 'gro bzhin pa la zhabs ni rtse mo chags/ /cig shos zhabs ni steng du rnam par bkod cing 'phro bzhin pa dang g.yon par shes pa'i
201b3 gzugs can ma//rnam par 'phro ba'i rgya chen 'od zer lus kyis khyab cing sku smad lci zhing rgyas pas nges par chags/ /chu skyes dmar po rnam par bsnams shing mgul du mi mgo'i do shal phreng ba rab tu 'chang ba can/ /sdong bu dang bcas ut+pal dmar po rgya cher rab tu rgyas shing
201b4 'phro ba gnyis 'phangs rtse bar byed//gzhu dang mda' ni rab tu rgyas pa gsal bar rna ba'i rtsa bar rgyud ni rab tu gang bar bkang / /yum nyid sa gsum ma lus rnams ni mdun du lcags kyus 'gugs shing sa la 'gyel ba bzhin du byed/ /chu skyes dmar po phyag g.yon bsnams shing bla
201b5 med lhan cig skyes pa'i dga' bas rgyal srid de bzhin du//rang gi 'dod pas zla ba rab tu gsal zhing dpal ni nye bar dgod bzhin mi mgo'i thod pa lnga/ /yan lag lnga la phyag rgya lnga yis brgyan cing yongs su gyur las sangs rgyas lnga ni rim pa bzhin/ /'dod chags rdo rjes
201b6 bcom ldan 'das ma'i dbu la rnam brgyan de yi rang bzhin sgrub byed dbang po yis//de ni ma ning bzlas pas rgyal byed ji ltar lha rnams de yi zhabs la phyag ni 'tshal bar byed/ /bcom ldan 'das ma'i sgrub thabs mchog gyur 'di ni gang zhig rol pas bzhugs pa'i bka' yis ni/ /
201b7 snyan dngags mkhan po brtse bas mngon brjod can gyi sgrub thabs bsod nams gang zhig bsags gyur pa/ /de yis blo gros mun pa'i mtshan ma dang bral dri med shes rab rgyas shing 'phro ba can/ /rang gi 'dod pa rab brkyang 'od gsal bde ba chen pos 'gro rnams rab tu gnas gyur cig /