200a5 /[ ]@##/ /rgya gar skad du/ he badzra kra ma ku ru kul+le sA d+ha naM/ bod skad du/ kye rdo rje'i rim pa'i rigs byed ma'i sgrub thabs/ ku ru kul+le la phyag 'tshal lo/ /dang po rang gi snying gar kha
200a6 dog dmar po'i zla ba'i dkyil 'khor bsgoms la/de la hrIHyig dmar po blta bar bya'o/ /de nas sdig pa bshags pa la sogs pa bya'o/ /phyi nas stong pa nyid bsgom par bya'o/ /'dir rnal 'byor pas stong pa nyid la gnas nas raM yig las mdun du nyi ma rnam par bsgoms
200a7 la/de'i steng du hUM yig kha dog nag po 'od zer dang ldan pa bsgom par bya'o/ /de yongs su gyur pa las sna tshogs rdo rje'o/ /de yongs su gyur pa las rdo rje'i rang bzhin gyi sa gzhi dang / rdo rje'i ra ba dang / rdo rje'i gur bcings nas oM rak+Sha rak+Sha hUM hUM hUM phaT phaT phaT swA hA/ phyi nas
200b1 rnal 'byor pas pad+ma dmar po'o//de'i steng du zla ba'i dkyil 'khor ro/ /de'i steng du hrIHyig dmar po yongs su gyur pa las ut+pa la dmar po'o/ /de'i steng du slar yang zla ba'i dkyil 'khor ro/ /de yongs su gyur pa las ku ru kul+ler bdag nyid bsam par bya ste/ skyil krung phyed pa'i
200b2 gar stabs kyis bzhugs pa gzhon zhing rked pa la stag gi pags pa'i sham thabs mnabs pa/phyag rgya lngas rnam par brgyan pa/ skra dmar ser gyen du brdzes pa mgon po 'od dpag tu med pas dbu brgyan pa/ phyag na mda' gzhu dang de bzhin du ut+pa la bsnams pa'o/ /'dir gnas
200b3 nges pa med cing zas kyang nges pa med la/'dir sngags bzlas shing bya ba dang ldan pas so/ /ji lta ba bzhin du 'ga' zhig gis kyang mi shes te de bzhin du bsgrub par bya'o/ /oM ku ru kul+le hrIHswA hA/ zla ba phyed du khri phrag gcig gis rgyal po dang / skye dgu'i 'jig rten dbang du 'gyur ro/ /