CLOSE WINDOW

D3567
བོད་ཡིག

/gzhom par mi nus pa'i dngos grub rgya chen po thob par 'gyur ro/ /u D+yananas byung ba'i rigs byed ma'i sgrub thabs rdzogs so//[ ]@##/ /rgya gar skad du/ ku ru kul+le sA d+ha naM/ bod skad du/ rigs byed ma'i sgrub thabs/ku ru kul+le la phyag 'tshal lo/ /kye yi rdo rje'i rgyud rim las/ /'jig rten gsum po dbang byed pa'i/ /rigs byed chen po la btud nas/ /de yi sgrub thabs gsal bar brjod/ /'dir rgyud las lhag par bsgom par bya ste/ sngags pas snga bar nyal ba las langs te/snying gar raM yig yongs su gyur pa las nyi ma'i dkyil 'khor la hrIHyig dmar po bltas te/ de'i 'od zer gyis 'chad par 'gyur ba'i bcom ldan 'das ma rigs byed ma mdun du bltas nas nyer spyod lnga'i sprin tshogs kyis yang dag par mchod nas/ de'i mdun du/ dkon mchog gsum la bdag skyabs mchi//zhes pa la sogs pa'i tshigs su bcad pa lan gsum du brjod par bya'o/ /de nas sdug bsngal gyis sdug bsngal ba'i sems can rnams la dmigs te/ de rnams sdug bsngal ba las 'don pa'i mtshan nyid kyi snying rje chen po bsgom par bya'o/ /de nas chos dang gang zag gi gzung ba dang 'dzin pa'i rang bzhin dag gi dngos po med pa'i ngo bo nyid gnyis su med par brjod pa'i mtshan nyid kyi stong pa nyid bsgoms la de'i sngags byin gyis brlab par bya'o//oM shU n+ya tA dz+nyA na badzra swa b+hA wa At+ma kou0f85haM zhes so/ /de nas de rnams lha dang nam mkha' gnyis su m ed par bsam par bya'o//nyi ma'i dkyil 'khor bltas la/ de'i dbus su hrIHdmar po yongs su gyur pa las ut+pa la dmar po'i ze'u 'bru la nyi ma la lha'i sa bon no/ /de la spro ba dang bsdu ba byas nas de la de bzhin du rab tu zhugs nas de thams cad yongs su gyur pa las dpal ku ru kul+le'i skur bdag nyid blta bar bya'o//chu skyes dmar po 'dab ma brgyad pa'i dbus su ro'i snying gar nyi ma'i steng du dkyil 'khor phyed pa'i gar stabs kyis bzhugs pa/ nyi ma'i dkyil 'khor gyi 'od la phyogs dang phyogs mtshams brgyad du dur khrod brgyad kyis yongs su bskor ba/sku mdog dmar mo lo brgyad gnyis lon pa lta bu/ dbu skra dmar ser gyen du brdzes pa/ dbu la sangs rgyas lnga'i rang bzhin thod pa lngas brgyan pa/ mgo bo rlon pa'i do shal gyis brgyan pa/ zhal mche ba gtsigs pa/ ljags 'dril ba/ spyan gsum dmar zhing zlum pa g.yon du lta ba/khro zhing sgeg pa'i nyams can/ rus pa'i rang bzhin gyi 'khor lo dang / rna rgyan dang / mgul rgyan dang / lag gdub dang / ska rags dang / dpung rgyan dang / rkang gdub rnams kyis brgyan pa/ rtsa ba'i phyag gnyis kyis me tog dmar po'i gzhu dang ut+pa la'i mde'u can gyi mda' rna ba'i rtsar 'gengs pa/phyag lhag ma gnyis kyis ut+pa la'i zhags pa dang / lcags kyu bsnams pa bsam par bya'o/ /de'i spyi bo dang mgrin pa dang snying ga rnams su oM AHhUM zhes pa'i yi ge rnams blta bar bya'o/ /de nas rang gi snying gar nyi ma la gnas pa'i ut+pa la dmar po'i ze'u 'bru la nyi ma la hrIHyig dmar po bltas la/de'i 'od zer gyis de bzhin gshegs pa thams cad bskul zhing gdan drangs nas dbang bskur bar gsol ba gdab par bya ste/ bdud rtsi lngas gang ba'i bum pa rnams kyis dbang bskur zhing bcom ldan 'das 'od dpag med kyis dbu brgyan pa'o//de nas rang gi snying gar sa bon brgyad las lha mo byung ste/ rang rang gi byang chub kyi sems kyi khu bas yang dag par mchod nas de la de bzhin du sa bon spro bar bya'o/ /sngags dang yi ge rnam par spangs/ /thig le ma yin sems ma yin/ /'di ni mchog gi bde chen te//dor ba med cing blang du med/ /ces pa'i 'dis bstod nas/ de nas bdud rtsi myang ba'i cho gas bdud rtsi rnam pa lnga rab tu 'bar zhing rdzogs pas hUM yig dkar po las lce rdo rje'i rang bzhin du byas la yi ge gsum gyis brlabs nas bdag nyid ku ru kul+le'i skur bsgom mo/ /bsgoms pas skyo na sngags pas sngags bzlas par bya'o//de bzhin du hrIHyig la yang dag par bskor zhing gnas pa'o/ /oM ku ru kul+le hrIHswA hA/ zhes pa'i yi ge brgyad po'i sngags ni sngags kyi phreng ba 'bar ba bzhin du yid kyis bskor nas/ myur ba dang bul ba la sogs pa'i skyon rnams dang bral zhing tsan+dan dmar po'i phreng bas bzlas par bya'o//bye ba drug bzlas na 'gro ba drug la 'khor los sgyur zhing sems can rnams dbang du byed do/ /thun mtshams kyi nang du skad cig gis bdag nyid ku ru kul+le'i skur bskyed par bsams nas mchod pa dang bstod pa la sogs pa bya'o/ /nyan bshad la sogs pa bya ba thams cad bcom ldan 'das ma'i nga rgyal gyis de bzhin du bya'o//de nas smon lam gdab pa la sogs pa byas nas ci bder nyal bar bya'o/ /man ngag 'di yang bla ma brgyud pa'i rim pas shes shing rang gi snying ga'i sa bon las bdud rtsi'i khu ba 'dzag bzhin pa snying ga las langs nas mgo bo nas g.yon du 'khor zhing dkris nas rna ba g.yas kyi bu gar zhugs shing lag pa g.yas pas gzhu'i rgyud la gnas pa'i/mda'i ltang gi bu ga nas mde'u'i rtse mor zhugs shing de'i 'od zer 'phro zhing gsal bas srid pa gsum du song nas sems can rnams kyi snying la zhugs te/ de'i steng du chu skyes rnams yang dag par bskul nas bkug ste/ slar yang de la de bzhin du zhugs nas mda'i mde'u las rna ba'i bu ga nas mgo la g.yas su bskor bas smin ma'i dbus su gnas nas a ba d+hU tI'i lam nas mgrin pa dang snying ga dang lte ba'i mthar thug pa bde ba chen po'i snang ba'i gnas la man ngag ji lta ba bzhin du rab tu gzhug par bya'o//de nas thabs dang shes rab dri ma med pa'i ting nge 'dzin las yang dag par byung ba de'i bde ba chen pos gang ba bzhin du rang gi lus dang khams gsum yang blta bar bya'o/ /de'i skad cig la tshigs su bcad pa 'di'i don dran par bya ste//thog ma dbus mtha' med pa ste/ /'khor ba dang ni myang 'das min/ /de ni bde ba chen po ste/ /bdag min gzhan yang min pa'o/ /de bzhin du slar yang ji snyed pa'i sems can rnams dbang du byas nas de la byang chub chen po mngon sum du byas te/de bzhin du sbyor bas bzod par bya'o/ /de bzhin du bsgrub bya dang bsgrub bya mo ku ru kul+le'i skur bsgoms nas gang du de'i sa bon la de bzhin du sgrub pa po'i mda' las bsgrub bya'i lag na gnas pa'i mda'i mde'u la de'i 'od zer gyi rnam par song nas/ de bzhin du rna ba g.yas nas zhugs te de bzhin du song zhing de bzhin du gnas nas de bzhin du zhugs shing de'i gnas la son nas de bzhin du gnas par bya'o//dpal ku ru kul+le'i rtog pa las hrIHyig myos byed kyi gdug la dgod par gsungs te/ de nas nges par bsgrub bya sgrub pa po'i gzhan dbang du gyur nas yid spro bas bya ba thams cad byed par 'gyur ro//ku ru kul+le'i sgrub thabs bshad/ /cho ga 'di bsgrubs bsod nams gang / /de yis skye bo ma lus kun/ /dbang gyur byang chub sbyor bar shog /dpal kye'i rdo rje'i rgyud las rang byin gyis brlab pa'i rim pa'o/ /rigs byed ma'i sgrub thabs dpal lhan cig skyes pa'i rol pas mdzad pa rdzogs so/