192b4 /lhag ma rnams ni rdo rje'i mtshan nyid do/ /'di ni khro gnyer can gyi phyag rgya'o/ /phyi nas sngags bzlas par bya'o/ /oM b+h+r-iM swA hA/ khro gnyer can gyi sgrub thabs rdzogs so//[ ]@##/ /rgya gar skad du/ kalpo k+taM tA
192b5 rod+b+ha ba ku ru kul+le sA d+ha naM/bod skad du/ sgrol ma'i rtog pa las 'byung ba'i ku ru kul+le'i sgrub thabs/ ku ru kul+le la phyag 'tshal lo/ /dang por re zhig sngags pas yid dang mthun pa'i gnas 'ga' zhig tu stan bde ba la nye bar 'dug ste/ bcom ldan 'das ma'i bris sku la sogs
192b6 pa bkram ste/phyi'i mchod pa rnams byas nas rang gi snying gar dri ma med pa'i zla ba yongs su gang ba'i rnam pa la dbyangs yig dang po las byung ba'i zla ba yid kyis rnam par bsams nas de'i steng du sa bon dgod par bya'o/ /dro ba rnams kyi bzhi pa ni/ /me yig steng du nye bar gnas/ /
192b7 I yig dang ni yang dag ldan/ /mkha' gnyis kyis ni rnam par brgyan/ /de yi 'od zer sna tshogs kyis/ /'gro ba rnams kyi dri med byas/ /chen po la sogs khams dag pa'i/ /ku ru kul+le'i rir bzhugs nas/ /de yi 'od kyis yang dag bskul/ /sgrol ma yid kyis mdun du bya/ /
193a1 mkhas pas de yi sa bon las/ /mchod pa'i sprin chen spro bya ste/ /me tog bdug spos mar me dang / /de bzhin dri dang zhal zas tshogs/ /sgeg mo phreng ma gar ma glu/ /sil snyan la sogs rnams kyis mchod/ /dkon mchog gsum la bdag skyabs mchi/ /
193a2 sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /zhes pa'i sngags ni lan gsum brjod/ /de nas bzod par gsol bya ste/ /de la tshigs bcad 'di yis so/ /bdag ni slar yang blo rmongs pas/ /nyes pa
193a3 'ga' zhig ci bgyis pa//lus can kun gyi skyabs gyur pa'i/ /lha mo khyed la bzod par gsol/ /byams pa'i sems ni gnas pa yis/ /de tshe slar yang sdug par blta/ /snying rje'i sems ni yang dag bskyed/ /dga' ba'i sems ni 'jug par bya/ /phyi nas kun la btang
193a4 snyoms pa'i//sems tsam du ni rnam par gzhag /de nas rang bzhin rnam bral ba'i/ /stong pa nyid ni gsal bar bya/ /stong nyid me yis bsregs pa yi/ /phung po lnga po slar mi 'byung / /oM shU n+ya tA dz+nyA na badzra swa b+hA wa At+ma kou0f85haM/ skad cig stong nyid sbyor ba yis/ /sems n
193a5 yid kyi ni ngal gso bya//sngon gyi dam bca' dran byas la/ /sa bon tsam ni slar yang bsam/ /bdag nyid gcig pu myang 'das na/ /bdag gis sems can yongs su bslus/ /srid pa'i rgya mtsho gting med las/ /de la ji ltar gdon par bya/ /sems can rnams la brtser
193a6 bzhugs pa'i//sems bral stong nyid spang bar bya/ /chos kyi dbyings kyi rang bzhin du/ /sems nyid kyis ni sems bskyed bya/ /sangs rgyas byin rlabs sa bon las/ /de las ut+pa lar bshad do/ /a yi dbyangs las byung ba yi/ /ut+pal zla ba'i dkyil 'khor la/ /zla ba
193a7 de la slar yang ni//sa bon las byung de la sbyor/ /'jig rten khams rnams ma lus pa/ /'di yis rnam par sbyang bar bsam/ /sbyangs shing rtogs pa de yis ni/ /'od kyis sangs rgyas byang chub rnams/ /bskul zhing de las ut+pal te/ /de yis sgrol ma bskyed par bsam/ /sku
193b1 mdog dmar mo phyag bzhi pa//pad+ma dmar po'i steng bzhugs zhing / /gos zung dmar po dang ldan pa/ /rna rgyan dmar po dang bcas shing / /phyag g.yas mi 'jigs pa dang ni/ /mda' ni bsnams zhing slar yang 'gengs/ /g.yon pa gzhu 'dzin gnyis pa ni/ /shin tu dmar
193b2 ba'i ut+pal bsnams//ku ru kul+le'i phug gnas shing / /'od dpag med kyi dbu rgyan can/ /pad+ma dmar po'i stan gyi 'og /sgra gcan gyi ni steng gnas pa'i/ /'dod lha'i chung ma'i steng du ni/ /myos par byed pa bsgom par bya/ /rdo rje skyil krung gis gnas shing / /sgyu rtsal sna
193b3 tshogs kun ldan pa//rgyan rnams kun gyis yang dag brgyan/ /bcom ldan 'das ma bsam par bya/ /dam tshig sku ru bsdu sogs kyis/ /ye shes 'khor lo mtshon par bya/ /skad cig rnam par yongs rdzogs pas/ /ye shes 'khor lo mdun du gnas/ /dzaHhUM baM hoHzhes pa 'dis/ /
193b4 dgug gzhug bcing dang mnyes par bya/ /dam tshig phyag rgya rab sbyor bas/ /zhal gyi lam du gzhug par bya/ /lag pa dag ni thal sbyar nas/ /gang tshe gung mo ming med dag /ring du rtse mor byas pa yi/ /rtse mo'i nang du ming med de/ /mdzub mo dag ni gung mor 'khyud/ /mtheb chen
193b5 dag ni 'og tu son//'di bzhin bcings nas dam tshig gi/ /'khor lo la ni gzhug par bya/ /de nas dbang bskur ba zhu bar bya ste/ sangs rgyas la zhes pa'i tshigs su bcad pa bklag par bya'o/ /byang chub rdo rjes sangs rgyas la/ /mchod chen ji ltar byin pa ltar/ /bdag
193b6 kyang bskyab pa'i don gyi phyir//nam mkha'i rdo rje deng bdag stsol/ /de byin chen por gyur pa yis/ /rgyal srid ming gi dbang bskur ba/ /me tog dbang bskur de bzhin rgyal/ /spyan ma la sogs lha rnams kyis/ /dbang bskur ba ni rdo rje che/ /khams gsum kun gyis phyag
193b7 byas pa//sangs rgyas kun gyi gsang gsum gyi/ /gnas las byung ba sbyin par bya/ /sangs rgyas dbang bskur sgrol ma yi/ /chos ni gtsug tor nor bur bya/ /'od zer dmar po sna tshogs pa/ /'gro ba gsum po gsal bar mdzad/ /rin chen dbang bskur thob gyur nas/ /
194a1 dngos grub thams cad bsgrub par bya/ /cho ga ji ltar sngon gsungs pa/ /lo phyed brtan par 'jug pa yis/ /thun mtshams gsum du gtor ma 'bul/ /bsgom pa sngon du 'gro ba yis/ /sgrol ma yi ni snying po 'di/ /mnyam par gzhag nas sngags bzlas so/ /
194a2 oM ku ru kul+le hrIHhUM swA hA/ de nas sngon du bsnyen pa'i yi ge 'bum bzlas nas/ phyis las yang dag par brtsam par bya'o/ /cha shas kyis ni shes rab 'phel/ /yan lag gzhan gyis dbang du byed/ /yan lag gsum pas de bzhin du/ /mi yis dug rnams 'gugs par
194a3 byed//'jig rten pa ni thams cad kyi/ /shin tu smyos shing sgeg pa yi/ /bud med rnams kyis mchod par byed/ /ji ltar 'dod bzhin sngags bzung nas/ /lha yi bu mo yid 'ong rnams/ /zas dang ston mo sbyor bar byed/ /mkhas pas rim par goms pa yis/ /dngos grub phra
mo 'grub par 'gyur/