192b1 /de nas sngags bzlas par bya ste/ oM b+h+r-i ku tI swA hA/ khro gnyer can gyi sgrub thabs rdzogs so//[ ]@##/ /rgya gar skad du/ b+h+r-i ku TI sA d+ha naM/ bod skad du/ khro gnyer can gyi sgrub thabs/ 'phags ma khro gnyer can la
192b2 phyag 'tshal lo//sngon du gsungs pa'i cho gas 'dir rang gi snying gar zla ba'i dbus su sa bon drug pa'i bzhi pa dang po'i brgyad pas gang ba'i stong pa'i brdas mnan cing zla ba phyed pas dbu brgyan pa'o/ /de las skyes pa'i khro gnyer can sku mdog ser mo phyag bzhi pa/ zhi zhing ral pa'i
192b3 cod pan can/phyag g.yas pa dag na mchog sbyin dang / bgrang phreng bsnams pa/ g.yon pa dag na dbyu gu dang / spyi blugs bsnams pa/ pad+ma dang zla ba'i gdan la bzhugs pa bsgom par bya'o/ /de nas phyag rgya bcing bar bya ste/ lag pa gnyis brkyang nas mtheb chen dag
gis mthe'u chung dag so sor mnan par bya'o/