190a5 /mkhas sogs gyur pa rnams kyis bde bar gshegs pa rnams kyis gsang sngags de 'dir legs par gsungs/ /rdo rje dbyangs can ma'i sgrub thabs rdzogs so//[ ]@##/ /rgya gar skad du/ badzra bI
190a6 Na swa ra swa tI sA d+ha naM/bod skad du/ rdo rje pi wang dbyangs can ma'i sgrub thabs/ rdo rje dbyangs can ma la phyag 'tshal lo/ /dang por chos zhabs la btud nas/ /shes rab de nyid nyer ston pa'i/ /'khor lo 'jig rten phan 'byung ba'i/ /dbyangs can ma 'dir bshad par bya/ /gang
190a7 zhig bde ba'i stan la gnas//stong nyid rnal 'byor bsgom par bya/ /sa bon chu skyes de bzhin du/ /bdun pa'i gnyis pa la gnas pa'i/ /brgyad pa yi ni bzhi pa las/ /dang po yi ni bzhi pas brgyan/ /de la thig le dang bcas pa/ /de las byung ba'i dbyangs can ma/ /pi wang sgrogs
190b1 shing de bzhin du//zla ba dkar po'i 'od gsal la/ /rgyan rnams kun gyis rnam par brgyan/ /des bzhugs lha mo chen mo ni/ /'phel byed kyi gnas bsam par bya/ /dang po'i yi ge las skyes pa'i/ /'khor lo rtsibs brgyad kyis brgyan pa/ /de dbus zla ba la gnas pa/ /de
190b2 yi sa bon brtan par bsam//de las de yi 'od zer gyis/ /bdag gi lus 'di snang bar mdzad/ /de nas ba spu'i khung nas ni/ /'thon gyur srid pa ma lus pa'i/ /mi shes rab rib bcom nas ni/ /slar yang rang nyid la zhugs te/ /lnga pa'i 'og nas drug pa yi/ /dbyangs la
190b3 thig le gnyis kyis brgyan//a I sngon bzhin u dang ai/ /oM dang aHyis nye bar mtshon/ /snying ga spyi bo'i gtsug dang ni/ /mgrin pa mig dang phrag pa la/ /cho ga 'di yis bkod nas ni/ /'di yis tshangs par spyad par bya/ /de rjes 'khor lo 'khor ba yis/ /mun chen snying la
190b4 gnas pa la//mi g.yo rang gi sa bon la/ /blo dang ldan pas brtan par bsgom/ /de nas 'bum du bzlas par bya/ /bdun gyi grangs dang ldan pa yis/ /rnam spyod rab tu dngas pa yis/ /thugs kar lha mo dbyangs can ma/ /tshigs bcad rkyang pa ma lus pa'i/ /rang bzhin gnyis
190b5 pa ngag dbang bzhin//sngon ma mthong ba shes par 'gyur/ /sngags sogs kun gyi ngag rang bzhin/ /snyan ngag rgyal po 'khor lo 'di/ /de don lo phyed bsten pas 'phel/ /sten byed rta dbyangs dang mtshungs pa/ /yun mi ring bas ster bar byed/ /rdo rje pi wang dbyangs can ma'i
sgrub thabs rdzogs so/