187b7 /[ ]@##/ /rgya gar skad du/ ma hA swa ra swa tI sA d+ha naM/ bod skad du/ dbyangs can ma chen mo'i sgrub thabs/ 'phags ma dbyangs can ma la phyag 'tshal lo/ /sngon du gsungs pa'i cho gas 'dir stong pa nyid ji srid mngon du byas shing gnas nas chu
188a1 skyes dkar po khru bdun gyi tshad tsam/de'i steng du zla ba'i dkyil 'khor/ de'i dbus su d+h+rIHyig dkar po/ de las chu skyes dkar po la rang gi sa bon gyi snying po can bsgom par bya'o/ /de las yang bcom ldan 'das ma dbyangs can ma chen mo rjes su bsam
188a2 par bya'o//ston ka'i zla ba'i 'od kyi rnam pa can/ chu skyes dkar po la zla ba'i dkyil 'khor la bzhugs pa/ phyag g.yas pa mchog sbyin pa/ g.yon pa sdong bu dang bcas pa'i chu skyes dkar po bsnams pa/ zhal 'dzum zhing shin tu brtse ba'i bdag nyid can/ tsan+dan dkar po dang
188a3 me tog gi na bza' mnabs pa/mu tig gi do shal gyis thugs ka nye bar mdzes pa rin po che sna tshogs kyi rgyan dang ldan pa lo bcu gnyis kyi rnam pa can/ nu ma 'bur zhing nang rgyas pa/ rked pa byin gyis phra ba/ nang nas 'od zer gyi tshogs 'phro bas 'jig rten gsum po snang bar mdzad
188a4 pa'o//de nas de'i mdun du bcom ldan 'das ma shes rab ma'o/ /g.yas su blo can ma'o/ /rgyab tu blo gros ma'o/ /g.yon du dran pa ma'o/ /'di rnams rang gi gtso mo dang sku mdog la sogs pa mtshungs shing / zhal mngon par phyogs pas bzhugs par bsam par bya'o/ /
188a5 de nas rang gi lte ba'i phyogs su zla ba'i dkyil 'khor la oM yig dkar po bsgoms nas de las byung ba'i ngag gi rang bzhin ma lus pa'i phreng ba bar ma chad pa rab tu 'bab bzhin pa bsams nas sngags kun nas bzlas par bya'o/ /de la sngags ni 'di'o/ /oM hrIHmahA mA yaM ge ma hA swa ra
188a6 swa t+ye na maHde bzhin du gso sbyong blangs nas mi smra bar gnas nas rgyun du lha'i nga rgyal dang bcas pas sngags bzlas shing las gzhan mi byed pas zla ba gcig gis dbyangs can ma'i ngag thob par 'gyur ro//zla ba gsum gyis tshangs par spyod pa nyams pas kyang 'grub po/ /zla ba
188a7 drug gis dbyangs can ma dang mtshungs par 'gyur ro zhes so//de nas sman brjod par bya ste/ ra'i 'o ma dang / a ru ra dang / tsha ba gsum dang / ma nu pa tra dang / shu dag dang / se 'bru dang / rgyam tsha rnams mar la lan bdun mngon par bsngags nas 'thungs na/ dbyangs can
188b1 ma'i dngos grub tu 'gyur ro//yon tan bzhi 'gyur ra 'o ma/ /mar bcug nas ni btso bar bya/ /blo ldan mi ni dal 'jam gyis/ /sman ni tshos pa tsam gyis so/ /zla ba gcig tsam rab sbyor bas/ /bla med dag ni thob par 'gyur/ /zla ba drug tu las sbyor bas/ /ngag gi dbang
phyug mngon gsum 'gyur/