184b4 shes rab pha rol phyin bsgom pa'i/ /bdag byas bsod nams gang thob pa/ /de yis 'jig rten ma lus kun/ /shes rab pha rol phyin yum shog /shes rab kyi pha rol tu phyin ma'i sgrub thabs rdzogs so//[ ]@##/ /rgya gar skad du/ ka na ka war+Na pradz+nyA
184b5 pA ra mi tA sA d+ha naM/bod skad du/ gser mdog can gyi shes rab kyi pha rol tu phyin ma'i sgrub thabs/ 'phags ma shes rab kyi pha rol tu phyin ma la phyag 'tshal lo/ /dang po re zhig sgrub pa pos stan bde ba la 'dug nas/ rang gi snying gar dbyangs yig dang po yongs su gyur pa las
184b6 zla ba'i dbus su d+hIHser po bsgoms te/de las byung ba'i me tog la sogs pa rnams kyis bsgom par bya ba dang ldan pa'i bcom ldan 'das ma rang gi snying ga'i sa bon gyi chas gdan drangs nas rang gi mdun du bzhugs te/ yang dag par mchod nas de'i mdun du sdig pa bshags
184b7 pa la sogs pa bya'o//de'i rjes la tshad med pa'i gnas bzhi bsgoms pa sngon du 'gro bas skad cig gis stong pa nyid bsgom par bya ste/ sngags 'di'o/ /oM swa b+hA wa shud+d+haHsarba d+harmAHswa b+hA wa shud+d+hou0f85haM zhes so/ /phyi nas nam mkha'i phyogs su dbyangs yig dang po yongs su gyur p
185a1 a las/zla ba'i dkyil 'khor la d+hIHyig ser po la/ a yig la sogs pa'i dbyangs bcu drug gis yongs su bskor ba'o/ /de nas ka la sogs pa gsal byed sum cu rtsa gnyis kyi phreng bas yongs su bskor ba'o/ /d+hIHyig yongs su gyur pa las shes rab kyi pha
185a2 rol tu phyin pa'i po tis nye bar mtshan pa bsgom par bya'o//thams cad yongs su gyur pa las bcom ldan 'das ma shes rab kyi pha rol tu phyin ma sku mdog ser mo sna tshogs pad+ma la rdo rje skyil krung gis bzhugs pa zhal gcig pa/ phyag gnyis chos 'chad pa'i phyag rgya mdzad pa/
185a3 rgyan thams cad kyis brgyan pa/ rin po che'i cod pan can/ g.yon logs su pad+ma'i dbus su shes rab kyi pha rol tu phyin pa'i pusti bsnams pa bsgom par bya'o/ /dpral bar oM yig ser po/ mgrin par AHdkar po snying gar d+hIHyig ser po/ lte bar hUM yig nag po'i
sngags bzlas par bya'o/