181a6 /oM praM swA hA/ sngags 'dis kyang ngo / /'di la mi bskyod pa'i rgyas gdab po zhes so/ /shes rab kyi pha rol tu phyin ma dkar mo'i sgrub thabs rdzogs so//[ ]@##/ /rgya gar skad du/ pI ta bar+Na pradz+nyA pA ra mi tA sA d+ha naM/ bod skad du/
181a7 shes rab kyi pha rol tu phyin ma sku mdog ser mo'i sgrub thabs/ 'phags ma shes rab kyi pha rol tu phyin ma la phyag 'tshal lo/ /sngon du gsungs pa'i cho gas a yig las skyes pa'i zla ba la d+hIHyig ser po las skyes pa'i sna tshogs pad+ma la haM yig ser po la a yig la sogs pa'i
181b1 dbyangs bcu drug gis yongs su bskor zhing gnas pa'i phyi rol du ka yig la sogs pa'i yi ge sum cu rtsa gnyis kyis yongs su bskor ba bsgom par bya'o//de nas sgeg mo dang / phreng ba ma dang / gar ma dang / glu ma dang / me tog ma dang / bdug spos ma dang / mar me ma dang / dri ma zhes pa'i
181b2 rnal 'byor ma brgyad do//de thams cad yongs su gyur pa las ye shes kyi zla ba shar ba 'od rab tu gsal ba'o/ /de'i steng du pad+ma/ de'i steng du shes rab kyi pha rol tu phyin pa'i puste/ de'i steng du zla ba'i dkyil 'khor gnyis pa la de'i steng du pusti gnyis pa'o/ /de thams cad
181b3 yongs su gyur pa las bcom ldan 'das ma shes rab kyi pha rol tu phyin ma sku mdog ser mo zhal gcig phyag gnyis ma de bzhin gshegs pa lnga'i dbu rgyan can/chos 'chad pa'i phyag rgya dang ldan pa/ sna tshogs pad+ma dang zla ba la bzhugs pa na bza' dang rgyan thams cad kyis brgyan pa/
181b4 g.yas g.yon gyi logs dag na ut+lal la gnas pa'i shes rab kyi pha rol tu phyin pa'i pusti bsnams pa'o/ /sngags ni/ oM AHd+hIHhUM swA hA/ dpral bar oM yig ser po/ mgrin par AHyig dkar po/ snying gar d+hIHyig ser po/ lte bar hUM yig nag po zhes bzlas pa'i dus su
yi ge bzhi po rnams kyi rjes su bsam par bya'o zhes so/