| བོད་ཡིག |
178a2 /dge ba'i rtsa ba 'di yis ni/ /sems can bde gshegs 'gyur bar shog /'od zer can gyi sgrub thabs rdzogs so//[ ]@##/ /rgya gar skad du/ saM k+Ship+ta mA rI ts+yai sA d+ha naM/ bod skad du/ 'od zer can gyi sgrub thabs mdor bsdus pa/ 'phags ma 'od
178a3 zer can la phyag 'tshal lo//rang gi snying gar zla ba la maM yig bsams nas/ de'i 'od zer rnams kyis bskyed pa'i bla ma dang sangs rgyas dang byang chub sems dpa' rnams mdun du bltas nas phyag 'tshal ba dang mngon par mchod nas sdig pa bshags pa la sogs pa bya'o/ /de nas
178a4 chos thams cad kyi bdag nyid kyang sgyu ma'i dpe la sogs pas so sor snang ba tsam sa bon las bsams nas rang bzhin rnam par dag pa brjod par bya ste/de nas stong pa nyid kyis lhag par grol ba la sogs pa brjod par bya'o/ /de nas de'i sa bon yongs su gyur pa las mya ngan med pa'i
178a5 shing /de'i steng du zla ba la gnas pa'i maM yig /de thams cad yongs su gyur pa las bdag nyid 'od zer can gyi skur blta'o/ /de yang sku mdog ser mo zhal gsum pa/ so sor spyan gsum pa/ phyag brgyad pa/ na bza' dmar po mnabs pa/ phu dung dmar po'i stod g.yogs
178a6 can/rgyan thams cad kyis brgyan pa/ rnam par snang mdzad kyis dbu brgyan cing 'od 'phro ba'i phreng ba 'khrigs pa ban+d+hu dzi ba ka'i me tog lta bu dang ldan pa'i phyag g.yon pa rnams kyis sdigs mdzub kyi zhags pa dang / gzhu dang / mya ngan med pa'i yal ga dang / skud pa bsnams pa/
178a7 g.yas na rdo rje dang / mda' dang / lcags kyu dang / khab bsnams pa/ mchod rten gyi nang na gnas shing phag bdun gyi shing rta la zhabs g.yon brkyang gis bzhugs pa/ lang tsho gzhon nus gnas shing spyan rgyas pa/ de'i rtsa ba'i zhal zhi zhing sgeg pa/ g.yon na phag zhal
178b1 nag po khro ba dang bcas pa khro gnyer gtsigs shing 'jigs par byed pa ljags bskyod pa'o//zhal g.yas pa dmar zhing zlum pa pad+ma rA ga dang mtshungs pa gtsang khang nang na bzhengs shing mya ngan med pa'i shing gi me tog gcal du bkram pa/ 'og tu rlung gi dkyil 'khor la haM yig las byung
178b2 ba'i sgra gcan zla ba dang nyi ma 'dzin pa lha mo bzhis yongs su bskor ba'i bcom ldan 'das ma bsam par bya'o//de la shar du lha mo bat+ta li sku mdog dmar mo phyag bzhi pa phyag g.yon pa dag gis zhags pa dang mya ngan med pa'i shing bsnams pa/ g.yas pa dag gis rdo rje dang lcags kyu dang /
178b3 khab bsnams pa'o/ /lho ru lha mo ba dA li sku mdog ser mo phyag bzhi pa g.yon pa dag gis zhags pa dang rdo rje g.yas pa dag na mya ngan med pa'i shing dang / khab bsnams pa'o/ /nub tu lha mo ba rA li de'i gzugs 'chang ba phyag g.yon pa dag gis zhags pa dang / mya ngan med pa'i shing /
178b4 g.yas pa dag gis rdo rje dang / khab bsnams pa'o/ /byang du lha mo bA rA hA mu khi sku mdog dmar mo phyag bzhi pa phyag g.yon pa dag gis mya ngan med pa'i shing dang gzhu/ g.yas pa dag gis mda' dang rdo rje bsnams pa bsam par bya'o/ /yang na thams cad dkar mo rin po che'i cod
178b5 pan can/phag zhal gcig pa spyan gsum pa/ rgyan sna tshogs pas brgyan pa phu dung dmar po'i stod g.yogs can bsam par bya'o/ /de nas rdo rje lcags kyu ma la sogs pa rnams kyi phyag rgya dang sngags kyis ye shes sems dpa' dgug pa la sogs pa bya'o/ /dzaHhUM baM hoH zhes
178b6 pa 'dis ye shes sems dpa' dgug pa dang gzhug pa dang bcing ba dang dbang du bya bas mnyes par bya'o//de nas 'od zer can gyi phyag rgyas gnyis su med par bya zhing bsgom pa sngon du 'gro bas bzlas par bya'o/ /oM mA rI ts+yai swA hA/ dge ba thams cad yongs su bsngo nas gshegs
su gsol lo/