CLOSE WINDOW

D3535
བོད་ཡིག

dpal 'od zer can pi tsu ba'i sgrub thabs rdzogs so//[ ]@##/ /rgya gar skad du/ mA rI ts+yai sA d+ha naM/ bod skad du/ 'od zer can gyi sgrub thabs/ 'phags ma 'od zer can la phyag 'tshal lo/ /gdug pa thams cad 'dul mdzad pa'i/ /lha mo 'od zer can btud nas//las rnams thams cad sgrub pa yi/ /de yi sgrub thabs bshad par bya/ /sems dpa'i skyil krung gis bzhugs nas/ /snying ga'i zla ba oM yig brgyan/ /'bar zhing dmar ba'i sa bon las/ /sna tshogs 'od zer yang dag 'khrigs/ /des bskyed rdzogs pa'i sangs rgyas dang //bla ma byang chub sems chen rnams/ /phyag 'tshal mngon par bsngags nas mchod/ /zhal zas la sogs dbul bar bya/ /badzra puSh+pe/ badzra d+hU pe/ badzra dI pe/ badzra gan+d+he/ badzra nai wi d+ye hUM/ zhes pa'i sngags kyis thams cad du'o/ /de nas/ dkon mchog gsum la bdag skyabs mchi//byang chub sems kyang bskyed par bgyi/ /smon lam sngon du 'gro ba yis/ /chos kun bdag med bsgom par bya/ /'dis oM shU n+ya tA dz+nyA na badzra swa b+hA ba At+ma kou0f85haM/ de nas brtan g.yo'i dngos po kun/ /sa bon rang bzhin nyid bsams nas/ /de'i rjes su o M swa b+hA ba shud+d+haHsarba d+harmAHswa b+hA ba shud+d+hou0f85haM/de'i sa bon las skyes pa'i 'khor lo/ de'i lte ba la nyi ma'i dkyil 'khor ro/ /de'i steng du drug pa'i lnga pa'i sa bon la aM yig dang zla ba phyed pa dang thig les brgyan pa'o/ /de thams cad yongs su rdzogs pa las 'od zer can gyi skur bdag nyid bsam par bya'o//gos dang sku mdog dmar mo yon tan nyis 'gyur gyi phyag rol zhing stag gi pags pa'i sham thabs can/ ral pa gyen du brdzes pa/ cod pan dmar po zhal gsum pa/ zhal gnyis ni phag zhal lo/ /dang po'i zhal ni zhi zhing cung zad 'dzum pa'i zhal sgeg cing 'gying ba'i nyams dang bcas pa'o//thams cad la spyan gsum pa'o/ /g.yon pa ni phag zhal dmar po ste/ rdo rje tho ba bsnams pa lus med kyis phyag mdzad pa'o/ /g.yas pa na phag zhal dmar skya'o/ /rdo rje'i zhags pa bsnams pa'i dbang pos phyag mdzad pa/ / mchod rten gyi nang na khro bo nag po g.yas brkyang gis bzhugs pa'o/ /'og tu khyab 'jug dang dbang phyug dang tshangs pa la sogs pas phyag mdzad pa/ nor lha dang 'jig rten skyong ba thams cad 'jigs pas 'dud pa dang / rje btsun ma la phyag 'tshal zhing bka' sgrub par mdzad pas gnas pa'o//de nas rna bar bkang ba'i gzhu dang / mya ngan med pa'i yal ga dang mdas bsgrub bya'i snying gar 'bugs par bsam par bya'o/ /phu dung dmar po'i stod g.yogs can/ rgyan thams cad kyis brgyan pa bsam par bya'o/ /mya ngan med pa'i dbu rgyan bcings pa'o/ /phyag g.yon na mya ngan med pa'i me tog bsnams pa/snying gar sdigs mdzub kyis gnas pa'i rdo rje zhags pa dang / thod pa chen po dang / skud pa dang / mgo bo dang / bum pa bzang po rnams phyag na bsnams pa'o/ /g.yas pa rnams kyis skud pa dang / lcags kyu dang / b+hiN+Di pA la dang / ral gri 'phyar ba dang /rdo rje'i dbyug pa dang / rdo rje bsnams pa'o/ /dpal ldan rnam par snang mdzad sku mdog dkar po rdo rje'i skyil krung gis bzhugs pa/ byang chub mchog gi phyag rgya can ting nge 'dzin la snyoms par zhugs pa ral pa'i cod pan can zhi ba ye shes kyi spyan zim bur mdzad pa spyi bor rnam par bsams nas las thams cad brtsam par bya'o//man ngag ji lta ba bzhin du ye shes sems dpa' dgug pa dang / rab tu gzhug pa dang / bcing ba dang / dbang du bya bas bsgrub par bya'o/ /dbang bskur ba dang / go cha dang / cod pan bcing ba dang / mchod pa dang / bstod pa yang byas nas phyi nas bzlas pa brtsam par bya'o//ji ltar nyi ma 'bar zhing rab tu gsal ba ni mi g.yo ba dang ldan pa'i me dang ldan pa'o/ /de bzhin du chos 'bar ba'i sku la rtse gcig pa'i sems kyis bzlas par bya'o/ /de nas phyag rgya bcing bar bya ste/ mtheb chen sems dpa'i skyil krung bcings nas mdzub mo'i rtse mo bkug ste bzung la/mnyam du gung mo yan lag mchog la lhag ma rdo rje'i thal mo sbyar ba snying ga dang mdzod spu dang mgrin pa dang spyi bo rnams su bzhag nas 'dis/ oM mA rI ts+yai hUM sarba duSh+TAM mardA ya hUM phaT/ brgyad pa'i gsum pa dang bzhi pa dag gi gsum pa las bdun pa'i bzhi pas gang ba dang po'i gnyis pas brgyan pa/bzhi pa la'ang dang po'i gnyis pas brgyan pa'o/ /dkar po dbang po'i zhal gyis dgongs mo'i thun nas gung thun bar du zhes pa'i sngags rab tu gsal bar bya ste/ oM mA rI ts+yai de ba dat+ta s+ya shAn+tiM ku ru swA hA/ dang po'i bcu gsum pa'i sa bon zla phyed thig les brgyan pa sngon du 'gro bas gung thun bar du ser po lus ngan po'i zhal gyis rgyas pa'i sngags bzlas par bya ste/oM mA rI ts+yai de ba dat+ta s+ya puSh+TiM ku ru oM/ /brgyad pa'i bzhi pa dang po'i bcu gsum pa bcu drug pa dang yang dag par ldan pas nam phyed la chu bdag gi zhal dmar pos ming med kyis dbang du bya ba'i las kyi rab tu dbye ba'o//oM mA rI ts+yai de ba dat+ta s+ya ba sha ma na ya hoHdrug pa'i gnyis pa dang bzhi pa'i dang por phyed nag po'i gshin rje'i zhal gyis nyi ma'i gung la mngon spyod 'di'i sngags sdigs mdzub kyis rab tu bskul lo/ /oM mA rI ts+yai de ba dat+taM mA ra ya hUM phaT/gsum pa'i gsum pa'i sa bon las bcu drug pa yang dag par ldan pas thams cad 'gugs pa'i mchog go/ /oM mA rI ts+yai a mu ka s+ya sid+d+hi mA kaR+Sha ya dzaH'od zer can gyi dkyil 'khor du dbang bskur nas bla ma la gus shing bden pa'i ngag gis 'grub ste/ de'i lha rnams kyi bzlas pas the tshom med par rig go//sngags bye ba bzlas par 'gyur ro/ /ras bris kyi mdun du legs par bzlas pa dang ldan pas las thams cad 'grub cing yid la gang 'dod pa 'byung ngo / /'od zer can 'byung rgyud las ni/ mchog gi sgrub thabs bris pa yis/