CLOSE WINDOW

D3534
བོད་ཡིག

rdo rje thal mo sbyar nas ting nge 'dzin gyis gung mo brkyang nas mnyam du myu gur byas te/ mtheb chen skyil krung bcings nas mdzub mo'i rtse mo rnam par gzung bar bya'o/ /oM mA rI ts+yai mAM hUM hUM phaT phaT swA hA/ 'od zer can gyi sgrub thabs rdzogs so//[ ]@##/ /rgya gar skad du/ shrI mA rI ts+yai pi tsu pA sA d+ha naM/bod skad du/ dpal 'od zer can pi tsu ba'i sgrub thabs/ 'phags ma 'od zer can la phyag 'tshal lo/ /rang gi rtog ngan cha yis bskyed/ /bar du gcod pa kun zhi dang / /kun mkhyen shes rab thob bya'i phyir/ /'od zer can nyid bsgom par bya/ /phyogs kun dus gsum nang bzhugs pa'i//rdzogs sangs rgyas dang bla ma'i mdun/ /bdag nyid lta las yang dag mchod/ /cho ga bzhin du bshags la sogs/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung //bdag med pa yi ngo bo ni/ /stong nyid mtshan med rgyu dang bral/ /de phyir smon pa med pa dang / /'gro rnams rang nyid rnam thar gsum/ /sku gdung mchod rten chos dbyings gnas/ /snying ga sangs rgyas lam nas ni/ /mkha' khyab sangs rgyas tshogs 'phro bas//gru bzhi la sogs yang dag ldan/ /phyi dang nang du zur bzhi la/ /rtse gsum gyis mtshan zla ba'i dkyil/ /gdug pa'i sems can mthil du mnan/ /ri yi rgyal po rab tu gnas/ /de la maM yig bsgom par bya/ /mya ngan med shing las byung ba'i/ /sgeg cing dpa' dang bden pa'i char//'dzam bu nA da'i 'od dang mtshungs/ /g.yas zhal in+d+ra nI la'i mdog /mi sdug 'jigs shing drag po ste/ /cig shos zhal ni zla 'od 'phro/ /snying rje las byung zhi ba ste/ /zhal gsum rnam par thar pa gsum/ /chos dang longs spyod sprul par gsungs/ / yi ge ser po gos bzang dang / /'od zer gyis ni zhal gnas ma/ /kha mig khab kyis 'tshem byed cing / /kha dang mig dag 'ching bar byed/ /snying mgrin lcags kyu zhags pa dang / /mda' dang gzhu yis 'bigs par byed/ /rdo rjes gdug pa'i snying 'bugs shing / /mya ngan med pas 'brab par byed//rnam thar brgyad brgyad rnams kyis ni/ /gdug pa 'joms par rab tu bsgom/ /zhabs ni brkyang bskum dag gis ni/ /dbang phyug dang ni gau rI dag /thabs dang shes rab zhabs kyis mnan/ /'od zer can bsgom brtul zhugs can/ /phyogs kun dang ni dus gsum dang //bdag nyid spro bsdu byas nas ni/ /dzaHhUM baM hoHbrjod nas ni/ /de la sangs rgyas kun gzhug bya/ /sangs rgyas sku bskyed rim pa yis/ /bdud rtsi'i bum pa rnams bzung nas/ /rin chen dbu rgyan cod pan can/ /rtag tu dbang bskur blta bar bya/ /phyag na mchod pa kun thogs nas//me tog la sogs rdo rje mas/ /mchod cing bstod pa byas nas ni/ /shin tu bza' dang chang sogs kyis/ /lus ngag yid ni rengs byed pa/ /pi tsu'i sngags ni bzlas par bya/ /sarba duSh+TA pra duSh+TA naM/ /rang ming bzhi pa'i mtha' can gyis/ /thun mtshams bzhi'am thun mtshams gsum//snga bar brgya dang rtsa brgyad bzlas/ /rig pa chen mo bsgom pa yis/ /don chen la ni stong phrag gcig /bzlas nas mchod cing bstod par bya/ /dge ba'i don du zhu bar bya/ /bdag nyid gnas nas rdzogs sangs rgyas/ /gang la'ang chags pa spang bar bya/ / gshegs gsol dang ni lha gnas la/ /spyir ni yi ge gsum dran bya/ /rab gnas dus su rgyud la ni/ /lus ngag yid ni bsgrub par bya/ /thun mtshams bar yang chod pa sogs/ /sngon du 'gro bas bzlas par bya/ /dang po cho gas slar yang ni/ /snga bar lha mo glu yis bskul/ /rig pa 'di dang de bzhin bdag /bsgom zhing yang dag bzlas par bya/ /rgyud kyi man ngag nyid las ni/ /sngags pas mngon 'dod rtag tu bsgrub/ /pi tsu cung zad yang dag bris/ /bsod nams yang dag nyer bsags pa/ /de yis 'jig rten thams cad ni/ /'jam pa'i rgyal po nyid du shog /