CLOSE WINDOW

D3527
བོད་ཡིག

/rdo rje dbyings kyi dbang phyug ma 'od zer can gyi sgrub thabs rdzogs so//[ ]@##/ /rgya gar skad du/ aSh+Ta b+hu dza si tA mA rI ts+yai sA d+ha naM/ bod skad du/ 'od zer can phyag brgyad ma ser mo'i sgrub thabs/ 'phags ma 'od zer can la phyag 'tshal lo/dang por re zhig sngags pas stan bde ba la nye bar 'dug ste/ g.yon pa khro bo'i khu tshur gyis snying ga dang / mdzod spu dang / mgrin pa dang / spyi bo rnams su oM phaT ces pa'i sngags kyis yang dag par reg nas g.yas pa khro bo'i khu tshur bstod pas bgegs med par bsam par bya'o/ / de nas kha bsang ba la sogs pa byas nas slar yang nye bar gnas te/ rang gi snying gar mtshan mo dang nyin mo'i dbye bas a yig dang a yig rdzogs pa las zla ba dang nyi mar bltas la/ de'i steng du oM yig ser po'i rnam par bsgoms la de'i 'od zer las skyes pa'i bcom ldan 'das ma mdun du bltas te/ji ltar rnyed pa'i me tog la sogs pa rnams kyis yang dag par mchod nas de'i mdun du sdig pa bshags pa la sogs pa byas nas thams cad stong pa nyid du bsgom par bya'o/ /de nas oM swa b+hA ba shud+d+hAs+sarba d+harmAHswa b+hA ba shud+d+hou0f85haM zhes brjod par bya'o/ /de nas oM y ig yongs su gyur pa las 'khor lo rtsibs brgyad pa'o//de'i dbus su gnas pa'i oM yig yongs su gyur pa las bdag nyid rnam par snang mdzad sku mdog ser po ral pa'i cod pan bsnams pa/ zhi ba pad+ma'i snying po'i seng ge'i gdan la rdo rje skyil krung gis bzhugs pa rgyan thams cad kyis brgyan pa/byang chub mchog gi phyag rgya mdzad par bsam par bya'o/ /de'i thugs ka'i zla ba la gnas pa'i maM yig yongs su gyur pa las mya ngan med pa'i me tog /de'i steng du maM yig /de las 'od zer byung nas sems can ma lus pa'i don mdzad nas de la de bzhin du dgug pa dang gzhug par bya'o//de'i mdun du oM yig yongs su gyur pa las nyi ma'i dkyil 'khor la maM yig las skyes pa'i bcom ldan 'das ma phyag brgyad ma 'od zer gyi rang bzhin can du man ngag gis bsgom par bya'o/ /de'i rjes la oM maM zhes pa'i sngags brjod nas bdag nyid mchod rten gyi nang du gnas pa phag bdun gyi shing rta la bzhugs pa'i 'od zer can du rnam par bsgom par bya'o//shing rta'i 'og tu yaM yig las skyes pa'i rlung gi dkyil 'khor la haM yig las sprul pa'i sgra gcan no/ /de la bcom ldan 'das ma rin po che'i cod pan can/ phyag brgyad pa/ zhal gsum pa/ spyan gsum pa/sku mdog ser mo rtsa ba'i zhal shin tu ser mo/ /ban+du dzi ba ka'i me tog lta bu g.yas dmar zhing zlum pa/ g.yon pa phag zhal khro ba dang bcas pa'i nag po ljags bskyod pa/ zhal mi sdug cing 'jigs pa/ khro gnyer dang mche ba gtsigs pa/ phyag g.yon pa rnams na sdigs mdzub dang bcas pa'i zhags pa dang /gzhu dang mya ngan med pa'i me tog dang bcas pa'i yal ga dang / skud pa rnams so/ g.yas pa rnams na khab dang / lcags kyu dang / mda' dang / rdo rje bsnams pa'o/ /sna tshogs pa'i khor yug la sogs pa dang / rgyan thams cad kyis brgyan pa sna tshogs pa'i sha 'gag dmar po'i stod g.yogs can/g.yon brkyang gis bzhugs pa lha mo bzhi'i 'khor gyis yongs su bskor ba bsam par bya'o/ /mdun du bat+tA li g.yas brkyang gis bzhugs pa/ phyag bzhi pa/ phag zhal dmar po gcig pa/ phyag g.yas na khab dang /lcags kyu bsnams pa/ g.yon na zhags pa dang / mya ngan med pa'i me tog dang bcas pa'i yal ga bsnams pa'o/ /g.yas su ba dA li g.yon brkyang gis bzhugs pa/ phyag bzhi pa/ phag zhal kha dog ser po gcig pa/ phyag g.yas na mya ngan med pa'i yal ga dang / khab skud bsnams pa/ g.yon na zhags pa dang / rdo rje bsnams pa'o/ /rgyab tu ba rA li g.yas brkyang gis bzhugs pa/ phyag bzhi pa sku mdog ser mo/ phag zhal gcig pa/ g.yas na rdo rje dang khab bsnams pa/ g.yon na zhags pa dang / mya ngan med pa'i yal ga bsnams pa'o/ /de bzhin du g.yon du bA rA hA mu khi zhal dmar po/nyi ma shar ba'i 'od zer 'bar ba lta bu g.yon brkyang gis bzhugs pa/ phyag bzhi pa/ g.yas na mda' dang / rdo rje bsnams pa'o/ /g.yon na gzhu dang mya ngan med pa'i yal ga bsnams pa'o/ /'di rnams thams cad mchod rten gyi gzhal yas khang na bzhugs pa/sna tshogs pa'i rgyan dang / rin po che'i cod pan can/ sha 'gag dmar po'i stod g.yogs can/ spyan gsum pa/ sna tshogs pa'i rgyan can bsam par bya'o/ /de nas dzaHhUM baM hoHzhes pas ye shes sems dpa' gzhug cing phyag rgya bcing bar bya'o/ /lag pa gnyis po mnyam byas nas//thal mo yang dag sbyar byas te/ /mdzub mo gnyis kyi rtse dag dang / /mthe bo che ni gnyis po dag /gung mo'i rtse mo yang dag sbyar/ /'khyil pa'i rnam pa'i rtags kyis ni/ /skyil krung steng du bzhag nas ni/ /lte ba'i phyogs su dgod par bya/ /de nas bsgom pa sngon du 'gro bas sngags bzlas par bya'o//oM mA rI ts+yai swA hA/ chad lhag yi ge brgya pa'i cho gas bskang bar bya'o/ /oM badzra satwa zhes pa la sogs pa'o/ /de nas gshegs su gsol ba'i dus su oM mA rI ts+yai muHzhes pas rang gi phyag rgya dgrol bar bya'o zhes so/ /'od zer can ser mo phyag brgyad pa'i sgrub thabs rdzogs so// //