CLOSE WINDOW

D3526
བོད་ཡིག

/zhes so/ /rtog pa las gsungs pa'i cho ga 'od zer can dkar mo'i sgrub thabs rdzogs so//[ ]@##/ /rgya gar skad du/ badzra d+hA twI shwa rI mA rI ts+yai sA d+ha naM/ bod skad du/ rdo rje dbyings kyi dbang phyug ma 'od zer can gyi sgrub thabs/ 'phags ma 'od zer can la phyag 'tshal lo//oM AHhUM swA hA zhes pas spyi bo dang dpral ba dang / mgrin pa dang / snying ga dang pus mo gnyis rnams su bdag nyid rnam par bsgoms nas oM yig gis thams cad sngon ma bzhin du rnam par dag par brjod pa'o/ /mthar thug pa'i cho ga byas nas oM yig las skyes pa'i rdo rje dbyings kyi dbang phyug ma 'od zer can phyag bcu gnyis pa/zhal dmar po lto ba 'phyang ba/ dbu skra kham pa gyen du 'bar zhing brdzes pa thod pa'i phreng ba can sbrul gyi ske rags byas pa/ stag gi pags pa'i na bza' mnabs pa/ zhabs zung gis bgegs dpag tu med pa mnan pa/mchod rten gyi nang na nyi ma'i dkyil 'khor la zhabs g.yon brkyang gis bzhugs pa/ rnam par snang mdzad kyis mgon dang bcas pa/ sna tshogs pa'i phag gnyis kyis bkug pa'i yid kyis shing rta la zhon pa/ dmar po dang / nag po dang / ljang gu dang / ser po dang / dkar po rnams dang po la sogs pa'i zhal lnga'o//steng du phag zhal nag po gcig go /phyag g.yas pa rnams na ral gri dang gtun shing dang / mda' dang / lcags kyu dang / rdo rje rtse gcig pa dang / dgra sta rnams so/ /phyag g.yon pa rnams na zhags pa dang bcas pa'i sdigs mdzub dang / thod pa dang / mya ngan med pa'i yal ga dang / tshangs pa'i mgo bo dang / gzhu dang / rtse gsum rnams bsnams pa'o/ /spyan gsum pa/ ljags bskyod cing zhal gtsigs pa/ shin tu 'jigs par byed pa bsam par bya'o/ /shing rta'i dbus su phyag gnyis pa sdigs mdzub dang mya ngan med pa'i yal ga phyag na bsnams pa'o//shing rta 'dren pa g.yon brkyang gis gnas pa 'jigs par byed pa bsam par bya'o/ /spro ba la sogs pa sngon du 'gro bas sems can gdug pa can rnams rengs pa dang / 'joms par byed pa'o/ /oM badzra d+hA twI shwa rI sarba duSh+TA satwAn ha na ha na/ da ha da ha/ pa tsa pa tsa oM mA rI ts+yai oM hUM swA hA zhes pa'i sngags bzlas par bya'o/