167a1 sems can dpag tu med pa'i don sna tshogs byed pa'o/ /oM mA rI ts+yai mAM swA hA/ zhes pa ni bzlas pa'i sngags so/ /mya ngan med pa'i shing gi 'od zer can gyi sgrub thabs rdzogs so//[ ]@##/ /rgya gar skad du/ kalpok+ta mA rI ts+yai sA d+ha naM/ bod skad
167a2 du/rtog pa las gsungs pa'i 'od zer can gyi sgrub thabs/ 'phags ma 'od zer can la phyag 'tshal lo/ /bla med bde la ma chags pa/ /bla ma shes rab pha rol phyin/ /phyag 'tshal rtog pa'i 'od zer can/ /sgrub thabs de ltar bri bar bya/ /de la dang por re zhig rnal 'byor pas 'gro ba ma
167a3 lus pa 'don pa'i lhag pa'i bsam pas oM phaT ces pa'i sngags kyis snying ga dang /mgrin pa dang / mdzod spu dang / spyi bo rnams su khro bo'i khu tshur byin nas/ oM mA rI ts+yai big+h+nAM nut+sA ra ya hUM phaT ces pas bgegs bskrad nas/ rang gi snying gar oM yig yongs su gyur pa las nyi ma la
167a4 maM yig bsams nas de las byung ba'i 'od zer gyi tshogs kyis bcom ldan 'das ma gdan drangs te mdun gyi nam mkha' la bzhugs su gsol te/gser lta bu zhal gsum pa/ spyan gsum pa/ phyag brgyad pa/ dmar po ni g.yas kyi zhal lo/ /sngon po mi sdug pa phag gi zhal ni
167a5 g.yon du'o//rdo rje dang / lcags kyu dang / mda' dang / khab rnams ni g.yas kyi phyag bzhi na bsnams pa'o/ /mya ngan med pa'i shing gi yal ga dang / gzhu dang / skud pa dang / sdigs mdzub ni g.yon gyi phyag bzhi na bsnams pa'o/ /rnam par snang mdzad kyi dbu rgyan can/ rgyan
167a6 sna tshogs pas brgyan pa/mchod rten gyi nang na gnas pa/ gos dmar po'i phu dung gi stod g.yogs can phyag bdun gyi shing rta'i steng na zhabs g.yon brkyang gis bzhugs pa/ paM yig las skyes pa'i rlung gi dkyil 'khor la haM yig las skyes pa'i zla ba dang nyi ma 'dzin pa'i gza' chen po sgra
167a7 gcan yang dag par gnas pa'i shing rta'i dbus su lha mo bzhis yongs su bskor te/de la shar phyogs su bat+tA li dmar mo phag gi gdong pa can phyag bzhi pa khab dang / lcags kyu phyag g.yas na bsnams pa/ zhags pa dang / mya ngan med pa'i shing phyag g.yon na bsnams pa/ sha 'gag
167b1 dmar po can no//de bzhin du lho phyogs su ba dA li ser mo mya ngan med pa'i shing dang / khab ni g.yon dang g.yas kyi phyag dag na'o/ /rdo rje dang zhags pa ni g.yas kyi dang g.yon gyi phyag na'o/ /gzhon nu'i gzugs can lang tsho dang ldan zhing rgyan gyis brgyan pa'o/ /de bzhin du nub tu ba rA li
167b2 dkar mo rdo rje dang /khab ni phyag g.yas pa dag na'o/ /zhags pa dang / mya ngan med pa'i shing ni phyag g.yon pa dag na bsnams pa'o/ /zhabs g.yon brkyang gis bzhugs shing legs pa'i gzugs can ma'o/ /de bzhin du byang phyogs kyi char phag zhal ma dmar mo spyan gsum pa/ phyag
167b3 bzhi pa/rdo rje dang / mda' ni phyag g.yas na bsnams shing / gzhu dang / mya ngan med pa'i shing ni phyag g.yon na bsnams pa ste/ gzugs mdzes ma bsams nas mchod pa dang / phyag 'tshal ba dang / bstod pa dang / sdig pa bshags pa dang / bsod nams la rjes su yi rang ba dang /
167b4 yongs su bsngo ba dang / gsum la skyabs su 'gro ba dang / byang chub tu sems bskyed pa dang / lam la brten pa la sogs pa byas te/ tshad med pa'i gnas bzhi bsgoms nas/ oM shU n+ya tA dz+nyA na badzra swa b+hA ba At+ma kou0f85haM/ zhes pas stong pa nyid kyi ting nge 'dzin la dmigs nas/ de
167b5 nas nyi ma'i dkyil 'khor la oM yig las skyes pa'i rnam par snang mdzad seng ge'i gdan la bzhugs pa sku mdog dkar po ral pa'i cod pan bcings pa byang chub mchog gi phyag rgya mdzad pa zhi ba rgyan thams cad kyis brgyan pa'o//de'i thugs kar zla ba la yi ge nyi shu rtsa lngas yongs su bskor
167b6 ba'i maM yig gi sa bon yongs su gyur pa las skyes pa'i mya ngan med pa'i yal ga /de'i steng du zla ba la maM yig gi sa bon de thams cad yongs su gyur pa las ji ltar gsungs pa'i sku mdog dang phyag la sogs pa'i mtshan nyid can 'od zer can gyi sku'i bdag nyid du skad cig gis bsams
167b7 nas/oM mA rI ts+yai bat+tA li ba dA li ba rA li bA rA hA mu khi A kaR+Sha ya dzaHswAhA/ zhes pa 'dis bat+tA li shar gyi phyogs su dgod par bya'o/ /de bzhin du oM mA rI ts+yai bat+tA li ba dA li ba rA li bA rA hA mu khi sarba duSh+TA pra duSh+TA naM mu khaM ban+d+ha ban+d+ha hUM swA hA/ zhes pas lho phyogs su ba dA li'o/ /de
168a1 bzhin du oM mA rI ts+yai bat+tA li ba dA li ba rA li bA rA hA mu khi sarba duSh+TA naM mu khaM staM b+ha ya baM swA hA zhes pas nub tu ba rA li'o//de bzhin du oM mA rI ts+yai bat+tA li ba dA li ba rA li bA rA hA mu khi sarba satwA ba sha ma nA ya hoHswA hA zhes pa 'dis byang du bA rA hA mu khi'o zhes so/ /oM mA rI ts+yai mAM hUM hUM
phaT swA hA zhes pa ni bsgoms pa'i rjes la bzlas par bya'o/