166a3 /tsun+de'i sgrub thabs rdzogs so//[ ]@##/ /rgya gar skad du/ kal pok+ta da sha b+hu dza sI ta mA rI ts+yai sA d+ha naM/ bod skad du/ rtog pa las gsungs pa'i 'od zer can dkar mo phyag bcu pa'i sgrub thabs/ 'phags ma 'od zer can la phyag 'tshal lo/ /sngon du gsungs pa'i
166a4 cho gas paM yig las skyes pa'i sna tshogs pad+ma'i steng du zla ba la maM yig dkar po las skyes pa'i 'od zer can dkar mo zhal lnga pa/phyag bcu pa/ zhabs bzhi pa'i bdag nyid du skad cig gis bsam par bya'o/ /de la rtsa ba'i zhal dkar po/ g.yas nag po/ g.yon phag zhal dmar mo/ rgyab zhal ljang gu/
166a5 dbu'i steng du zhal ser mo/ rin po che sna tshogs pa'i zur phud gsum gyis brgyan cing ral pa'i cod pan can/ phyag g.yas pa lnga rnams na nyi ma'i dkyil 'khor dang / rdo rje sngon po dang / mda' dang / lcags kyu dang khab phyag na bsnams pa'o/ /g.yon pa lnga rnams na zla ba'i dkyil 'khor dang /
166a6 gzhu dang / mya ngan med pa'i lo ma dang / zhags pa dang bcas pa'i sdigs mdzub dang / skud pa bsnams pa'o/ /lang tsho gzhon zhing phu dung stod g.yogs dkar po can/ mchod rten gyi nang na gnas pa/ phag bdun gyi shing rta la zhon pa/ khyab 'jug dang / dbang po dang / bde byed dang / tshangs pa rnams zhabs bzhis mnan pa/ de'i
166a7 shing rta'i dbus su gnas pa'i chu srin mnan pa'i bcom ldan 'das ma gzhan te/sku mdog nag mo phag gi gdong pa can/ rdo rje dang sdigs mdzub ni g.yas dang g.yon gyi phyag na'o/ /g.yas phyogs su gzhan bcom ldan 'das ma ni phag zhal dmar mo phyag bzhi pa g.yas pa gnyis kyis lcags kyu dang khab bsnams pa'o/ /phyag
166b1 g.yon pa gnyis kyis zhags pa dang bcas pa'i sdigs mdzub dang skud pa bsnams pa'o//mdzes pa'i rgyan gyis brgyan pa'o/ /g.yon gyi phyogs su rje btsun ma gzhan rnams ni phag zhal dmar mo'o/ /rna ba'i bar du bkang ba'i gzhu dang mda' dang / rdo rje dang / mya ngan med pa'i shing gi yal ga ni g.yas dang g.yon gyi phyag na
166b2 bsnams pa'o//sna tshogs pa'i rgyan gyis brgyan pa ste/ shing rta 'dren pa'i phag gi 'og nas nyi ma la sogs pa'i gzugs gza' dgu ste/ nyi mas nye bar 'tshe ba'i nad kyi tshogs kyang mi'i gzugs kyi 'og tu ltung bar bsam par bya'o/ /de nas snying ga'i zla ba la gnas pa'i maM gi sa bon gyi 'od zer gyis de bzhin
166b3 gshegs pa rnams gdan drangs te/dbang bskur ba blangs nas dbu la rnam par snang mdzad kyis rgyas gdab pa'o/ /de nas snying ga'i sa bon las de bzhin du phreng ba'i rnam pa lta bu'i sngags kyi yi ge rnams kha nas 'thon nas lte ba/ lte ba nas kha ru/ kha nas slar yang lte ba la sogs par 'khor lo 'khor ba'i
166b4 rim pa bzhin du sngags bzlas par bya'o//de la sngags ni 'di yin te/ oM mA rI ts+yai mAM hUM hUM phaT phaT swA hA/ rang gi sa bon gyi byin gyis brlabs la zas la sogs pa thams cad la rjes su gnas par bya'o/ /ngal na yi ge brgya pa'i sngags brjod la ci bder gnas par bya'o/ /rtog pa las gsungs pa'i 'od zer
can dkar mo phyag bcu pa'i sgrub thabs rdzogs so/