CLOSE WINDOW

D3516
བོད་ཡིག

rtag tu dgra rnams nyams par 'gyur/ /rtag tu chos kyi phung po dang / /sangs rgyas dang mtshungs the tshom med/ /ral gcig ma'i sgrub thabs rdzogs so//[ ]@##/ /rgya gar skad du/ Ar+ya e ka dzA TI sA d+ha naM/ bod skad du/ 'phags ma ral gcig ma'i sgrub thabs/ 'phags ma ral gcig ma la phyag 'tshal lo//dang po re zhig sngags pas yid dang mthun pa'i bsam gtan gyi khang par stan bde ba la nye bar 'dug ste/ bla ma dang sangs rgyas dang / byang chub sems dpa' rnams la phyi dang nang gi mchod pa rnams kyis yang dag par mchod nas gsum la skyabs su 'gro ba dang / sdig pa bshags pa la sogs pa byas nas/shin tu brtan pa'i byang chub kyi sems bskyed de/ oM zhes pa'i yi ge brjod nas/ chos thams cad stong pa nyid mngon du byas te/ slar yang e yig brjod pa de yongs su gyur pa las sna tshogs pad+ma bsgom par bya'o/ /de'i dbus su T+wAM yig las skyes pa'i pad+ma'i snod du chu shel gyi 'od dang mtshungs pa/de'i dbus su 'od zer 'phro bas 'jig rten gyi khams mtha' yas pa snang bar mdzad pa in+d+ra nI la'i 'od dang ldan pa'i hUM yig rnam par bsam par bya'o/ /de yongs su gyur pa las/ rin chen in+d+ra nI la yi/ /'od ldan 'gro ba gsum po khyab/ /phyag bzhi 'jigs pa chen mo ste//dmar zhing 'jigs pa'i spyan gsum ma/ /stag gi pags pa'i na bza' mnabs/ /pad+ma'i snod kyis rab brgyan ma/ /rus pa'i do shal kyis brgyan cing / /gtum mo yi ni gzugs can ma/ /lo brgyad gnyis kyi rnam pa can/ /dkar 'dzin mtho zhing mkhregs pa ste/ /kun nas kham pa'i ral pa can//sbrul nag rgyan gyis rnam par brgyan/ /zhal ni cung zad mche ba gtsigs/ /ljags bsgril 'jigs par byed pa ste/ /lto ni 'phyang zhing byams chen ma/ /snying rjes kun tu yid khyab ma/ /do shal rkang gdub dpung rgyan dang / /g.yer ka ska rags la sogs pas/ /brgyan cing gtum mo hUM mdzad ma//bdud kyi dpung chen las rgyal ma/ /phyag g.yon chu skyes snod bsnams ma/ /g.yas kyi phyag na gsor bzhin pas/ /bdud rnams skrag par mdzad pa yi/ /rdo rje dang bcas gri gug bsnams/ /slar yang g.yon pa'i phyag na ni/ /sdong bu dang bcas ut+pal bsnams/ /phyag g.yas na ni ral gri blta//de ni yongs su gyur pa las/ /skar ma'i phreng ba'i 'od 'phro ba'i/ /bgrang phreng rnam par bsgom par bya/ /thod pa khrag gis gang ba'i dbus/ /g.yas brkyang gis ni yang dag gnas/ /bskal pa'i me dang mtshungs pa yi/ /'od zer 'bar bas 'khor ba'i sku/ /lha mo ral pa gcig ma bsam//'phro ba'i sngags bzlas de nas ni/ /bsam med sngags kyi nus pa ni/ /phyed bcas yi ge bzhi pa yis/ /'gro ba g.yo zhing dbang byed dang / /'bebs shing skrag mdzad sangs rgyas gsung / /bsgrub bya'i spyi bor rkang pa dag /g.yas brkyang zhabs kyis kun nas mnan//de bzhin pad+ma'i snod la bsgom/ /rnal 'byor sngags ni spro zhing bzla/ /sngags gsungs pa las dngos grub ni/ /yang dag lha mos rab tu rtogs/ /dang po me yi shing rta zhon/ /sa mtha' I yi dbyangs kyis brgyan/ /phyi nas zla phyed thig le yis/ /dbu yi steng du yang dag brgyan/ / gnyis pa yang ni de bzhin te/ /'on kyang Na mtha'i gzugs kyis dbye/ /sa mtha' de bzhin gsum pa yang / /drug pa'i dbyangs dang yang dag ldan/ /sngon ma bzhin du dbu la mdzes/ /bzhi pa phaT kyi mtha' can te/ /sngags pas sngags 'di bzlas par bya/ /hrIM trIM hUM phaT 'di bzhin zhes/ /'phags ma ral gcig ma'i sgrub thabs rdzogs so/