157a7 /'phags ma dug sel ma'i gzungs rdzogs so//[ ]@##/ /rgya gar skad du/ Ar+ya dzAM gu lI sA d+ha naM/ bod skad du/ 'phags ma dug sel ma'i sgrub thabs/ 'phags ma dug sel ma la phyag 'tshal lo/ /
157b1 sngon du gsungs pa'i cho gas stong pa nyid du bsgoms pa'i rjes la chu skyes dmar po dang / zla ba la dzAM yig ser po yongs su gyur pa las 'phags ma dug sel ma'i bdag nyid du skad cig gis bskyed par bya ste/ sku mdog ser mo zhal gsum ma/ phyag drug pa/ sngon po dang /
157b2 dkar po ni g.yas pa dang cig shos kyi zhal lo/ /ral gri dang / rdo rje dang / mda' rnams ni g.yas kyi phyag gsum na'o/ /sdigs mdzub dang bcas pa'i zhags pa dang / dug gi me tog dang / gzhu bkang ba phyag g.yon pa gsum na'o/ /gdengs ka rgyas pa'i dkyil 'khor
157b3 gyi dbus la gnas pa/sbrul dang mdzes pa'i gos dang / rgyan gyis brgyan pa/ gzhon nu ma'i mtshan nyid 'bar ba/ mi bskyod pas dbu brgyan par bsgoms nas sngags bzlas par bya'o/ oM dzAM gu lI sarba bi Sha sha ma ni puHswahA/ 'phags ma dug sel ma'i sgrub thabs rdzogs so/ /