CLOSE WINDOW

D3504
བོད་ཡིག

/de'i 'og tu sngags bzlas par bya ste/ oM tA re tut+tA re tu re swAhA/ lha mo sgrol ma'i sgrub thabs rdzogs so//[ ]@##/ /rgya gar skad du/ mr-i t+yu bany+tsa no pa de sha tA rA sA d+ha naM/ bod skad du/ 'chi ba slu ba'i man ngag gi sgrol ma'i sgrub thabs/ / 'phags ma sgrol ma la phyag 'tshal lo/ /yid du 'ong ba'i sa phyogs su/ /langs nas snga dro'i thun la'o/ /bde ba'i stan la rab 'dug ste/ /rang gi snying gar zla ba la/ /lnga pa yi ni dang po la/ /dbyangs yig gnyis pa rab tu sbyar/ /zla phyed thig le yang dag ldan/ /'od zer dkar pos rnam par brgyan//de yi 'od zer dkar po yis/ /mkha' la sgrol ma gdan drangs te/ /phyag gnyis sku mdog dkar mo la/ /mchog sbyin dang ni ut+pal bsnams/ /nyer spyod lnga yi mchod pa yi/ /gus pa yis ni mchod byas nas/ /sdig pa bshags shing phyi nas ni//de nas bsod nams rjes yi rang / /de ni yongs su bsngo ba dang / /de bzhin gsum la skyabs su 'gro/ /oM shU n+ya tA dz+nyA na badzra swa b+hA ba At+ma kou0f85haM/ zhes pa'i sngags kyis stong par bsgom/ /rnal 'byor pa yi cho ga yis/ /chu skyes dkar p o'i dbus gnas pa'i//zla ba'i dkyil 'khor steng du ni/ /sngon gsungs sa bon las skyes pa'i/ /lha mo sgrol ma yid 'ong ma/ /rdo rje skyil mo krung bcas nas/ /mchog sbyin ma ni ut+pal bsnams/ /ston ka'i zla ba lta bu ni/ /zla ba'i steng du yang dag bzhugs/ /rgyan rnams thams cad yongs su rdzogs//bcu drug lo yi gzugs can ma/ /sangs rgyas thams cad de yi sras/ /yum gyur 'dod pa'i gzugs 'dzin ma/ /'phags ma sgrol ma snying gar bsgom/ /de yi 'khor lo 'od dkar ldan/ /re'u mig brgyad po rnams la ni/ /yi ge brgyad kyis yongs su bskor//oM hA gsal byed dbus gnas pa/ /bsgrub bya'i ming sogs lte ba la/ /mkhas pas rtse gcig yid kyis ni/ /nges pa brtan pos zla drug bsgom/ /yi ge bcu yi gsang sngags 'di/ /mkhas pas mi skyo'i yid kyis bzlas/ /oM yig dang po sbyin par bya/ / phyi nas tA re rab tu sbyar/ /tut+tA re yi tu re phyis/ /swA hA'i mtha' can las kun byed/ /tshangs dbang khyab 'jug nyi zla dang / /drag po phyogs skyong 'dod lhas kyang / /ba spu'i rtse mo'ang gcod mi nus/ /'chi bdag las rgyal grol ba bzhin/ /skra dkar gnyer ma skal ngan dang / /nad dang dbul sogs mdor bsdus na//seng ge la sogs 'jigs chen brgyad/ /sdug bsngal tshogs rnams rab tu 'joms/ /bskul pa med par zas la sogs/ /khang bzangs gos la sogs pa thob/ /ral gri mig sman rkang mgyogs dang / /bum pa bzang po la sogs 'grub/