CLOSE WINDOW

D3500
བོད་ཡིག

@##/ /rgya gar skad du/ d+ha na dA na tA rA sA d+ha naM/ bod skad du/ sgrol ma nor sbyin ma'i sgrub thabs/ 'phags ma sgrol ma la phyag 'tshal lo/ /sgrol ma ljang gu zhal gcig ma/ /phyag bzhi spyan gnyis khyod mnyes phyir/ /gang gi dkyil 'khor 'khor lo yi/ /lha mo bcu gnyis spyan gnyis ma//bcom ldan 'phags ma sgrol ma yi/ /khyad 'phags shin tu rnyed dka' ba'i/ /nor sbyin rim pa'i sgrub pa'i thabs/ /bsdus nas bdag gis bshad par bya/ /rnal 'byor pas snga bar byang chub tu sems bskyed nas rang gi snying gar zla ba la tAM yig ljang gu bltas la kha bsang ba la sogs pa bya'o//oM swA b+hA ba shud+d+haHsarba d+harmAH swA b+hA ba shud+d+hou0f85haM zhes brjod nas oM a mr-i te hUM phaT/ ces pa 'dis se gol gyis phyogs bcur bgegs bskrad nas/ rang gi snying gar paM yig las skyes pa'i chu skyes dmar po'i steng du a yig las skyes pa'i zla b a la gnas pa'i rang gi sa bon bsgoms nas/de'i 'od zer gyis bla ma dang sangs rgyas dang byang chub sems dpa' rnams gdan drangs nas mdun gyi nam mkha' la bzhugs te yang dag par mchod nas/ sdig pa bshags pa la sogs pa bya zhing stong pa nyid du bsgoms nas byin gyis brlabs te/raM yig dmar po yongs su gyur pa las/ nyi ma la gnas pa'i hUM yig nag po las skyes pa'i sna tshogs rdo rje rnam par bltas nas/ de'i 'od zer gyis rdo rje'i ra ba dang / rdo rje'i gur dang / rdo rje'i sa gzhi yang bsam par bya'o/ /de nas sna tshogs rdo rje'i stegs bu la baM yig dmar po las skyes pa'i chu skyes kyi steng du a yig las zla ba la gnas pa'i b+h+rUM yig dkar po yongs su gyur pa las 'khor lo dkar po'o//b+h+rUM yig dbus su bltas la pad+ma dang zla ba dang / nyi ma'i sa bon yongs su gyur pa las skyes pa'i rin po che thams cad kyi rang bzhin gru bzhi la sogs pa'i yon tan dang ldan pa'i 'khor lo gnyis so//snying po'i 'khor lo la gnas pa'i chu skyes 'dab ma brgyad pa'i ze'u 'bru la zla ba dgus nye bar mdzes pa sgo bzhi la gnas pa'i nyi ma'i 'od zer 'bar ba'i gzhal yas khang blta bar bya'o/ /de nas dbus su zla ba'i steng du de bzhin du tAM yig go//de la spro ba dang bsdu ba bya'o/ /de nas de'i sa bon las bcom ldan 'das ma sgrol mar bdag nyid bsgom par bya ste/ zla ba'i gdan la zhi ba'i 'od dang ldan zhing sems dpa'i skyil krung gis bzhugs pa sku mdog ljang sngon/ zhal gcig pa/ spyan gnyis pa/ phyag bzhi pa/ bgrang phreng dang / mchog sbyin dang / ut+pa la dang / po ti bsnams pa/ gos dang rgyan sna tshogs pa dang ldan pa'o/ /de nas oM ni spyi bo ru'o/ /tA ni dpral ba la'o/ /re ni spyan la'o/ /tu ni mgrin pa la'o/ /t+tA ni dpung pa la'o/ /re ni snying gar ro/ /tu ni lte ba la'o/ /re ni gsang ba la'o//swA ni pus mo la'o/ /hA ni rkang pa dag la dgod par bya'o/ /de nas snying gar pad+ma dang zla ba la gnas pa'i rang gi sa bon gyi 'od zer gyis bskul nas spyan ma la sogs pa'i lha mo rnams kyis bdag la dbang bskur zhing don yod grub pas dbu brgyan par bsam par bya'o//yang na snying po la gnas pa'i zla ba la rdo rje sgrol ma la sogs pa'i lha mo rnams skad cig gis bltas te/ phyi nas bsgom par bya ste/ shar du rdo rje sgrol ma ste/ /nag mo phyag na rdo rje bsnams/ /lho ru rin chen sgrol ma ste/ /ser mo phyag na rin chen bsnams/ /nub tu pad+ma'i sgrol ma ste//dmar mo phyag na chu skyes bsnams/ /byang du sangs rgyas sgrol ma ste/ /dkar mo phyag na 'khor lo bsnams/ /me mtshams me tog sgrol ma ste/ /dkar mo me tog phreng ba bsnams/ /bdug spos sgrol ma bden bral du/ /nag mo spos phor phyag na bsnams/ /rlung mtshams mar me'i sgrol ma ste//ser mo mar me'i sdong bu bsnams/ /dri yi sgrol ma dbang ldan mtshams/ /dmar mo dri yi dung chos bsnams/ /'di rnams sna tshogs pad 'dab la/ /zla brgyad la gnas zla ba'i 'od/ /sems dpa'i skyil krung gis bzhugs shing / /phyag g.yon na ni ut+pal bsnams//zhal ni 'dzum zhing sna tshogs pa'i/ /rgyan dang gos rnams 'chang ba po/ /shar sgor rdo rje lcags kyu ma/ /nag mo rdo rje lcags kyu'i phyag/ /lho ru rdo rje zhags pa ma/ /ser mo rdo rje zhags pa'i phyag /nub tu rdo rje lcags sgrog ma/ /dmar mo rdo rje lcags sgrog bsnams/ /byang du rdo rje dril bu ma//dkar mo rdo rje dril bu'i phyag /'di rnams sgo bzhi la nyi ma la blta zhing nyi ma'i 'od dang ldan pa ral pa dmar ser gyen du brdzes pa/ zhabs g.yas brkyang gis bzhugs pa/ sbrul gyi rgyan gyis brgyan pa/ zhal 'jigs pa stag gi pags pa'i na bza' bsnams pa/phyag g.yon pas ut+pal bsnams pa'o/ /de nas ye shes sems dpa' dang lhan cig tu byas te yid mi g.yo ba'i rang gi sa bon shin tu phra mo bsgom par bya'o/ /de nas sngags bzlas par bya ste/ oM tA ra tut+tA re tu re d+hA naM me da da swA hA/ de nas langs te dam tshig la oM a kA ro mu khaM zhes pa la sogs pa'i sngags kyis ut+pa la'i phyag rgyas gtor ma phul nas smon lam gdab par bya'o//lha rnams kyi 'khor lo rang gi sa bon gyi nang du bsgoms nas rang lha'i nga rgyal byas nas ci bder gnas par bya'o/ /nyi ma'i gung dang phyi dro'i thun mtshams dag la rang gi snying ga'i sa bon las skad cig gis lha rnams kyi 'khor lo sngon ma bzhin du spros te bsgoms nas bzlas pa la sogs pa bya'o//phyi dro dang nyi ma gung thun la yang khyad par 'di'o/ /me tog la sogs pas ye shes pa'i dkyil 'khor yang dag par mchod nas oM tA re tut+tA re tu re muH zhes pa 'dis gshegs su gsol lo/